Capello: Beckham hefur verið frábær

Fabio Capello, þjálfari Real Madrid, segir að framkoma og metnaður David Beckham á æfingum Real Madrid síðustu vikur hafi sannfært sig um að enski miðjumaðurinn væri tilbúinn í slaginn með spænska liðinu. Capello segir Beckham hafa hagað sér eins og sannur fagmaður eftir að hafa verið tilkynnt um að hann myndi ekki spila meira í vetur.

Óvíst hvað Lampard gerir eftir tímabilið

Ummæli umboðsmanns Frank Lampard hjá Chelsea í morgun hafa ýtt undir þær sögusagnir að enski landsliðsmaðurinn kunni að vera á förum frá Englandsmeisturunum í sumar. Umboðsmaðurinn staðfestir að Lampard verði hjá Chelsea út leiktíðina en hvað taki við í sumar sé algjörlega óráðið.

Hannes lætur þjálfara sinn heyra það

Íslenski landsliðsmaðurinn Hannes Sigurðsson lætur nýjan þjálfara sinn Tom Kolhert fá það óþvegið í viðtali við danska Expressen í morgun. Sem kunnugt er hefur Kolhert tilkynnt Hannesi að hann muni ekki spila undir sinni stjórn og sagt honum að leita sér að nýju liði. Hannes sakar Kolhert um algjör virðingarleysi.

Margrét Lára fer til Vals

Margrét Lára Viðarsdóttir mun samkvæmt heimildum fréttastofu skrifa undir tveggja ára samning við Val nú síðdegis. Margrét Lára hefur leikið með Valsstúlkum síðustu tvö sumur og þekkir því vel til aðstæðna á Hlíðarenda. Ekki þarf að fjölyrða um hversu mikill liðsstyrkur Margrét Lára er fyrir Val, en hún var langbesti leikmaður Landsbankadeildar kvenna á síðustu leiktíð.

Beckham verður með Real á morgun

David Beckham hefur verið kallaður aftur inn í leikmannahóp Real Madrid fyrir leikinn gegn Real Sociedad í spænsku úrvalsdeildinni á morgun. Gengi Real hefur ekki verið upp á marga fiska síðustu vikur og hefur þjálfarinn Fabio Capello nú látið undan gríðarlegum þrýstingi um að gefa Beckham tækifæri á ný.

QPR: Leikmenn hugsanlega reknir fyrir slagsmál

Gianni Paladini, stjórnarformaður QPR á Englandi, segir að vel komi til greina að reka leikmenn frá félaginu eftir að þeir lentu í hörkuslagsmálum við U-23 ára landslið Kína í æfingaleik á æfingasvæði enska félagsins í gærkvöld. Einn kínversku leikmannanna var fluttur meðvitundarlaus á sjúkrahús eftir átökin.

Grannliðin í Liverpool sektuð

Knattspyrnufélögin Liverpool og Everton hafa verið sektuð um 10 þúsund pund og gefin hörð viðvörun vegna slagsmála sem brutust út í haust þegar varalið félaganna áttust við. Nokkrum leikmönnum var þá vísað af velli eftir að slagsmál brutust út þegar Jerzy Dudek markverði Liverpool var sýnt rauða spjaldið. Liverpool var sektað aukalega vegna óláta leikmanna liðsins.

Sex leikvangar opnir fyrir áhorfendur um helgina

Nú stefnir í að aðeins sex af þeim tíu viðureignum sem fyrirhugaðar eru í ítölsku A-deildinni um helgina verði fyrir framan áhorfendur, en í dag var birtur listi yfir heimavelli sem standast nýjar og hertar öryggiskröfur. Þetta eru leikvangar í Róm, Genoa, Siena, Cagliari, Tórínó og Palermo á Sikiley.

Van der Sar verður frá í tvær vikur

Hollenski markvörðurinn Edwin van der Sar hjá Manchester United verður frá keppni í tvær vikur í viðbót vegna nefbrotsins í leiknum gegn Tottenham um síðustu helgi. Félagið tilkynnti þetta í dag, en það verður Pólverjinn ungi Tomasz Kuszczak sem tekur stöðu hans í markinu á meðan.

