Sækja slasaða konu

Björgunarsveitin Stefán við Mývatn hefur verið kölluð út vegna slasaðrar konu á gönguleiðinni frá Reykjahlíð að Kröflu. Konan er slösuð á fæti, en veður á svæðinu er gott og er hún vel útbúin.

Allt verði gert til að þrýsta á um vopnahlé í Sýrlandi

Borgarastyrjöld í Sýrlandi bitnar helst á óbreyttum borgurum en nú þegar er talið að um tuttugu þúsund manns hafi fallið í átökum stríðandi fylkinga, segir í ályktun samstöðufundar með almenningi í Sýrlandi. Fundurinn lýsir yfir hryggð sinni vegna þess hörmungarástands sem nú ríkir í Sýrlandi og stuðningi sínum með almenningi í landinu.

Hundrað áhrifamestu konur landsins

Jóhanna Sigurðardóttir, forsætisráðherra, Ásta Ragnheiður Jóhannesdóttir, forseti Alþingis og Agnes Sigurðardóttir, nýkjörinn biskup Íslands eru efstar á lista yfir 100 áhrifamestu konur landsins árið 2012. Tímaritið Frjáls Verslun birti listann í nýju tölublaði í síðustu viku.

Álfheiður mun líklega ekki sitja þegar Ólafur setur þing

Álfheiður Ingadóttir, þingmaður Vinstri Grænna, býst ekki við því að hún sitji undir ræðu Ólafs Ragnars Grímssonar, forseta, þegar hann setur Alþingi í haust. Þrátt fyrir það segist hún bera slíka virðingu fyrir forsetaembættinu sem slíku að hún muni sitja undir því þegar forsetinn verður settur í embætti 1. ágúst.

Ólafur og Katrín verða viðstödd setningu Ólympíuleikanna

Ólafur Ragnar Grímsson, forseti Íslands, og Katrín Jakobsdóttir menntamálaráðherra verða viðstödd setningu Ólympíuleikanna, sem hefjast í London á föstudag.

Ekki nóg af íslenskum sveppum á landinu

Flúðasveppir anna ekki eftirspurn Íslendinga eftir ferskum sveppum. Nú eru hollenskir og pólskir sveppir víða í verslunum.

Dópaður innbrotsþjófur gripinn glóðvolgur

Brotist var inn í heimahús í austurborginni í morgun, en engu var stolið. Innbrotsþjófurinn sást hlaupa á brott frá vettvangi. Sá grunaði fannst nokkru seinna, en hann var undir áhrifum fíkniefna. Hann var handtekinn og fluttur á lögreglustöðina við Hverfisgötu þar sem hann gistir nú í fangaklefa. Tekin verður skýrsla af viðkomandi þegar víman er runnin af honum.

Telja alvarlegt að Valitor hóti almenningi

Talsmenn Wikileaks og Datacell segja Valitor hóta almenningi með því að segja að ef það fari að niðurstöðu héraðsdóms um að því beri að opna fyrir greiðslugátt fyrir kreditkort til DataCell setji það þjónustu við viðskiptavini í hættu. Fyrirtækið eigi þá á hættu að vera útilokað frá viðskiptum við erlendar kortasamsteypur.

Strandveiðimenn óttast lágt fiskverð

Strandveiðimenn á Vesturlandi eru óánægðir með fyrirkomulag strandveiða fyrir verslunarmannahelgina og búast við að það skili sér í lágu fiskverði. Þeir vilja að veiðarnar byrji á öðrum degi.

Illa gengur að manna við grunnskólann á Ísafirði

Bæjarráð Ísafjarðarbæjar hefur hafnað öllum umsóknum um starf námsráðgjafa við Grunnskólann á Ísafirði. Þetta var í annað sinn sem starfið var auglýst til umsókna.

