Sagt lækna eiturlyfjafíkn

Galdralyf bjargar fíklum frá fíkninni, eða svo er sagt. Í sænska blaðinu Aftonbladet er sagt frá stúlku, Júlíu frá Botkyrka í Svíþjóð, sem hafði verið háð eiturlyfjum í fimmtán ár þegar hún fór í meðferð til Prag þar sem hún var „læknuð“ af fíkninni með náttúrulyfinu Ibogain frá Mið-Afríku.

Ibogain hefur ofskynjanir í för með sér. Í alfræðiritinu Wikipediu segir að það sé notað til að vinna gegn eiturlyfjaneyslu og að læknastöðvar hafi risið í mörgum löndum þar sem lyfið er enn notað í tilraunaskyni. Níu dauðsföll hafa tengst lyfinu.