Lúðvík beitti bolabrögðum og reyndist ódrengur 13. nóvember 2004 00:01 "Lúðvík beitti mig bolabrögðum, hann reyndi að kúga mig til að játa á mig sakir sem ekki voru fyrir hendi, hann beitti ósiðlegum aðferðum – á mörkum hins löglega – og reyndist ódrengur undir lok samstarfsins," segir Andrés Sigmundsson,bæjarfulltrúi í Vestmannaeyjum í yfirlýsingu sem hann sendi frá sér í kjölfar slita á meirihlutasamstarfi í bæjarstjórn í gær. Slitin urðu að sögn vegna trúnaðarbrests, meðal annars vegna undirritunar Andrésar á viljayfirlýsingu um kaup á svokölluðu Fiskiðjuhúsi sem menningarhúsi fyrir 153 milljónir króna. Andrés segist engan hafa skuldbundið og engan skaðað, einungis lýst yfir því að áfram skyldi unnið í málinu. "Lúðvík ákvað hins vegar að nota þetta tilefni með lævíslegum hætti til að sverta mannorð mitt og leiða Sjálfstæðisflokkinn enn á ný til valda í Vestmannaeyjabæ. Þar með hefur Lúðvík stöðvað samvinnu félagshyggjuaflanna í Vestmannaeyjum," segir Andrés Sigmundsson í yfirlýsingunni. Ennfremur segir í yfirlýsingunni að Lúðvík hafi undibúið vandlega það sem Andrés kallar aðför að sér, enda hafi Lúðvík verið búinn að mynda nýjan meirihluta með Sjálfstæðisflokki fáum stundum síðar, gefa því samstarfi nafn og skipa í nefndir. Því sé vart annað að sjá af þeim atburðum sem orðið hafi síðustu daga í Eyjum en að leiðtogar Vestmannaeyjalista og Sjálfstæðisflokks hafi hannað atburðarásina frá upphafi til enda. Yfirlýsing Andrésar Sigmundssonar í heild:"Vestmannaeyjalistinn undir forystu Lúðvíks Bergvissonar hefur slitið vinstra samstarfinu við Framsóknarflokkinn í bæjarstjórn Vestmanneyja með tilvísun til trúnaðarbrests við undirritaðan. Í sjálfu sér er ekki við það að athuga að stjórnmálamaður á borð við Lúðvík Bergvinsson skipti um skoðun frá vinstri til hægri, en á hinn bóginn er ólíðandi að það sé gert með upplognum tilefnum og með því að vega að mannorði annarra manna. Staðreyndin er sú að Lúðvík hafði undibúið vandlega aðförina að undirrituðum enda var hann þegar samdægurs búinn að mynda meirihluta með Sjálfstæðisflokknum, gefa því samstarfi nafn og skipa í nefndir. Það er ekki annað að sjá af þeim atburðum sem orðið hafa síðustu daga í Eyjum heldur en þeir kumpánar, Lúðvík og leiðtogi Sjálfstæðisflokksins, hafi hannað atburðarásina frá upphafi til enda.Það er rangt að ég hafi undirritað viljayfirlýsingu um kaup á svokölluðu Fiskiðjuhúsi sem menningarhúsi fyrir 153 milljónir. Viljayfirlýsingin sem ég undiritaði felur einungis í sér það sem þar stendur, áhuga viðkomandi að halda áfram viðræðum í byrjun þeirra, og leggja fram hugmyndir til skoðunar og ákvörðunar. Þar er skýrt tekið fram að "samkomulag er háð formlegu samþykki Verkefnastjórnar um Menningarhús í Vestmannaeyjum og skráðum eigendum" Fiskiðjuhússins. Í þessu felst ekki annað en að tillögur verði lagðar fram til kynningar og ákvörðun tekin hvort þeim verði hafnað eða þær samþykktar. Það er lögfræðilegt mat að engar frekari skuldbindingar hafi falist í þessari viljayfirlýsingu – og því þurfa aðrar hvatir en faglegar að koma til sögu þegar þetta er notað sem tilefni til samstarfsslita. Ég hafði engan skuldbundið – og engan skaðað.Lúðvík Bergvinsson ákvað hins vegar að nota þetta tilefni með lævíslegum hætti til að sverta mannorð mitt