Niðurstöður kosninganna sigur fyrir lýðræðisþróun

Niðurstöður forsetakosninganna eru sigur fyrir lýðræðisþróun á Íslandi frekar en persónulegur sigur minn, sagði Ólafur Ragnar Grímsson, forseti Íslands, í samtali við frönsku sjónvarpsstöðina France 24. Viðtalið var birt í dag. Í viðtalinu þverneitaði hann því að forsetaembættið á Íslandi væri einungis táknrænt. Það hefði verið skipað þannig frá upphafi að forsetinn ætti að vera mótvægi ef þjóðin væri óánægð með ákvarðanir sem þingið tæki.

Bæjarins Bezta torg opnar

Opnunarhátíð verður á torginu framan við pylsubar Bæjarins Bestu á föstudag. Hönnunarhópurinn Rúmmetri (M3) hefur unnið að breytingum á torginu og stendur fyrir hátíðinni í dag.

Umdeildar umferðareyjar teknar niður

Vegagerðin hefur ákveðið að taka niður umdeildar umferðareyjar í þéttbýlishliðum inn í þjóðgarðinn á Þingvöllum. Vegagerðin viðurkennir að hafa gert mistök og biðst afsökunar á þeim. Þéttbýlishliðin verða áfram en með annarri útfærslu. Umræddar umferðareyjar vöktu nokkra furðu eftir að myndir tóku að birtast á Netinu. Vegagerðin er staðráðin í því að vinna áfram af krafti að umferðaröryggismálum, jafnt í þjóðgarðinum á Þingvöllum sem annarsstaðar.

Hæstiréttur að búa til nýja meginreglu?

Ragnar Aðalsteinsson, lögmaður öryrkjanna þriggja sem kærðu forsetakosningarnar, er harður á því að Hæstiréttur sé í ákvörðun sinni að víkja frá fordæmi sem hann setti þegar hann ógilti stjórnlagaþingskosningarnar á sínum tíma.

Kröfum um ógildingu forsetakosninganna hafnað

Hæstiréttur hefur synjað kröfu þriggja öryrkja og Ástþórs Magnússonar um ógildingu forsetakosninganna. Þetta kemur fram í tveimur ákvörðunum Hæstaréttar sem fjölmiðlar fengu sendar fyrir stundu.

Gagnaverið í Keflavík meðal umhverfisvænustu á heimsmælikvarða

Gagnaver Verne Global sem stendur að Ásbrú í Reykjanesbæ var valið eitt af 100 bestu sjálfbærnilausnum til framtíðar á umhverfisráðstefnunni Sustania Ríó +20 sem fram fór í síðasta mánuði.

Braut kajak sinn nálægt Látrabjargi

Hollenskur kajakræðari var hætt kominn þegar hann náði landi rétt við Látrabjarg. Enginn vissi af ferðum hans fyrr en hjón í sumarbústað sáu til hans þar sem hann reri í vonskuveðri í átt að mestu hættuslóðum við Íslandsstrendur.

Bændur höfðu ekki leyfi til að beita sauðfé í Þórsmörk

Komið er í ljós að bændurnir úr Rangárþigni eystra, sem nýverið slepptu fé til beitar á viðkvæma afrétti í grennd við Þórsmörk, höfðu ekki leyfi sveitarstjórnar til þess, eins og þeir héldu fram við Fréttastofu í gær.

Björgunarskip á leið að vélarvana 100 tonna línuveiðibáti

Björgunarskip Landsbjargar frá Rifi er nú á leið að rúmlega hundrað tonna línuveiðibáti, með sjö manna áhöfn, sem er vélarvana um 80 sjómílur vestur af Breiðafirði, eftir að báturinn fékk veiðarfærin í skrúfuna í nótt.

Verkfalli afstýrt á Heathrow

Komið hefur verið í veg fyrir verkfall starfsfólks á Heathrow flugvelli sem átti að hefjast á morgun. Morgundagurinn verður að öllum líkindum sá stærsti í sögu flugvallarins.