Riquelme lánaður til heimalandsins

Forseti Boca Juniors í Argentínu segir að félagið sé búið að gera fjögurra mánaða lánssamning við leikstjórnandann Juan Roman Riquelme hjá Villarreal og muni greiða spænska félaginu hátt í tvær milljónir evra fyrir. Riquelme hefur verið úti í kuldanum hjá Villarreal á leiktíðinni eftir deilur við þjálfara sinn.

Martins stakk af til að sinna veikri móður sinni

Glenn Roeder, knattspyrnustjóri Newcastle, hefur farið þess á leit við þjálfara nígeríska landsliðsins að hann sýni framherjanum Obafemi Martins skilning eftir að hann skrópaði í landsleik Nígeríu og Gana í fyrrakvöld. Martins flaug heim til Nígeríu til að sækja veika móður sína, en landsliðsþjálfarinn varð æfur og sagðist ætla að setja Martins í bann fyrir að vanvirða landslið sitt.

Ferguson ætlar að gefa ungliðunum tækifæri á næsta ári

Sir Alex Ferguson segist vera mjög ánægður með efnilegan hóp ungliða hjá félaginu og hefur látið í það skína að hann muni gefa fjölda þeirra tækifæri með aðalliðinu á næstu leiktíð. Frábær árangur United síðustu árin er einmitt að miklum hluta byggður á ungliðum félagsins sem kallaðir voru ´92 árgangurinn.

Arteta vill fara aftur til Spánar

Miðjumaðurinn Mikel Arteta hjá Everton segir að hann hafi fullan hug á því að fara aftur til Spánar að spila, en segist þó ánægður í herbúðum enska liðsins. "Ég væri til í að fara aftur þangað, en ef félög hafa áhuga á mér, verða þau að ræða við Everton fyrst," sagði Arteta, sem hefur mikið verið orðaður við félög eins og Atletico Madrid undanfarið.

Enska landsliðið fær lélega dóma

Enskir fjölmiðlar eru skiljanlega ekki mjög hrifnir af frammistöðu enska landsliðsins í tapinu gegn Spánverjum í gær og í einkunnagjöfum eru það einna helst Jonathan Woodgate og markvörðurinn Ben Foster sem sleppa við öxina.

Real og Barcelona ríkustu félögin

Real Madrid er komið aftur í efsta sæti yfir ríkustu knattspyrnufélög Evrópu og erkifjendurnir Barcelona sitja í öðru sætinu. Þetta er niðurstaða ítarlegrar könnunar sem gerð hefur verið og sýnir 20 ríkustu félagslið í Evrópu.

Lehmann á förum frá Arsenal?

Þýski markvörðurinn Jens Lehmann hjá Arsenal hefur látið í það skína að hann verði ekki mikið lengur í herbúðum liðsins. Í samtali við Kicker í dag sagðist Lehmann ekki sáttur við stefnu Arsenal að bjóða leikmönnum yfir þrítugt aðeins eins árs samninga.

Barcelona neitar að hafa rangt við

Spænska liðið Barcelona neitar því að hafa aðhafst eitthvað ólöglegt og rætt við umboðsmann Portúgalans Cristianos Ronaldo, leikmanns Manchester United, um framtíð hans í vikunni.

Sautján ára piltur yfirheyrður vegna dauða lögreglumanns

Lögreglan á Sikiley greindi í dag frá því að yfirheyrslur stæðu nú yfir 17 ára pilti sem grunaður er um að vera valdur að dauða lögreglumanns í átökum tengdum viðureign sikileysku liðanna Catania og Palermo á föstudaginn var.

Fær Milan að leika á San Siro í Meistardeildinni?

