Valskonur fallnar í fyrsta sinn

Sesselja Ósk Gunnarsdóttir skrifar 2. október 2026 19:52

Frá leik Vals og Fram fyrr á tímabilinu vísir/Diego

Valskonur eru fallnar úr efstu deild kvenna í fótbolta í fyrsta sinn í sögunni. Sigur liðsins gegn Fram í lokaumferð Bestu deildarinnar í kvöld dugði ekki til að bjarga sæti liðsins þar sem að Þór/KA vann á sama tíma Víking Reykjavík í Fossvoginum og sendi þar með bæði Val og Víking Reykjavík niður í Lengjudeildina.

Valskonur þurftu á sigri gegn Fram sem og jafntefli í leik Víkings Reykjavíkur og Þór/KA að halda til þess að bjarga sæti sínu í Bestu deildinni og forðast fall.

Sigurinn kom með mörkum í seinni hálfleik frá Emmu Hawkins og Arnfríði Auði Arnarsdóttur. Lengi vel leit út fyrir að leikur Víkings og Þórs/KA myndi enda með jafntefli en mörk frá Maríu Dögg Jóhannesdóttur og Erin Flurey seint í seinni hálfleik sáu til þess að Þór/KA bjargaði sæti sínu og sendi bæði Víking og Val niður í Lengjudeildina.

Í fyrsta sinn í glæstri sögu kvennaliðs Vals í fótbolta sem liðið fellur úr efstu deild.

Leikurinn byrjaði nokkuð rólega og voru bæði lið að þreifa fyrir sér á vellinum. Bæði lið fengu fín færi í fyrri hálfleik en tókst ekki að nýta sér þau.

Hættulegasta færi fyrri hálfleiksins kom þegar Emma Hawkins komst inn fyrir vörn Fram. Skot hennar virtist á leið í netið en boltinn hafnaði í annarri stönginni, þaðan í hina stöngina og út. 0-0 og þannig stóðu leikar í hálfleik.

Á 61. mínútu nýtti Emma Hawks slæma sendingu til baka frá Hörpu Helgadóttur og komst ein í gegn og kom boltanum í netið.

Arnfríður Auður Arnarsdóttir bætti svo við öðru marki Vals á 73. mínútu. Ashley varði fyrsta skotið en missti boltann og Arnfríður fyrst á frákastið og þrumaði boltanum í netið.

Sara Svanhildur Jóhannsdóttir minnkaði muninn skömmu fyrir leikslok og hleypti spennu í leikinn á ný.

Þór/KA sigraði Víking R 0-2 og því ljóst að Valur og Víkingur Reykjavík falla niður um deild þetta tímabilið. Á sama tíma gerðu Stjarnan og Grindavík/Njarðvík markalaust jafntefli.