112 látnir í Indóníesíu

Að minnsta kosti 112 manns eru látnir og hundrað er saknað á eyjunni Sulawesi á Indónesíu eftir miklar rigningar og aurskriður síðustu tvo sólarhringa. Talið er að margir séu grafnir í leðju.

Mikið hefur rignt á suðurhluta eyjunnar síðan á mánudag og valdið miklum skemmdum. Yfirvöld í héruðum sem hvað verst hafa orðið úti eru illa í stakk búin til að takast á við slíkt ófremdarástand. Þau hafa meðal annars óskað eftir fleiri líkpokum fyrir fórnarlömb hamfaranna. Hitabeltisrigningar valda fjölda aurskriða og flóðum á Indónesíu á hverju ári.