Regnbogaindíáninn kemur til Íslands -myndband

Regnbogaindíáninn svokallaði er á leið til Íslands en hann hefur tekið að sér að vera verndari nemendafélags menntaskólans Hraðbrautar. Paul „Svangi Björn" Vasquez varð heimsfrægur eftir að hann setti á netið myndir sem hann tók af tvöföldum regnboga sem hann sá í einni af fjallaferðum sínum.

Brjálæðisakstur á mótorhjóli -myndband

Maður á Yamaha R1 mótorhjóli er farinn að leika sér að því að aka um götur Moskvu á ofsahraða og setja myndir af því á netið. Hann kallar sig Svarta Djöfulinn.

Rifist um björgunarhylkið Fönix

Tveir bæir í Chile takast nú á um hvor þeirra eigi meiri rétt á því að geyma björgunarhylkið sem var notað til þess að bjarga námumönnunum 33 úr prísund sinni.

Eva Joly fær nýjan keppinaut í Frakklandi

Leikkonan Brigitte Bardot hefur verið beðin um að bjóða sig fram í forsetakosningunum sem haldnar verða í Frakklandi árið 2012. Það er flokkur umhverfissinna sem vilja fá hana í framboð.

Osama hefur það ágætt, takk

Háttsettur embættismaður NATO segir við fréttastofuna CNN að Osama bin Laden leiðtogi Al Kaida haldi sig í norðvesturhluta Pakistans og lifi þar þægilegu lífi.

Fyrrum landlæknir Bandaríkjanna vill lögleiða marijúana

Joycelyn Elders fyrrum landlæknir Bandaríkjanna hvetur til þess að marijúana verði gert löglegt. Elders greindi frá þessari skoðun sinni í bréfi til stjórnvalda sem CNN hefur undir höndum.

Varað við yfirvofandi hryðjuverkaárás í Frakklandi

Saudi Arabar hafa varað stjórnvöld í Frakklandi við því að hryðjuverkaárás sé yfirvofandi í landinu. Það muni vera al-Kaída samtökin sem undirbúa árásina.

Miklar samgöngutruflanir í Frakklandi í dag

Miklar samgöngutruflanir verða í Frakklandi í dag vegna mótmæla gegn áformum stjórnarinnar að hækka eftirlaunaaldur.

Þúsundir Filippseyinga flýja undan fellibylnum Megi

Þúsundir Filippseyinga eru nú á flótta undan fellibylnum Megi en hann skall á norðurströnd eyjarinnar Luzon í nótt.

Ítarlega fjallað um Íslandsáhuga Modi í indverskum fjölmiðlum

Í nýjasta tímariti Outlook India er að finna ítarlega grein um indverska krikketmógúlinn Lalit Modi og fyrirætlanir hans um að sækja um um dvalarleyfi á Íslandi.

Wikileaks birtir hundruð þúsunda skjala um Írak stríðið

Bandaríska varnarmálaráðuneytið undirbýr sig nú fyrir það að vefsíðan Wikileaks birti hundruð þúsunda skjala um stríðið í Írak í dag. Sérstakur 120 manna aðgerðarhópur á vegum ráðuneytisins er í viðbragðstöðu vegna birtingarinnar.

Ummæli Merkel vekja deilur

BERLÍN, AP Þau ummæli Angelu Merkel, kanslara Þýskalands, að tilraunir til að skapa fjölmenningarsamfélag innan landsins hafi mistekist hrapallega hafa orðið kveikjan að miklum umræðum um stefnu Þjóðverja í innflytjendamálum.

Skipta um trú í mótmælaskyni

Bretland, AP Biskup og prestur innan ensku þjóðkirkjunnar tilkynntu nýverið að þeir ætli að gerast meðlimir rómversk-kaþólsku kirkjunnar. Ástæðuna segja þeir vera óánægju með þau áform þjóðkirkjunnar að leyfa kvenkyns prestum að gegna stöðu biskups.

Gat ekki valið á milli kvenna

Pakistanskur maður að nafni Azhar Haidri ætlar að kvænast tvemur konum á innan við sólarhring. Hann gat ekki ákveðið hvort hann ætti að heiðra fjölskyldu sína og kvænast konunni sem hann hefur verið trúlofaður frá barnsaldri eða hvort hann ætti að leyfa hjartanu að ráða og kvænast ástinni sinni. Haidri ákvað því að besta lausnin væri að kvænast báðum konunum.

