Beiðni Khodorkovskys hafnað

Rússneskir dómarar höfnuðu beiðni lögmanna milljarðamæringsins Mikhails Khodorkovskys um að ákæruatriði vegna yfirtöku hans á Yukos olíufélaginu fyrir 10 árum yrðu felld niður. Dómarar segja að fara þurfi mun betur yfir málið áður en hægt sé að láta það niður falla. Khodorkovsky hefur nú setið í fangelsi frá því í október. Milljarðamæringurinn hefur þurft að horfa á veldi sitt hrynja til grunna úr fangelsi en hann var á tímabili ríkasti Rússinn. Búist er við að málið dragist fram á næsta ár.