Vilja friðlýsa Skjálfandafljót

Þingmenn þriggja flokka hafa lagt fram á Alþingi þingsályktunartillögu um friðlýsingu Skjálfandafljóts og alls vatnasviðs þess ofan Mjóadalsár. Fyrsti flutningsmaður tillögunnar er Þuríður Backman, þingmaður VG.

Vegurinn um Óshlíð nýttur sem hjólaleið

Óshlíðarvegur verður væntanlega nýttur sem útivistar- og jafnvel hjólaleið þegar hann verður lagður af sem stofnvegur þegar jarðgöng milli Bolungarvíkur og Hnífsdals verða tilbúin árið 2011. Frá þessu er greint á vef Bæjarins besta.

Kostnaður við ESB-þýðingar hleypur á tugum milljóna

Kostnaður ríkissjóðs vegna þýðingar á efni sem tengist mati framkvæmdastjórnar Evrópusambandsins á hæfi Íslands til að sækja um aðild að ESB hleypur á tugum milljóna króna. Gera má ráð fyrir að um sé að ræða 12 mánaða vinnu fyrir sex þýðendur. Þetta kemur fram í svari Össurar Skarphéðinssonar, utanríkisráðherra, við fyrirspurn Ragnheiðar Elínar Árnadóttur, þingmanns Sjálfstæðisflokksins.

Greiddi 1,6 milljarð í atvinnuleysisbætur

Vinnumálastofnun greiddi í gær rúmlega 1,6 milljarða króna í atvinnuleysistryggingar til um 13.100 einstaklinga. Á vef Vinnumálastofnunar kemur hins vegar fram að heildargreiðslur í september voru rétt rúmlega 1.8 milljarður króna og var þá greitt til 15.324 einstaklinga.

Garðyrkjubændur mótmæla við Alþingishúsið

Íslenskir garðyrkjubændur neyðast til þess að draga verulega úr framleiðslu sinni í vetur og fækka starfsfólki gangi fyrirhugaðar hækkanir á raforkuverði eftir. Í auglýsingu í Fréttablaðinu í dag segja garðyrkjubændur að hækkunin sé rothögg fyrir stéttina og rekstrargrundvöll íslenskrar framleiðslu. Í dag klukkan hálfeitt ætla garðyrkjubændur að mæla með íslenskri garðyrkju fyrir framan Alþingishúsið áður en þingfundur hefst í dag. Landsmenn eru hvattir til að mæta og taka þátt.

AGS skýrslan birt í dag

Skýrsla sendinefndar Alþjóðagjaldeyrissjóðsins (AGS) um fyrstu endurskoðun efnahagsáætlunar stjórnvalda verður birt í dag klukkan tvö að íslenskum tíma.

Brutu rúðu í Alþingishúsinu

Lögregla handtók í nótt ungt fólk á Austurvelli sem brotið hafði rúðu í Alþingishúsinu. Fólkið bar því við að það væri að mótmæla Icesave-samningunum að sögn lögreglu. Fólkinu var sleppt að lokinni skýrlutöku en þau mega búast við ákæru fyrir rúðubrotið.

Keyrðu á og hlupu á brott

Lögregla veitti tveimur mönnum eftirför í Teigahverfi í gærkvöldi eftir gáleysisakstur á Kringlumýrarbraut. Mennirnir voru á Volkswagen jeppa og keyrðu þeir meðal annars yfir girðingu og klesstu að minnsta kosti einn bíl. Að lokum staðnæmdist bíllinn við Grand hótel við Sigtún og mennirnir hlupu út í náttmyrkrið. Nokkurt lið lögreglu leitaði þeirra í hverfinu meðal annars með aðstoð hunda, en án árangurs.

Tóku út upplýsingar um skuldir Actavis

Seðlabanki Íslands bað um frestun útgáfu skýrslu sendinefndar Alþjóðagjaldeyrissjóðsins (AGS) um fyrstu endurskoðun efnahagsáætlunar stjórnvalda.

Sætir ákæru fyrir milljónaskattsvik

Íslendingurinn sem situr í gæsluvarðhaldi grunaður um tengsl við glæpamálið umfangsmikla sem upp kom á Suðurnesjum um miðjan október sætir ákæru fyrir skattsvik upp á tæpar tuttugu milljónir.

Skjóta á rjúpur úr bílunum

„Okkur hafa borist tilkynningar um að rjúpnaveiðimenn séu að þvælast upp á hálendið á jeppum og skjóta á fuglinn úr bílunum,“ segir Adolf Árnason, lögreglumaður á Hvolsvelli.

Heimilin fái greiðsluplan en fyrirtækin afskrifað

Þingmenn spurðu ráðherra um verklagsreglur bankanna og um traust á bankakerfinu í gær, í kjölfar frétta af hugsanlegum milljarða afskriftum Nýja Kaupþings á skuldum 1998, sem á Haga, sem á meðal annars Bónus. Því var haldið fram að bankar færu mýkri höndum um fyrirtæki en einstaklinga.

