Ramos biður um þolinmæði

Juande Ramos, nýráðinn knattspyrnustjóri Tottenham, biður stuðningsmenn liðsins um að sýna sér þolinmæði meðan hann vinnur í að koma liðinu í fremstu röð.

Þessi 53 ára Spánverji ræddi við enska fjölmiðlamenn í fyrsta sinn í dag en til þess þurfti hann að notast við túlk. „Ég vil stíga eitt skref í einu. Við þurfum að byrja á því að fá sjálfstraust í liðið áður en ég get horft lengra fram á veginn," sagði Ramos.

Ramos skrifaði undir fjögurra og hálfs árs samning við Tottenham. „Ég er bara nýkominn og er ekki búinn að skoða leikmannahópinn nægilega vel til að geta sagt hvar við þurfum að styrkja okkur. Ég er ákveðinn í að koma liðinu í fremstu röð," sagði Ramos.

Svo sagði hann að lokum á ensku. „Á æfingasvæðinu þá tala ég ensku og leikmenn skilja mig fullkomlega. En ég er enn að læra og vill frekar ræða við fjölmiðla með aðstoð frá túlki."