Ríkisstjórinn frestar aftökum

Ríkisstjóri Flórída, Jeb Bush, hefur frestað öllum aftökum í ríkinu eftir að illa gekk að framfylgja líflátsdómi Angel Diaz, sem dæmdur var fyrir morð árið 1979.

Aftakan fór fram með banvænni sprautu en hún á að draga fólk til dauða á innan við fimmtán mínútum. Í tilfelli Diaz tók ferlið 34 mínútur og gefa þurfti henni tvo skammta. Samkvæmt lögum Flórída mega refsingar ekki vera „grimmar og óvenjulegar“. Jeb Bush sagði að þar til hægt yrði að tryggja að banvæn sprauta væri ekki grimm og óvenjuleg refsing yrði öllum aftökum frestað.