Dansandi flugfreyjur -myndband

Flugfélagið Cebu Pacific á Filipseyjum býður upp á þá nýjung í flugvélum sínum að flugfreyjur og flugþjónar stíga dans meðan farið er yfir öryggisatriði.

Norsk skipafélög vilja vopnaða verði um borð

Æ fleiri norsk skipafélög vilja fá vopnaða verði um borð í skip sín til þess að verjast árásum sjóræningja. Mörg norsk skip hafa orðið fyrir árásum á Adenflóa undan ströndum Sómalíu.

Flugstjórinn lést við stýrið

Flugstjóri breiðþotu frá arabiska flugfélaginu Qatar Airways lést skömmu eftir flugtak frá Filipseyjum í gær. Vélin var á leið heim til Qatars.

Allir námumennirnir lausir úr prísund sinni

Fagnað var um gjörvallt Chile þegar síðasti námumaðurinn var hífður upp úr prísundinni þar sem 33 verkamenn hafa mátt dúsa síðustu 69 daga. Síðastur upp, rétt fyrir klukkan eitt í nótt, var verkstjórinn Luis Urzua, 54 ára og tók forseti Chile Sebastian Pinera á móti honum.

Björgunarafrek í eyðimörkinni

Björgun 33 námuverkamanna í Síle hefur gengið eins og í sögu. Fyrsti maðurinn var hífður upp aðfaranótt þriðjudags og í gærkvöld var meirihluti þeirra laus úr prísundinni. Þeir síðustu verða væntanlega komnir upp á yfirborð jarðar fyrir hádegi í dag.

Ný lög leyfa burtrekstur Rómafólks

Ný og harðari innflytjendalöggjöf var samþykkt af neðri deild franska þingsins á þriðjudag, en í því felast mörg umdeild ákvæði sem gera stjórnvöldum meðal annars kleift að reka Rómafólk, eða sígauna, úr landi.

Verndun hvala góð fyrir fiska

Úrgangur úr hvölum þjónar þeim tilgangi að bera næringarefni úr hafsdjúpum og upp á yfirborðið, og er því afar mikilvægur hringrás lífsins í höfunum. Þetta er niðurstaða vísindamanna við Harvard-háskóla í Bandaríkjunum.

Öldungar hvetja til málfrelsis í Kína

Hópur aldraðra félaga í Kommúnistaflokki Kína krefst þess að hömlum verði létt af tjáningarfrelsi í landinu. Í bréfi sem þeir hafa ritað til þjóðþingsins segja öldungarnir að ritskoðun sú sem nú tíðkist í Kína sé bæði skömm og hneisa.

Sólgleraugu slá í gegn í björgunaraðgerðum

Björgunarðagerðirnar í Chile eru orðnar grundvallarþáttur í markaðssetningu á Oakley sólgleraugum, segir danska blaðið Jyllands Posten. Það var eftir því tekið þegar að Florencio Avalos, fyrsti námuverkamaðurinn sem bjargaðist úr prísundinni, kom upp úr námunni í nótt, að hann var með rándýr sólgleraugu frá Oakley.

Engar myndatökur hér

Eiginkona Liu Xiaobos var sett í stofufangelsi á heimili þeirra í Peking eftir að honum voru veitt friðarverðlaun Nóbels. Þar er Liu Xia haldið í einangrun frá umheiminum.

Frumstæðir líkflutningar

Skæðasta vopn talibana gegn hermönnum NATO í Afganistan eru heimatilbúnar sprengjur sem þeir koma fyrir í vegköntum.

Kemst í heimsmetabókina á morgun

Á morgun kemst maðurinn á þessari mynd í heimsmetabók Guinness. Hann heitir Khagendra Thapa Magar og býr í Nepal.

Læknar og hjúkkur með líknardrápi

Hópur lækna og hjúkrunarkvenna í Bretlandi hefur stofnað ný samtök sem berjast fyrir því að lögleiða líknardráp. Þau kalla sig Heilbrigðisstarfsfólk fyrir breytingum og eru fyrsti hópurinn úr þeirri stétt sem fer gegn gildandi lögum.

Sautján komnir upp

Fölskvalaus gleði ríkir nú í Chile þar sem hverjum námumanninum af öðrum er bjargað úr iðrum jarðar. Grátandi ættingjar taka á móti þeim og jafnvel harðbitnir fréttamenn fella tár.

Undarlegur kvennalisti

Breskir feministar eru slegnir yfir lista yfir 100 áhrifamestu konur landsins. Það voru ritstjórar 20 stærstu tímarita Bretlands sem völdu konur á listann.

Flutti til Bandaríkjanna og fékk ríkisborgararétt 101 ári síðar

Eulalia Garcia Maturey fór yfir hið fræga Rio Grande fljót sem aðskilur Mexíkó og Texas, í fangi móður sinnar árið 1909. Hún var þá sex mánaða gömul.

