Forseti Íraks fastur í Bagdad

Leiðtogafundur forseta Írans og Íraks frestast í það minnsta til morguns, vegna útgöngubanns í Bagdad. Flugvöllurinn er lokaður, sem hamlar för Jalals Talabanis, forseta Íraks. Útgöngubannið gildir til klukkan 6 í fyrramálið að íslenskum tíma en það tók gildi eftir óvenju miklar árásir á Sadr-hverfið í Bagdad á fimmtudag.

Forsetarnir ætluðu að hittast í gær og hafði forseta Sýrlands einnig verið boðið til fundarins. Aðalumræðuefnið verður hlutverk Írans í að lægja öldurnar í grannlandinu Írak og hvernig best megi tryggja stöðugleikann í landinu.