Sýna Sýrlendingum stuðning

Tuttugu þúsund manns hafa nú fallið í Sýrlandi, eða tvöþúsund fleiri en búa á Akureyri. Boðað hefur verið til samstöðufundar á Ingólfstorgi í dag með almenningi í Sýrlandi. Samstöðu- og mótmælafundurinn hefst klukkan þrjú í dag. Til fundarins er boðað vegna þeirra stigmagnandi átaka og borgarastríðs sem geisað hefur í landinu undanfarin misseri. Á fundinum ætlar Jóhanna Kristjónsdóttir blaðamaður sem þekkir ástand mála í þessum heimshluta betur en flestir aðrir Íslendingar flytja ávarp og tónlistarmennirnir Bjartmar Guðlaugsson og Rúnar Þór flytja nokkur lög við hæfi. Fundarstjóri er Heimir Már Pétursson, fyrrverandi framkvæmdastjóri Hinseginn daga. "Síðan verður borin upp stutt ályktun með áskorun til stjórnvalda um að gera allt sem í þeirra valdi stendur til að þrýsta á um friðsamlega lausn mála þarna. Auðvitað er Ísland ekki gerandi þarna en við getum þá lagt okkar litla lóð á vogarskálarnar og sýnt að almenningur hér er að hlusta og þrýstir á," segir Heimir. Heimir hvetur fólk til að mæta og sýna samstöðu með börnum, konum og körlum í Sýrlandi. Morð á saklausum óbreyttum borgurum fái aðeins þrifist ef umheimurinn standi þögull hjá og leyfi þeim að gerast. Þess vegna sé nauðsynlegt að almenningur um allan heim láti í sér heyra og krefjist þess að morðöldunni linni. "Núna hafa 20.000 manns fallið í valinn í Sýrlandi, það er 2000 fleiri en búa á Akureyri," segir Heimir til að setja mannfallið í íslenskt samhengi. Í gærkvöldi bárust fréttir af því að einhverjir hafa sett sig í samband við Jóhönnu Kristjónsdóttur vegna mótmælanna og haft uppi hótanir. "Það er einstaklega ósmekklegt að vera að Jóhönnu Kristjónsdóttur, sem er ákaflega vönduð kona og hefur ekki lagt annað til málanna en uppbyggilega hluti. Auðvitað eru alltaf einhverjir vanstilltir einstaklingar sem ekki geta setið á sér en þetta er friðsamlegur fundur sem er ætlað að hvetja til friðar í landi sem mikill ófriður ríkir í," segir Heimir. Þeir sem vilja styðja stríðshrjáð börn í Sýrlandi er svo bent á að fulltrúar Fatímusjóðsins, taka á móti styrktarframlögum á fundarsvæðinu. Fatímusjóðinn stofnaði Jóhanna Kristjónsdóttir árið 2005 og er honum ætlað að styrkja fátæk börn.

Útgefnum vegabréfum fjölgaði um 22,5% milli ára í júní

Í júní s.l. voru gefin út 6.932 íslensk vegabréf. Til samanburðar voru gefin út 5.658 vegabréf í júní í fyrra. Fjölgar því útgefnum vegabréfum um 22,5% milli ára.

Risalaxeldi í Berufirði fyrir vistvænar kröfur

Nýtt félag sem keypti fiskeldi HB Granda í Berufirði hyggur á stórfellt laxeldi á umhverfisvænum forsendum. Sveitarstjóri Djúpavogshrepps segir tugi starfa geta skapast á næstu árum og að framtakið verði atvinnulífinu mikil lyftistöng.

Lögregla fylgist ekki með ólöglegum hjólum

Lögreglan á höfuðborgarsvæðinu hefur ekkert eftirlit með rafhjólum og reiðhjólum sem hafa verið mótorvædd. Mótorknúin hjól mega ekki fara hraðar en 25 kílómetra á klukkustund án þess að þau séu skráð sem létt bifhjól. Lögreglan segist vita um dæmi þess að innsigli á hjólunum hafi verið rifin svo þau fari hraðar.

Æ fleiri nýta sér veginn um Lyngdalsheiði

Æ fleilri ferðamenn og heimamenn nýta sér nýja veginn um Lyngdalsheiði á milli Þingvalla og Laugarvatns og nemur aukningin það sem af er ári um átta prósentum samanborið við sama tímabil í fyrra, samkvæmt mælingum Vegagerðarinnar.