Það ræðst í dag hvort AC Milan fær að leika heimaleik sinn í 16 liða úrslitum Meistaradeildar Evrópu gegn skoska liðinu Celtic á Giuseppe Meazza vellinum í Mílanó en hann uppfyllir ekki kröfur ítalska knattspyrnusambandsins um öryggi áhorfenda. Hugsanlegt er að leikurinn verði fluttur á hlutlausan völl í Frakklandi eða Sviss.

Ætlar að veita stjörnum yfirhalningu

Steve McClaren, landsliðsþjálfari Englands, segist munu ræða við helstu stjörnur enska liðsins eftir að það lá fyrir Spánverjum í vináttulandsleik í Englandi í gær, 0-1. Þetta var fjórði leikurinn í röð þar sem liðinu tekst ekki að sigra en það hefur farið heldur illa af stað í undankeppni Evrópumóts landsliða.

McClaren: Sóknarleikurinn daufur

Steve McClaren sagðist ekki hissa á því að áhorfendur á Old Trafford hefðu baulað á enska landsliðið þegar það gekk af velli eftir 1-0 tap gegn Spánverjum í gærkvöldi. Hann var nokkuð ánægður með frammistöðu nýju mannanna í enska hópnum, en sagði að bitleysi í sóknarleiknum hefði orðið sínum mönnum að falli.

Þjóðverjar lögðu Svisslendinga - Ballack meiddist

Þjóðverjar lögðu Svisslendinga nokkuð sannfærandi 3-1 í vináttuleik þjóðanna í Dusseldorf í gærkvöld þar sem heimamenn réðu ferðinni frá upphafi til enda. Michael Ballack þurfti að fara meiddur af velli í hálfleik eftir að hafa tognað á læri, en þó nokkur broddur færi úr sóknarleik Þjóðverja eftir það var sigurinn aldrei í hættu.

San Marino svaraði Roy Keane

Leikmenn San Marino hafa eflaust heyrt hvað Roy Keane sagði um lið þeirra í dag því þeir reyndust Írum erfiður ljár í þúfu í undankeppni EM og töpuðu naumlega 2-1 á heimavelli sínum, þar sem írska liðið stal sigrinum með marki þegar fjórar mínútur voru komnar fram yfir venjulegan leiktíma.

Spánverjar lögðu slaka Englendinga

Spánverjar unnu verðskuldaðan sigur á slöku liði Englendinga í vináttuleik í knattspyrnu á Old Trafford í kvöld. Það var varamaðurinn Andres Iniesta frá Barcelona sem skoraði sigurmark spænskra á 63. mínútu og færði Steve McClaren fyrsta tap sitt á heimavelli síðan hann tók við enska liðinu í sumar.

Mikil ólga á Ítalíu í kjölfar lokunar leikvanga

Eins og fram hefur komið í fréttum í dag verður mikill fjöldi leikja í ítalska boltanum á næstunni spilaður fyrir luktum dyrum eftir að öryggisreglur voru hertar gríðarlega á Ítalíu í dag. Kostnaðurinn við hvern dag sem leikjum er frestað er talinn vera um 15 milljónir evra.

Kristjáni meinað að tjá sig um mengunina

Þjálfari knattspyrnuliðs Keflavíkur leitaði sér læknisaðstoðar eftir að hafa fengið sýkingu í augu vegna svifryks í Reykjaneshöll. Bæjaryfirvöld í Reykjanesbæ hyggjast leysa svifryksvandann með ryksugu, en þjálfaranum var bannað að veita viðtal vegna málsins.

Ólympíunefndin hafnar West Ham

Fulltrúar Ólympíunefndarinnar á Englandi hafa lýst því yfir að ekkert verði af samstarfi við West Ham eða önnur knattspyrnufélög um byggingu Ólympíuleikvangsins í London fyrir leikana þar í borg árið 2012, því slíkt gæti orðið til þess að undirbúningur fyrir leikana tefðist og yrði mun kostnaðarsamari en ella.

