Erlent

Loka skólum út af eldflaugaárásum

Jafnt börn sem fullorðnir taka þátt hungurverkfalli í Sderot.
Jafnt börn sem fullorðnir taka þátt hungurverkfalli í Sderot. MYND/AP

Bæjaryfirvöld í ísraelska bænum Sderot hafa lokað barnaskóla í bænum til að þrýsta á stjórnvöld að bregðast harðar við sprengjuskothríð palestínskra vígamanna á bæinn.Bæjarbúar í Sderot gripu til þessara ráða eftir að rúmlega 30 heimagerðum eldflaugum var skotið að bænum í gær.

Ein eldflauganna lenti á skóla og liggur einn maður þungt haldinn á sjúkrahúsi eftir árásina. Eldflaugarnar heimagerðu granda sjaldan mannslífum en margir hafa særst og er það nóg til þess að íbúar í Sderot segjast smeykir við að yfirgefa heimili sín. Hamas-samtökin hafa lýst ábyrgð á hendur sér á megni eldflauganna og segja það hefnd fyrir átta Palestínumenn sem létu lífið þegar sprengju var varpað á strönd á Gaza-svæðinu á föstudag.

Áhrif langvarandi ógnar af nábýlinu við viðmiðunarlínu milli Palestínu og Ísraels birtist meðal annars í teikningum skólabarnanna í Sderot; eldflaugar og skotárásir eru hluti af daglegu lífi.

Tugir íbúa í Sderot hafa verið í hungurverkfalli frá því í gær utan við hús varnarmálaráðherra Ísraels, en þetta er heimabær hans. Þeir segja mál að linni og tími til kominn að stjórnin grípi til aðgerða.



Mest lesið


Fleiri fréttir

Sjá meira


×

Mest lesið