Neyðast til að laga vegmerkingar

Vegagerðin hefur sent vinnuhóp til þess að laga vegmerkingar við þéttbýlishlið sem búið er að koma upp við innganginn að þjóðgarðinum á Þingvöllum.

Yfirleitt góð aflabrögð á makrílveiðunum

Stærstu makrílveiðiskipin eru nú flest djúpt suðvestur af landinu og eru aflabrögð yfirleitt góð.

Tillaga geti fallið vel að byggð

Húsafriðunarnefnd telur að vinningstillaga um skipulag í umhverfi Ingólfstorgs geti í stórum dráttum fallið vel að núverandi byggð á svæðinu. Þetta kemur fram í bókun nefndarinnar.

Vill fá ferðamenn í sjósund í Skagafjörð

Sjósundkappinn og listamaðurinn Benedikt Lafleur hefur uppi áform um að koma á laggirnar ferðaþjónustu tengdri sjósundi. Benedikt fékk í síðustu viku ferðaskipuleggjandaleyfi og ætlar að hefja tilraunaferðir á næstu vikum en ryðja sér síðan braut á ferðamarkaðnum næsta sumar.

Féll af baki

Kona féll af hestbaki á Arnarbælisvegi, sem er á milli Hveragerðis og Selfoss, síðdegis í dag. Hún var í reiðtúr með hópi knapa þegar slysið átti sér stað. Konan var flutt til Reykjavíkur með sjúkrabíl en að sögn lögreglunnar á Selfossi er ekki talið að konan sé alvarlega slösuð.

Karlinn sem klifið hefur Kerlinguna

Móbergsdranginn Kerlingin er ekki árennilegur. Þó er vitað um einn mann sem náði lykkju utan um haus hennar og kleif þar upp. Það er Ágúst Bjartmars en hann er einnig badmintonmeistari og siglir enn trillu sinni þó 88 ára sé.

11 ára skáti bjargaði lífi móður sinnar

Amelía Rún Gunnlaugsdóttir, skáti frá Grundarfirði, fékk í gær bronskross Bandalags íslenskra skára. Það var skátahöfðinginn Bragi Björnsson sem veitti Amelíu krossinn en hann er eitt af hetjudáðamerkjum skátanna og er veittur skáta sem sýnt hefur hreystilega framgöngu er slys ber að garði.

Ætla að endurtaka frægasta fangelsisflótta sögunnar

Þrír íslenskir sundkappar ætla að endurtaka einn frægasta fangelsisflótta sögunnar í næstu viku og synda yfir San Francisco-flóa frá Alcatraz fangelsinu. Sundkapparnir búast við köldu vatni, hákörlum og sterkum hafstraumum.

Tónleikar til styrktar Nikólu í Fríkirkjunni í kvöld

Fjölmargir landsþekktir tónlistarmenn koma fram á tónleikum í Fríkirkjunni í kvöld til styrktar hinni fjórtán ára gömlu Nikólu, sem hefur barist við krabbamein í um ár. Við hittum hetjuna ungu nú rétt fyrir fréttir þar sem hún var að hafa sig til fyrir tónleikana.

Íslendingar reykja, drekka og borða minna sælgæti en fyrir hrun

Efnahagshrunið hefur haft jákvæð áhrif á heilsu landsmanna. Dregið hefur úr reykingum, drykkju og neyslu sælgætis.

Ólafur Ragnar hitti Bjarna geimfara

Ólafur Ragnar Grímsson, forseti Íslands, átti fund með Bjarna Tryggvasyni geimfara sem er í heimsókn hér á landi. Bjarni fór með geimferju á braut umhverfis jörðu árið 1997 en hann var fyrsti maðurinn fæddur á Norðurlöndunum til að fara út í geiminn. Á fundinum dag ræddu þeir um möguleika á samvinnu við íslenska aðila á sviði tækni og vísinda, að því er fram kemur á vef forsetans.

Erfitt að átta sig á því hverjir berjast gegn hverjum

Hernaðaraðgerðir erlendra þjóða gegn ríkisstjórn Assads forseta Sýrlands geta haft geysileg ruðningsáhrif í för með sér, að mati sérfræðings í málefnum Mið-Austurlanda.