Suu Kyi hunsar kosningar í Búrma

Aung San Suu Kyi, leiðtogi stjórnarandstöðunnar í Búrma, segist ekki ætla að taka þátt í fyrstu þjóðaratkvæðagreiðslunni sem fram fer í landinu í tuttugu ár. Suu Kyi hefur verið í stofufangelsi síðustu ár en hefur barist ötullega fyrir lýðræðislegum umbótum í landinu sem stjórnað er af herforingjum.

Námumennirnir koma upp einn af öðrum

Námumennirnir 33 frá Chile sem hafa verið fastir í iðrum jarðar á rúmlega 600 metra dýpi í rúma tvo mánuði eru farnir að koma upp á yfirborðið einn af öðrum.

Björgunaraðgerðir hafnar í Chile

Björgunaraðgerðir hófust í Chile í gærkvöldi þar sem ferja átti námuverkamennina 33 sem hafa verið innilokaðir neðanjarðar í 69 daga, upp á yfirborðið. Heimsbyggðin hefur fylgst náið með framvindunni og voru til dæmis um tvö þúsund fjölmiðlamenn á vettvangi í gær.

Leggur til milljarða sparnað í ríkisrekstri

Sir Phillip Green, eigandi Topshop verslunarkeðjunnar, telur að breska ríkið geti skorið niður um 20 milljarða sterlingspunda á ári án þess að segja upp einum einasta opinbera starfsmanni. Green skilaði í gær af sér skýrslu til

Þúsundir mótmæltu í París

Tugþúsundir mótmælenda örkuðu um götur Parísar í dag til að mótmæla fyrirhuguðum breytingum franskra stjórnvalda á eftirlaunakerfinu þar í landi.

Björgunarhylkið tilbúið í Chile

Hylkið sem verður notað til að bjarga námumönnunum í Chile hefur nú verið sett upp og prófað. Vonast er til að fyrsti maðurinn náist upp á yfirborðið í kvöld.

Lítill frændi Keikós kom í heiminn

Seaworld sædýrasafninu í Flórída bættist nýr íbúi um síðustu helgi. Háhyrningskýrin Katina eignaðist þá kálf sem ekki hefur enn verið gefið nafn. Kálfurinn er rúmir tveir metrar og um 160 kíló. Hann er sextándi kálfurinn sem fæðist í Seaworld. Katina sem er 34 ára gömul hefur eignast sjö kálfa.

Að gera vont verra

Tuttugu og sex ára gamall maður er eftirlýstur í Washingtonríki eftir að hann stakk af úr lögreglubíl sem var að flytja hann í fangelsi. Eric Mitchell Lair var handjárnaður fyrir aftan bak.

Bunkar af brúðhjónum

Sunnudagurinn 10.10.10 var vinsæll hjá kærustupörum um allan heim til að festa ráð sitt. Nær allar kirkjur Íslands voru undirlagðar og það átti einnig við erlendis.

Smástirni fór nálægt jörðu

Smástirni á stærð við flutningabíl fór framhjá jörðu í morgun í um 45 þúsund kílómetra hæð. Það er talsvert nálægt, miðað við stærðir í geimum.

Kínverjar tala ekki við Norðmenn

Kínverjar hafa nú afboðað alla fundi með sjávarútvegsráðherra Noregs og Lisbeth Berg-Hansen hefur hætt við heimsókn sína til Peking.

37 fórust þegar lest ók á hópferðabíl

37 fórust í morgun og 12 eru alvarlega slasaðir eftir að hópferðabíll ók í veg fyrir lest í austurhluta Úkraínu. Bílstjórinn virti að vettugi aðvörunarsírenur við lestarsporið og ók út á teinana. Hinir slösuðu eru allir alvarlega slasaðir eftir því sem björgunarfólk á staðnum segir. Umferðarslys og lestarslys eru tíð í Úkraínu sökum lélegs viðhalds og úr sér genginna umferðarmannvirkja.

Sautján létust í árekstri í Póllandi

Sautján létust í hörðum árekstri sunnan Varsjár í Póllandi í morgun. Slysið varð í svartaþoku þegar vöruflutningabíll fór yfir á rangan vegarhelming og skall framan á smárútu með fullum þunga. Sextán farþegar rútunnar voru látnir þegar að var komið og sá sautjándi lést á spítala. Einn til viðbótar er alvarlega slasaður.

N-Kórea: Elsti sonurinn vill ekki erfðaveldi

Elsti sonur Kim Jong-Il leiðtoga Norður Kóreu, Kim Jong-nam, segist vera mótfallinn því að litli bróðir hans taki við stjórnartaumunum í landinu eins og allt útlit er nú fyrir.

Palestínumenn líta ekki við tilboði Ísraela

Palestínumenn hafa hafnað tilboði Ísraelsmanna um að láta tímabundið af framkvæmdum í landnemabyggðum á Vesturbakkanum. Benjamín Netanyahu forsætisráðherra Ísraela sagðist vera reiðubúinn að láta af framkvæmdunum í ákveðinn tíma, ef leiðtogar Palestínu myndu viðurkenna tilvist Ísraels sem ríkis.