og leiða Sjálfstæðisflokkinn enn á ný til valda í Vestmannaeyjabæ. Þar með hefur Lúðvík stöðvað samvinnu félagshyggjuaflanna í Vestmannaeyjum, meirihlutasamstarf sem verið hefur "með miklum ágætum" eins og það er orðað í bókun Lúðvíks.Lúðvík Bergvinsson hefur vissulega heimild til að treysta þeim sem honum sýnist, og mynda meirihluta með hægri mönnum, en það er fráleitt hægt að sætta sig við þær aðferðir sem hann hefur notað til að slíta vinstra samstarfinu. Hann beitti mig bolabrögðum, hann reyndi að kúga mig til að játa á mig sakir sem ekki voru fyrir hendi, hann beitti ósiðlegum aðferðum – á mörkum hins löglega – og reyndist ódrengur undir lok samstarfsins. Andrés Sigmundsson. Vestmannaeyjum." Entist í 20 mánuði. Nýr bæjarstjórnarmeirihluti var myndaður í Eyjum í lok mars 2003. Sambúðin tók enda í gærkvöld þegar Vestmannaeyjalistinn undir forystu Lúðvíks Bergvinssonar batt enda á hana og myndaði nýjan meirihluta fáum klukkutímum síðar með Sjálfstæðisflokki. Fréttir Innlent Stj.mál Mest lesið Klara Baldursdóttir er látin Innlent Fimm frumvörp fjögurra ráðuneyta samþykkt Innlent Erlendur ferðamaður féll í Brúará Innlent „Erum ekki dúkkur sem Snorri getur sagt fyrir verkum“ Innlent Kýldi konu eftir kynmök: „Hvað, getur þú ekki meira?“ Innlent „Þegar fjármagnið klárast, þá klárast líka aðgengið“ Innlent Þyrla Landhelgisgæslunnar kölluð út vegna göngumanns Innlent Var fluttur óvart úr landi en er snúinn aftur Erlent „Kraftmiklar og afgerandi aðgerðir gegn skipulagðri brotastarfsemi“ Innlent Slævandi lyf og lágt sætisbak dráttarvélar orsakir banaslyss Innlent Fleiri fréttir Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Sjá meira
"Lúðvík beitti mig bolabrögðum, hann reyndi að kúga mig til að játa á mig sakir sem ekki voru fyrir hendi, hann beitti ósiðlegum aðferðum – á mörkum hins löglega – og reyndist ódrengur undir lok samstarfsins," segir Andrés Sigmundsson,bæjarfulltrúi í Vestmannaeyjum í yfirlýsingu sem hann sendi frá sér í kjölfar slita á meirihlutasamstarfi í bæjarstjórn í gær. Slitin urðu að sögn vegna trúnaðarbrests, meðal annars vegna undirritunar Andrésar á viljayfirlýsingu um kaup á svokölluðu Fiskiðjuhúsi sem menningarhúsi fyrir 153 milljónir króna. Andrés segist engan hafa skuldbundið og engan skaðað, einungis lýst yfir því að áfram skyldi unnið í málinu. "Lúðvík ákvað hins vegar að nota þetta tilefni með lævíslegum hætti til að sverta mannorð mitt og leiða Sjálfstæðisflokkinn enn á ný til valda í Vestmannaeyjabæ. Þar með hefur Lúðvík stöðvað samvinnu félagshyggjuaflanna í Vestmannaeyjum," segir Andrés Sigmundsson í yfirlýsingunni. Ennfremur segir í yfirlýsingunni að Lúðvík hafi undibúið vandlega það sem Andrés kallar aðför að sér, enda hafi Lúðvík verið búinn að mynda nýjan meirihluta með Sjálfstæðisflokki fáum stundum síðar, gefa því samstarfi nafn og skipa í nefndir. Því sé vart annað að sjá af þeim atburðum sem orðið hafi síðustu daga í Eyjum en að leiðtogar Vestmannaeyjalista og Sjálfstæðisflokks hafi hannað atburðarásina frá upphafi til enda. Yfirlýsing Andrésar Sigmundssonar í heild:"Vestmannaeyjalistinn undir forystu Lúðvíks Bergvissonar hefur slitið vinstra samstarfinu við Framsóknarflokkinn í bæjarstjórn Vestmanneyja með tilvísun til trúnaðarbrests við undirritaðan. Í