Kjarnorkuver reist í Venesúela

Caracas, AP Hugo Chavez, forseti Venesúela, tilkynnti fyrir helgi að samningar hefðu náðst við Rússa um byggingu kjarnorkuvers í landinu.

Frakkar bensínlausir í verkfallsaðgerðum

PARÍS, AP Enn var þeim áformum ríkisstjórnar Nikolas Sarkozy, forseta Frakklands, að hækka eftirlaunaaldur úr sextíu árum í 62 ár mótmælt í gær þegar hundruð þúsunda streymdu út á götur í helstu borgum landsins. Einnig var mótmælt á laugardag og stendur til að halda mótmælum áfram á morgun, sem þá verða sjöttu stóru mótmælin á innan við mánuði í landinu.

Ástralar hafa eignast sinn fyrsta dýrling

PÁFAGARÐUR, AP Benedikt páfi XVI. tilkynnti á sunnudag að áströlsk nunna yrði tekin í dýrlingatölu, fyrst Ástrala.

Námuverkamennirnir fögnuðu

Tólf að námuverkamönnunum 33 sem bjargað var úr námugöngunum í Chile í vikunni komu saman í dag í búðunum við koparnámnuna til að fagna björgun þeirra. Í frétt á BBC er haft eftir læknum að námuverkamennarnir séu ótrúlega vel á sig komnir. Einungis einn þeirra dvelur enn á sjúkrahúsi.

Sjö látnir eftir skartgriparán

Sjö létu þegar að skotbardagi braust út í miðborg Bagdad, höfuðborg Íraks, í dag þegar þrjár skartgripaverslanir voru rændar. Meðal hinna látnu eru þrír starfsmenn verslananna og tveir lögreglumenn. Nokkrir almennir borgarar særðust.

Chavez til fundar við Ahmadinejad

Hugo Chavez, forseti Venesúela, er á leið til Írans þar sem hann hyggst funda með vini sínum Mahmoud Ahmadinejad, forseta landsins. Venesúela og Íran hafa styrkt mjög samband sitt á undanförnum árum og hafa forsetarnir verið duglegir að heimsækja hvern annan. Hugsunin með fundi þeirra er að styrkja samband ríkjanna ennfrekar.

Prinsessa í sjokki eftir bílslys

Beatrice prinsessa, dóttir Andrews prins af Englandi, slapp með skrekkinn eftir bílslys skammt frá Buckingham höll í morgun. Prinsessan var í BMW bíl sínum ásamt lífverði í sex akreina hringtorgi skammt frá höllinni þegar hún bíllinn kramdist milli tveggja hæða strætisvagns og rútu. Bíllinn er mikið skemmdur en prinsessan og lífvörðurinn sluppu ómeidd. Hún er þó sögð hafa verið í sjokki eftir óhappið.

Ættingjar bíða í ofvæni

Ættingjar ellefu námuverkamanna sem eru fastir í kolanámu í Kína, eru komnir að námunni og bíða í ofvæni eftir fréttum af björgunarstörfum. Sprenging varð í námu sem er um 650 kílómetra suður af Peking. 26 námumenn fórust í sprengingunni.

Milljarðamæringur hefur ekki gefið sig fram

Breskur lottóspilari sem fékk ríflega 20 milljarða króna í vinning þegar stóri potturinn í Evrópulottóinu kom á einn miða fyrir níu dögum hefur ekki gefið sig fram. Það eina sem liggur fyrir er að miðinn var keyptur í Coventry.

Fótboltastjarna keypti bassagítar bítils

Bassagítar sem áður var í eigu bítilsins Paul McCartney var seldur á uppboði í Buenos Aires höfuðborg Argentínu á föstudag fyrir 4,2 milljónir króna. Fótboltastjarnan Javier Zanetti keypti gripinn. Bassinn var hluti af bítlaminjagripum úr safni Raul Blisniuk, sem sagður er mikilvægasti bítlasafnari í Suður-Ameríku.