Ljungberg ætlar að vera áfram hjá Arsenal

Sænski landsliðsmaðurinn Freddie Ljungberg segist staðráðinn í að halda áfram að leika með Arsenal og segist ekki vilja fara frá félaginu þó samningur hans renni út í sumar. Ljungberg hefur verið orðaður við lið eins og AC Milan og Real Madrid.

Ronaldo neitar ekki orðrómum

Portúgalinn Cristiano Ronaldo hjá Manchester United lagði sig lítið fram við að mótmæla þrálátum orðrómi um að hann væri að fara til Spánar eftir leik Portúgala og Brasilíumanna á Englandi í gær.

Bæði lið þurfa á sigri að halda í kvöld

Englendingar og Spánverjar mætast í vináttuleik í knattspyrnu á Old Trafford í Manchester í kvöld og verður leikurinn sýndur beint á sjónvarpsstöðinni Sýn klukkan 20. Bæði lið hafa verið í erfiðleikum í undankeppni EM í síðustu leikjum og þurfa því nauðsynlega að hrista af sér slenið í kvöld.

Roy Keane: Lið San Marino er skelfilegt

Roy Keane, knattspyrnustjóri Sunderland og fyrrum leikmaður írska landsliðsins, blæs á þær klisjur að enginn leikur sé léttur í fótbolta. Írar mæta liði San Mario í undankeppni EM í kvöld og Keane hefur sínar skoðanir á leiknum. "Menn segja að enginn leikur í fótbolta sé auðveldur, en lið San Marino er skelfilegt og írska liðið á að vinna auðveldan stórsigur í kvöld," sagði Keane.

Capello skammaður fyrir að hrósa öfgasinnuðum stuðningsmönnum

Fabio Capello, þjálfari Real Madrid, var tekinn inn á teppi hjá stjórn félagsins í dag þar sem hann var skammaður fyrir að hafa hrósað öfgasinnuðum stuðningsmönnum liðsins, Ultras Sur, fyrir stuðninginn í háðlegu tapi Real fyrir Levante á dögunum.

Aðeins fimm heimavellir í A-deildinni standast kröfur

Aðeins fimm leikvangar í A deildinni á Ítalíu eru sagðir standast hertar öryggiskröfur sem tilkynntar verða þar í landi í dag í kjölfar harmleiksins á leik Catania og Palermo á dögunum. Þetta eru Ólympíuleikvangurinn í Róm, heimavöllur Roma og Lazio, Ólympíuleikvangurinn í Tórínó, heimavöllur Juventus og Torino, Renzo Berbera (Palermo), Luigi Ferraris (Sampdoria) og San Filippo (Messina).

Celtic mætir Milan á tómum San Siro

Ítalska knattspyrnusambandið mun í dag tilkynna úrskurð sinn í öryggismálum eftir óeirðirnar þar í landi sem kostuðu enn eitt mannslífið um daginn, en þegar hefur verið tilkynnt að 11 heimavellir í A-deildinni standist ekk nýja og stranga öryggisstaðla. fyrir luktum dyrum.

Ayala fer til Villarreal í sumar

Argentínumaðurinn Roberto Ayala gengur í raðir Villarreal frá Valencia í sumar og hefur gegngið frá þriggja ára samningi. Hann er 33 ára gamall og þarf einn landsleik til við bótar til að verða landsleikjahæsti leikmaður Argentínu frá upphafi. Ayala hefur verið kjölfestan í sigursælu liði Valencia um árabil, en flytur sig nú um set til smáliðsins í grennd við Valencia.

Svifryksvandinn í Reykjaneshöll leystur með ryksugu

Bæjaryfirvöld í Reykjanesbæ telja sig hafa komist fyrir heilbrigðisvandamál vegna svifriks í Reykjaneshöllinni með því að fjárfesta í sérstakri ryksugu ef marka má frétt á vef Víkurfrétta. Kristján Guðmundsson þjálfari Keflvíkinga var einn þeirra sem fundið höfðu til ónota í augum vegna svifryksmengunar í húsinu. Fjallað verður um málið í kvöldfréttum Stöðvar 2.

