Enski boltinn

West Ham vann Coventry naumlega

Elvar Geir Magnússon skrifar
West Ham var stálheppið að ná að slá út Coventry.
West Ham var stálheppið að ná að slá út Coventry.

Sextán liða úrslit enska deildabikarsins hófust í kvöld með viðureign Coventry og West Ham. Carlton Cole skoraði sigurmark West Ham í uppbótartíma og komast Hamrarnir áfram með 2-1 sigri.

1. deildarlið Coventry barðist hetjulega á heimavelli sínum en úrvalsdeildarliðið West Ham hafði heppnina með sér. Eftir markalausan fyrri hálfleik náði Coventry forystunni verðskuldað með marki Jay Tabb í seinni hálfleiknum.

West Ham náði að jafna ekki löngu síðar þegar Luis Boa Morte átti skot. Boltinn fór í Marcus Hall, leikmann Coventry, og þaðan inn. Þegar áhorfendur voru farnir að undirbúa sig fyrir framlengingu kom sigurmarkið í leiknum.

Hinir sjö leikirnir í sextán liða úrslitum deildabikarsins verða á morgun:

Bolton - Manchester City

Chelsea - Leicester

Liverpool - Cardiff

Luton - Everton

Portsmouth - Blackburn

Sheffield United - Arsenal (Beint á Sýn)

Tottenham - Blackpool

Mest lesið


Fleiri fréttir

Sjá meira


×

Mest lesið