Sex teknir í dýrlingatölu

Tugir þúsunda manna komu saman á Péturstorginu í Róm í morgun í messu þar sem sex einstaklingar verða teknir í dýrlingatölu. Dýrlingarinir nýju eru frá Ástralíu, Kanada, Póllandi, Ítalíu og Spáni. Mikil fagnaðarlæti brutust út þegar nafn Mary MacKillop nítjándu aldar nunnu frá Ástralíu var nefnt, en hún var um tíma bannfærð af kaþólsku kirkjunni eftir að hún greindi frá barnaníðingi í hópi presta. Hún er fyrsti Ástralinn til að vera tekin í dýrlingatölu. Fáni Qubecs héraðs í Kanada var áberandi á Péturstorginu. Andre Bessette, munkur sem fæddist í Montréal, var einnig tekinn í dýrlingatölu en hann er sagður hafa læknað marga sjúka með bænum sínum.

Bandaríkin geta gert betur

Hillary Clinton, utanríkisráðherra Bandaríkjanna, segir Bandaríkin þurfa að gera mun meira til að aðstoða mexíkósk yfirvöld í baráttu þeirra gegn skipulögðum glæpasamtökum. Hún líkir samtökunum við starfsemi hryðjuverkamanna og bendir máli sínu til stuðnings á að glæpasamtökin beiti nú óspart bílsprengjum.

Tólf drukknuðu í flóðum

Að minnsta kosti 12 drukknuðu í flóðum í suðurhluta Rússlands í gær en þar hefur verið úrhellisrigning undanfarna daga. Þriggja er saknað. Nokkur hundruð íbúar á flóðasvæðunum hafa verið fluttir burt frá heimilum sínum og þá hafa hermenn verið sendir til að aðstoða við fólksflutninga.

Hvetur almenning til að halda ró sinni

Hundruð þúsunda Frakka mótmæla nú á götum landsins þeirri ákvörðun ríkisstjórnar Nicolasar Sarkozy, Frakklandsforseta, að hækka lágmarks eftirlaunaaldur í landinu úr 60 árum í 62 ár. Gríðarlegur halli er á eftirlaunasjóðum Frakka, eða um 5000 milljarðar íslenskra króna og stefnir hallinn í 8000 milljarða árið 2020 verði ekkert að gert. Það er svipuð upphæð og talið er að erlendir kröfuhafar hafi tapað á íslenska efnahagshruninu. Stjórnvöld segja nauðsynlegt að hækka eftirlaunaaldurinn þar sem Frakkar lifi lengur en áður.

Tuttugu námumenn fórust í Kína

20 námumenn fórust og allt að 30 eru innilokaðir í rústum eftir sprengingu í námu í Henan héraði í Kína í morgun. Ekki liggja fyrir upplýsingar um á hve miklu dýpi mennirnir 17 eru . Stutt er síðan 33 námumönnum var bjargað eftir tæpa 70 daga innilokun í námu í Chile, en þeir hafa allir nema tveir fengið að fara heim af sjúkrahúsi eftir björgunina.

Áströlsk nunna tekin í dýrlingatölu

Beneditk sextándi páfi mun formlega taka Mary MacKillop, ástralska nunnu, í tölu dýrlinga við hátíðarmessu á morgun, en hún verður fyrsti Ástralinn til að komast í tölu heilagra innan kaþólsku kirkjunnar. MacKillop stofnaði hreyfinguna Systur heilags Jósefs og heimsótti Róm á árunum 1873 til 1874 í þeim tilgangi, eða um það bil sem Íslendingar fengu fyrstu stjórnarskrána frá Dönum.

Hart deilt um eftirlaunaaldur

Frakkland logar í illdeilum vegna áforma ríkisstjórnar Nicolasar Sarkozy forseta landsins um að hækka lágmarks eftirlaunaaldur úr 60 árum í 62 ár. Verkalýðsfélög í Frakklandi boða til mótmæla í dag og vona leiðtogar þeirra að milljónir manna haldi út á götur borga landsins. Verkföll hafa truflað daglegt líf í landinu undanfarna daga, þannig að sumstaðar er skortur að verða á bensíni og flug frá Orly flugvelli í París raskaðist í gær vegna verkfalls hlaðmanna. Þá er búist við að lestarsamgöngur fari úr skorðum í dag.