sjálfu sér er ekki við það að athuga að stjórnmálamaður á borð við Lúðvík Bergvinsson skipti um skoðun frá vinstri til hægri, en á hinn bóginn er ólíðandi að það sé gert með upplognum tilefnum og með því að vega að mannorði annarra manna. Staðreyndin er sú að Lúðvík hafði undibúið vandlega aðförina að undirrituðum enda var hann þegar samdægurs búinn að mynda meirihluta með Sjálfstæðisflokknum, gefa því samstarfi nafn og skipa í nefndir. Það er ekki annað að sjá af þeim atburðum sem orðið hafa síðustu daga í Eyjum heldur en þeir kumpánar, Lúðvík og leiðtogi Sjálfstæðisflokksins, hafi hannað atburðarásina frá upphafi til enda.Það er rangt að ég hafi undirritað viljayfirlýsingu um kaup á svokölluðu Fiskiðjuhúsi sem menningarhúsi fyrir 153 milljónir. Viljayfirlýsingin sem ég undiritaði felur einungis í sér það sem þar stendur, áhuga viðkomandi að halda áfram viðræðum í byrjun þeirra, og leggja fram hugmyndir til skoðunar og ákvörðunar. Þar er skýrt tekið fram að "samkomulag er háð formlegu samþykki Verkefnastjórnar um Menningarhús í Vestmannaeyjum og skráðum eigendum" Fiskiðjuhússins. Í þessu felst ekki annað en að tillögur verði lagðar fram til kynningar og ákvörðun tekin hvort þeim verði hafnað eða þær samþykktar. Það er lögfræðilegt mat að engar frekari skuldbindingar hafi falist í þessari viljayfirlýsingu – og því þurfa aðrar hvatir en faglegar að koma til sögu þegar þetta er notað sem tilefni til samstarfsslita. Ég hafði engan skuldbundið – og engan skaðað.Lúðvík Bergvinsson ákvað hins vegar að nota þetta tilefni með lævíslegum hætti til að sverta mannorð mitt og leiða Sjálfstæðisflokkinn enn á ný til valda í Vestmannaeyjabæ. Þar með hefur Lúðvík stöðvað samvinnu félagshyggjuaflanna í Vestmannaeyjum, meirihlutasamstarf sem verið hefur "með miklum ágætum" eins og það er orðað í bókun Lúðvíks.Lúðvík Bergvinsson hefur vissulega heimild til að treysta þeim sem honum sýnist, og mynda meirihluta með hægri mönnum, en það er fráleitt hægt að sætta sig við þær aðferðir sem hann hefur notað til að slíta vinstra samstarfinu. Hann beitti mig bolabrögðum, hann reyndi að kúga mig til að játa á mig sakir sem ekki voru fyrir hendi, hann beitti ósiðlegum aðferðum – á mörkum hins löglega – og reyndist ódrengur undir lok samstarfsins. Andrés Sigmundsson. Vestmannaeyjum." Entist í 20 mánuði. Nýr bæjarstjórnarmeirihluti var myndaður í Eyjum í lok mars 2003. Sambúðin tók enda í gærkvöld þegar Vestmannaeyjalistinn undir forystu Lúðvíks Bergvinssonar batt enda á hana og myndaði nýjan meirihluta fáum klukkutímum síðar með Sjálfstæðisflokki.
Fréttir Innlent Stj.mál Mest lesið Klara Baldursdóttir er látin Innlent Fimm frumvörp fjögurra ráðuneyta samþykkt Innlent Erlendur ferðamaður féll í Brúará Innlent „Erum ekki dúkkur sem Snorri getur sagt fyrir verkum“ Innlent Kýldi konu eftir kynmök: „Hvað, getur þú ekki meira?“ Innlent „Þegar fjármagnið klárast, þá klárast líka aðgengið“ Innlent Þyrla Landhelgisgæslunnar kölluð út vegna göngumanns Innlent Var fluttur óvart úr landi en er snúinn aftur Erlent „Kraftmiklar og afgerandi aðgerðir gegn skipulagðri brotastarfsemi“ Innlent Slævandi lyf og lágt sætisbak dráttarvélar orsakir banaslyss Innlent Fleiri fréttir Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Sjá meira