Lögregluþjónn fer í fangelsi

Grískur lögregluþjónn var í gær sakfelldur fyrir að hafa myrt fimmtán ára ungling með skotvopni í miðborg Aþenu síðla árs 2008. Hann var dæmdur í ævilangt fangelsi.

Grunur um mistök hermanna

Rannsókn verður gerð á því hvort bandarískir hermenn hafi valdið dauða breskrar konu, Lindu Norgrove, þegar þeir hugðust bjarga henni frá mannræningjum í Afganistan í síðustu viku.

Rándýrt málverk eftir Michelangelo uppgötvað

Talið er að búið sé að uppgötva eitt af merkilegustu málverkum listamannsins Michelangelos. Það er talið vera 190 milljóna sterlingspunda virði og einn merkasti listafundur aldarinnar, segir sérfræðingur í samtali við breska blaðið Daily Telegraph. Verðmæti listaverksins gæti jafngilt 33 milljörðum íslenskra króna.

Stofnfrumumeðferð hafin í Bandaríkjunum.

Fyrsta opinbera tilraunin til þess að nýta stofnfrumur við meðferð sjúklinga er hafin í Bandaríkjunum. Matvæla- og lyfjaeftirlitið gaf læknum í Atlanta heimild til þess að hefja notkun slikra fruma í meðferð við mænuskaða. Stofnfrumur geta komið í stað ýmissa fruma sem starfa í líkamanum, þar á meðal taugafruma.

Ísraelar bjóða áframhaldandi frystingu

Ísraelar hafa boðist til þess að framlengja frystingu á landnemabyggðum á Vesturbakkanum ef heimastjórn palestínumanna fellst á að viðurkenna Ísrael sem þjóðríki gyðinga.

Konur kaupa viljandi of lítil föt

Yfir helmingur 4000 breskra kvenna sem talað var við vegna nýlegrar könnunar viðurkenndi að hafa keypt á sig of lítil föt. Hugsunin er: „Þegar ég er búin að missa fimm kíló smellpassa þessar buksur á mig."

Hver var í alvöru fyrstur til tungslsins?

Það eru til allskonar samsæriskenningar um fyrstu ferð manna til tunglsins. Sú róttækasta gengur útá að það hafi verið svindl frá upphafi til enda. Menn hafi ekki komist til tunglsins ennþá.

Fjórða Salander bókin er tilbúin

Bróðir sænska rithöfundarins Stiegs Larsson hefur staðfest að til sé handrit að fjórðu bókinni um þau Lisbet Salander og Mikael Blomkvist.

Björgunarhylki í Chile smíðað við hliðina á V/S Þór

Björgunarhylki sem notað verður við björgun námamannanna 33 í Chile næstkomandi miðvikudag er smíðað í ASMAR, skipasmíðastöð sjóhersins í Chile, að sögn Landhelgisgæslunnar.

Staðfestir viðræður við talibana

Hamid Karzai forseti Afganistans hefur staðfest að ríkisstjórn hans eigi í samningaviðræðum við talibana. Bandaríska dagblaðið Washington Post skýrði frá þessu í síðustu viku.

Kínverjar refsa Norðmönnum

Kínverjar hafa aflýst fundi með sjávarútvegsráðherra Noregs sem átti að halda á miðvikudag. Lisbeth Berg-Hansen ráðherra er nú í Sjanghæ til þess að heimsækja norska skálann á heimssýningunni sem þar stendur yfir.

Drottningin nefnir nýtt skip

Elísabet Englandsdrottning mun síðar í dag í Southampton nefna nýtt skemmtiferðaskip Cunard skipafélagsins, en skipið er nefnt í höfuðið á drottningunni. Skipið er 92 þúsund tonn og er næst stærsta skip sem félagið hefur látið smíða, og það þriðja sem skýrt er í höfuðið á drottningunni. 16 þilför eru á skipinu og er það smíðað í svokölluðum Art deco stíl sem var allsráðandi á þriðja áratug síðustu aldar.

Nasistabúningur kom frambjóðanda í bobba

Repúblikani sem er í framboði til fulltrúadeildar Bandaríkjaþings er í bobba eftir að myndir birtust af honum í Nasistabúningi. Rich Lott er í framboði í Ohio en líkur á því að hann nái kjöri í nóvember eru taldar hafa minnkað stórlega eftir að myndirnar birtust.

Stíflan gæti brostið á hverri stundu

Sérfræðingar á vegum Evrópusambandsins keppast nú við að koma í veg fyrir annað eðjuflóð í Ungverjalandi. Sjö hafa þegar látist í Ungverjalandi eftir að úrgangslón við álverksmiðju í landinu brast og rauð eitureðjan flæddi um nærliggjandi sveitir.