Solskjær samur við sig

Norski ofurvaramaðurinn Ole Gunnar Solskjær hjá Manchester United segist ekki hafa neinar áhyggjur af því þó Henrik Larsson hafi verið valinn í byrjunarliðið á undan sér á dögunum og segist afar sáttur við sitt hlutskipti hjá félaginu.

Þjálfari Nígeríu reiður

Segja má að gærkvöldið hafi ekki verið kvöld Austin Eguavoen, þjálfara Nígeríu. Lið hans steinlá 4-1 fyrir Gana í æfingaleik á Englandi og tapaði þar með fyrir Gana í fyrsta skipti í 15 ár. Tveir leikmanna nígeríska liðsins sem leika á Englandi voru svo heldur betur í eldlínunni.

Danir nýttu færi sín vel gegn Áströlum

Danir lögðu Ástrala að velli 3-1 í vináttuleik á Loftus Road á Englandi í gærkvöldi þar sem segja má að frammistaða Dana fyrir framan mark andstæðinganna hafi ráðið úrslitum í annars jöfnum leik. Jon Dahl Tomasson skoraði tvö marka Dana og Daniel Jensen eitt, en Brett Emerton minnkaði muninn fyrir Ástrali með marki beint úr aukaspyrnu undir lokin.

Fyrsta tap Brassa undir stjórn Dunga

Brasilíumenn uppskáru sinn fyrsta ósigur í þjálfaratíð Dunga í gærkvöld þegar liðið lá 2-0 fyrir Portúgölum í vináttuleik á Emirates Stadium í Lundúnum. Varamaðurinn Simao Sambrosa og varnarmaðurinn Ricardo Carvalho frá Chelsea tryggðu Portúgölum sigurinn með tveimur mörkum á síðustu átta mínútum leiksins.

Við getum ekki haldið í Torres

Staðan á framherjanum magnaða Fernando Torres hjá Atletico Madrid verður æ skringilegri með hverjum deginum, en nú nokkrum dögum eftir að leikmaðurinn lýsti því yfir að hann vildi alls ekki fara frá félaginu - hefur yfirmaður liðsins nú komið fram og sagt að félagið eigi ekki möguleika á að halda honum í sínum röðum lengur.

Barcelona: Við höfum efni á Ronaldo

Ferran Soriano, varaforseti Barcelona, segir að félagið hafi vel efni á því að kaupa Portúgalann Cristiano Ronaldo frá Manchester United, ekkert sé því til fyrirstöðu ef þjálfarinn Frank Rijkaard hafi áhuga á því og ef verðmiðinn flokkist undir "almenna skynsemi."

Vilja setja Hiddink í fangelsi

Hollenskur saksóknari vill láta stinga knattspyrnuþjálfaranum Guus Hiddink í fangelsi vegna skattsvika og segir hann hafa vikið sér undan stórum fjárhæðum á árunum 2002 og 2003 þar sem hann hafi logið því að hann væri belgískur ríkisborgari. Hiddink er núverandi landsliðsþjálfari Rússa en hefur m.a. verið orðaður við Chelsea.

Joey Barton fékk þurrar móttökur á fyrstu æfingu

Miðjumaðurinn Joey Barton fékk fremur þurrar móttökur þegar hann mætti á sína fyrstu landsliðsæfingu á dögunum ef marka má grein í breska blaðinu Sun í dag. Barton gagnrýndi þá Frank Lampard og Steven Gerrard harðlega fyrir frammistöðu sína á HM í sumar og fékk því ekki sérstaklega hlýjar móttökur frá þeim félögum.

Gillett: Ég verð hengdur ef ég sting upp á samstarfi við Everton

Ameríski auðjöfurinn George Gillett sem keypti Liverpool í dag segir ekki koma til greina að deila nýjum heimavelli með Everton eins og breskir fjölmiðlar héldu fram í dag. Hann segir að sér hafi verið gert það ljóst um leið og hann minntist á vallarmál að hann yrði hengdur ef hann áformaði að deila velli með grönnunum bláklæddu.