Verða væntanlega sendir úr landi

Útlendingastofnun hefur synjað báðum mönnunum sem fóru um borð í vél Icelandair um landvistarleyfi hér á Íslandi. Annar þeirra unir niðurstöðunni, en óvíst er um mál hins. Mennirnir verða því væntanlega sendir af landi brott þegar lögreglan á Suðurnesjum hefur lokið meðferð mála þeirra og þau hafa farið fyrir dóm. Fram kom í tilkynningu frá lögreglunni á Suðurnesjum fyrr í dag að athæfi mannanna, þegar þeir laumuðust um borð í vél Icelandair, eru talin varða við almenn hegningarlög og lög um loftferðir. Töluverð umræða skapaðist um mál mannanna þegar þeir komu hingað til lands en þeir villtu á sér heimildir og sögðust vera mun yngri en þeir eru að öllum líkindum.

Lýst eftir Rebekku Rut

Lögreglan á höfuðborgarsvæðinu lýsir eftir Rebekku Rut Baldvinsdóttur, 15 ára. Rebekka er ca. 156 sentimetrar á hæð með sítt skollitað hár og grannvaxin. Rebekka var klædd í brúna hettupeysu með blettatígurs munstri og loðkraga, svartar Pink leggins með ljós blárri rönd og doppum efst og eldrauða Reebook skóm.

Icelandair krefur hælisleitendurna um skaðabætur

Lögreglan á Suðurnesjum hefur lokið rannsókn á máli hælisleitendanna tveggja sem laumuðust inn í flugvél Icelandair á Keflavíkurflugvelli. Talið er að brot þeirra varði við almenn hegningarlög og log um loftferðir. Auk þess að hafa laumast inn í flugvélina eru mennirnir taldir hafa reynt að laumast með Eimskipum til Bandaríkjanna. Annar mannanna er að auki grunaður um þjófnaði, en mennirnir stálu meðal annars fatnaði til að líkjast starfsfólki Keflavíkurflugvallar.

Afar óvenjulegt atvik á Hringbrautinni

"Þetta er mjög óvanalegt og ég veit ekki hvað gæti hafa valdið þessu,“ segir Einar Magnús Magnússon, upplýsingafulltrúi Umferðarstofu, um það þegar kviknaði í tveimur bílum eftir að árekstur varð á Hringbraut í gær. Einar Magnús segist ekki hafa fengið neinar upplýsingar um atvikið.

Kynjaleiðrétting var nauðsyn en ekki val hjá Hrafnhildi

"Kynleiðrétting er ekki val, hún er nauðsyn,“ segir Hrafnhildur sem eftir 26 ára þögn tilkynnti fjölskyldu sinni og vinum að hún væri ekki strákur - heldur stelpa. Hún hafði þá lengi reynt að bæla niður tilfinningar sínar og lifa sem strákurinn Halldór Hrafn.

Tónleikarnir í Hljómskálagarðinum verða nýttir í myndband

Krakkarnir í Of Monsters and Men segja að myndatökur frá tónleikum í Hljómskálagarðinum hafi gengið svo vel að þau hyggjast nýta það í tónlistarmyndband. Þau hafa því biðlað til gesta á tónleikunum um aðstoð.

Skrifar greinar fyrir vefsíðu Locarno

Íslendingurinn Ari Gunnar Þorsteinsson hefur ásamt sjö öðrum verið valinn til að skrifa greinar fyrir vefsíðu Locarno kvikmyndahátíðarinnar, sem er ein sú virtasta í heimi.

Til stóð að senda laumufarþegann úr landi

Hælisleitandinn sem fannst um borð í rannsóknarskipinu Knorr á leið til Bandaríkjanna í fyrrakvöld hafði áður fengið ákvörðun Útlendingastofnunar um að hann yrði sendur úr landi til tiltekins Evrópulands. Það mál er nú í kæruferli í innanríkisráðuneytinu. Þetta segir Kristín Völundardóttir með þeim fyrirvara að maðurinn sé sá sem hann segist vera.