Støre: Viðbrögð Kínverja vonbrigði

Jonas Gahr Støre, utanríkisráðherra Noregs, segist hafa tilkynnt kínverskum stjórnvöldum að hann hafi orðið fyrir vonbrigðum með viðbrögð þeirra við því að Nóbelsnefndin norska hafi veitt Liu Xiaobo friðarverðlaun. Norska dagblaðið Aftenposten greinir frá því að Støre hafi sérstaklega varað Thorbjørn Jagland, formann nefndarinnar, við því að veita Liu Xiaobo friðarverðlaunin.

Landnemabyggðir rísa á ný

Ísraelsk yfirvöld hafa bundið enda á óformlegt bann við byggingu landnemabyggða í austurhluta Jerúsalem. Framkvæmdir á svæðinu höfðu legið niðri undanfarna mánuði en þær eru horn í síðu Palestínumanna, sem hefur fundist þrengt að sér í palestínska hluta borgarinnar.

Íbúar snúa heim eftir eðjuflóð

Íbúar ungverska bæjarins Kolontar eru á leið heim aftur eftir að eðjuflóð skall á bænum í síðustu viku. Stífla við úrgangslón álverksmiðju í nágrenninu brast og rauð eitureðja flæddi um nærliggjandi sveitir.

Morðkennsla fyrir Al Kaida á Vesturlöndum

Í veftímariti Al Kaida hryðjuverkasamtakanna sem ritað er á ensku er meðal annars að finna leiðbeiningar fyrir „rétt þenkjandi“ múslima á Vesturlöndum um hvernig best sé að drepa þá samborgara sína sem ekki játa rétta trú.

Smokkafargan á Samveldisleikum

Það var óvenjumikið brölt og vandræði í kringum Samveldisleikana þetta árið. Í Samveldisleikunum taka þátt fyrrverandi nýlendur og yfirráðasvæði Breska heimsveldisins sem fengu sjálfstæði hvert af öðru upp úr síðari heimsstyrjöldinni.

Hugulsamur þjófur

Prófessor við háskólann í Umeå í Svíþjóð varð fyrir miklu áfalli þegar skjalatösku hans var stolið. Hann orðaði það þannig að í töskunni hefði verið allt hans vit.

Ekki gefa fingur í beinni útsendingu -myndband

Margverðlaunaður veðurfréttamaður á BBC, Tómas Sjafernaker, hefur verið tekinn af skjánum eftir að hann sást „gefa fingur" í beinni útsendingu.

Rannsókn: Hávaði dregur úr bragðskyni fólks

Ný rannsókn hefur svipt hulunni af því afhverju matur um borð í flugvélum þykir oft bragð- og líflaus. Margir þekktir kokkar hafa glímt árum saman við þetta vandamál.

Christian Danaprins er fimm ára í dag

Christian prins í Danmörku fagnar fimm ára afmæli sínu í dag en hann er annar í röðinni að erfa dönsku krúnuna á eftir föður sínum Friðriki krónprins.

Mikið öngþveit ríkir á Kastrup flugvelli í dag

Mikið öngþveit ríkir nú á Kastrup flugvelli í Kaupmannahöfn. Gífurlegur fjöldi Dana hefur ákveðið að taka sér frí erlendis næstu daga en vikulangt haustfrí í skólum landsins er að hefjast.

Ástandið í Afganistan fer versnandi

Ný skýrsla um ástand mála í Afganistan málar dökka mynd af ástandinu þar. Uppreisnarmönnum í liði Talibana fjölgar stöðugt og nú eru þeir orðnir umsvifamiklir í héruðum þar sem þeir hafa ekki verið áberandi áður.

Kínverjar sleppa meintum morðingja norskrar stúlku úr haldi

Samskipti Noregs og Kína eru við frostmarkið. Nú hafa kínversk yfirvöld leyst úr haldi meintan morðingja norskrar stúlku.

Meirihluti námumannanna í Síle útskrifaðir af sjúkrahúsi í dag

Þrír af námamönnunum í Síle sem bjargað var í fyrradag hafa verið útskrifaðir af sjúkrahúsi og fengu að fara heim í gærkvöldi. Talið er að meirihlutinn af þeim 30 sem enn eru á sjúkrahúsi fái að fara heim í dag.

Þvagprufa notuð til að greina krabbamein

Ný bresk rannsókn gefur fyrirheit um að með einföldu þvagprófi sé hægt að greina hverjir séu líklegir til að fá krabbamein í blöðruhálskirtli. BBC greindi frá þessu í gær.