Eriksson: Mig langaði að kaupa Owen

Sven-Göran Eriksson, stjór Man City, segir að sig hafi mikið langað að kaupa framherjann Michael Owen frá Newcastle í sumar. Hann segist hinsvegar hafa ákveðið að kaupa frekar fleiri en færri leikmenn og að verðmiðinn á Owen hafi verið of hár.

"Við veltum því fyrir okkur en verðmiðinn fældi okkur frá," sagði Eriksson í samtali við Guardian. "Við höfðum ákveðna upphæð til að eyða en ákváðum að kaupa frekar fleiri leikmenn en að eyða miklu í ein stór kaup," sagði Svíinn. Hann segist finna til með Owen í meiðslunum.

"Michael hefur verið gríðarlega óheppinn með meiðsli síðasta árið og ég finn mikið til með honum. Það var því frábært að sjá hann koma aftur inn í enska landsliðið og ná að skora. Hann er góður drengur og ég held að hann eigi mörg góð ár eftir þar sem hann er aðeins 27 ára gamall," sagði Eriksson.