Viðgerðir seinka lendingu

Ákveðið hefur verið að lengja dvöl geimferjunnar Discovery í geimnum fram á föstudag til að gjörnýta ferðina til viðgerða á alþjóðlegu geimstöðinni, sem er í smíðum.

NASA ákvað að senda sinn reyndasta geimfara, Robert Curbeam, í fjórðu geimgöngu leiðangursins til að gera við bilaðan sólarorkubúnað stöðvarinnar.

Geimstöðina á að opna samkvæmt áætlun árið 2010, en verkefnið er nú þegar á eftir áætlun og þess vegna gripið til þeirra ráða að senda Curbeam í eina geimgönguna enn, ásamt sænska geimfaranum Christer Fuglesang.