Bruce tekur við Wigan

Steve Bruce er næsti knattspyrnustjóri hjá úrvalsdeildarfélaginu Wigan á Englandi í annað sinn á ferlinum. Bruce fékk sig lausan frá Birmingham í dag og fær félagið 3 milljónir punda fyrir að sleppa honum.

Fregnir herma að Bruce muni fá 2 milljónir punda í árslaun fyrir störf sín hjá Wigan, en hann tekur við liðinu í bullandi fallbaráttu eftir erfiða byrjun á tímabilinu.

"Það eru kostakaup að greiða 3 milljónir punda fyrir að fá mann á borð við Bruce til starfa hjá okkur," hafði breska sjónvarpið eftir stjórnarformanni Wigan í dag.

Bruce verður formlega tilkynntur til starfa hjá Wigan síðar í dag.