Tvær milljónir barna deyja sama dag og þau fæðast

Tvær milljónir barna sem fæðast í þróunarlöndum árlega deyja sama daga og þau fæðast. Þetta kemur fram í nýrri skýrslu samtakanna Sava the Children um aðbúnað mæðra og barna í löndum heimsins. Flest barnanna látast af kvillum sem auðveldlega má koma í veg fyrir. Samkvæmt skýrslunni best að vera móðir á Norðurlöndum en erfiðast í ríkjum Afríku sunnan Sahara-eyðimerkurinnar. Í skýrslunni segir að menntun kvenna, góð heilsugæsla og félagsþjónusta skipti mestu til þess að móðir og barn nái að dafna.