Margt hefur áunnist með Schengen-aðild

Smári Sigurðsson, yfirmaður alþjóðadeildar embættis Ríkislögreglustjóra, telur úrsögn úr Schengen-samstarfinu ekki leysa þann vanda sem afbrot útlendinga á Íslandi er. Upptaka landamæraeftirlits í stað Schengen-aðildar væri skref aftur á bak. Hann bendir á að margt hafi unnist með aðild, helst þó aðgangur lögreglu að alþjóðlegum gagnagrunnum sem sé hrein bylting. Með honum hafi lögreglan til að mynda fundið eftirlýsta glæpamenn sem ella hefði ekki orðið.

Óttaðist róg og baktal skósveina Óskars

Gestur Guðjónsson, sem meðal annars hefur verið formaður kjördæmasambands Framsóknarflokksins í Reykjavík og varaformaður umhverfis- og samgönguráðs borgarinnar, sagði sig frá öllum trúnaðarstörfum fyrir flokkinn í kjölfar deilu við borgarfulltrúann Óskar Bergsson. Í bréfi sem Gestur sendi borgarstjórnarflokknum fyrir tveimur vikum, og Fréttablaðið hefur undir höndum, segist hann hafa hætt af ótta við róg og baktal skósveina Óskars.

Ætla að miðla góðum fréttum

Samtök atvinnulífsins kalla eftir jákvæðum fréttum úr atvinnulífinu og ætla að miðla þeim áfram. Fréttum er hægt að koma til skila á vef samtakanna, www.sa.is.

Vilja hagstæð lán

Nýstofnuð Samtök ungra bænda vilja að sjávarútvegs- og landbúnaðarráðherra beiti sér fyrir að ungt fólk geti fengið hagstæð lán til jarðakaupa og þannig hafið búskap.

Stefna að útboði á næsta ári

Samkvæmt frummatsskýrslu Vegagerðarinnar verða umhverfisáhrif af gerð jarðganga milli Arnarfjarðar og Dýrafjarðar að mestu óveruleg.

Stal peningaskáp úr Bautanum

Karlmaður á þrítugsaldri hefur verið dæmdur í þriggja mánaða fangelsi, skilorðsbundið, fyrir að stela peningaskáp, auk fleiri brota. Skápnum, sem innihélt 154 þúsund krónur, stal hann með því að brjótast inn í veitingastaðinn Bautann á Akureyri.

Skil skilyrði fyrir leikskólaplássi

Borgaryfirvöld hafa ákveðið að skilyrði fyrir leikskóladvöl barna sé að foreldrar þeirra séu ekki í vanskilum við leikskólasvið borgarinnar.

Noro-veirur í hindberjum

Matvælastofnun bendir almenningi á að hitun á frosnum innfluttum hindberjum sé fyrirbyggjandi til að forðast sýkingar af völdum noro-veira.

Púað á félagsmálaráðherra

Félagsmálaráðherrann Árni Páll Árnason var púaður niður á fundi Hagsmunasamtaka Heimilanna sem var haldinn í Iðnó í kvöld.

Fyrirtæki á undanþágu uppvís af milljarða gjaldeyrisbraski

Um það bil fjörtíu fyrirtæki hafa orðið uppvís af því að misnota undanþágu um gjaldeyrishöft frá Seðlabanka Íslands með stórfelldu gjaldeyrisbraski samkvæmt fréttastofu RÚV.

Fyrrverandi lögga með fíkniefni í Argentínu

Íslendingur á sextugsaldri, sem áður starfaði sem rannsóknarlögreglumaður hjá ríkislögreglustjóra, situr nú í gæsluvarðhaldi í Argentínu eftir að hann var handtekinn með fimm kíló af kókaíni í fórum sínum.

Vörður samþykkir prófkjör

Á fundi Varðar - Fulltrúaráðs sjálfstæðisfélaganna í Reykjavík, sem haldinn var í dag mánudaginn 2. nóvember, var samþykkt að prófkjör skuli fara fram í Reykjavík um val frambjóðenda á framboðslista Sjálfstæðisflokksins fyrir borgarstjórnarkosningarnar vorið 2010.

Nýr ráðuneytisstjóri ráðinn í fjármálaráðuneytið

Mennta- og menningarmálaráðherra hefur í dag fallist á ósk fjármálaráðherra um að Guðmundur Árnason, ráðuneytisstjóri í mennta- og menningarmálaráðuneyti, flytjist í embætti ráðuneytisstjóra í fjármálaráðuneytinu frá og með 1. nóvember 2009 samkvæmt tilkynningu frá ráðuneytinu.

Vopnfirðingar sjá fram á hátíð eftir 2 ár

Vopnfirðingar telja sig ljónheppna að nýr vegur til héraðsins skyldi hafa sloppið í útboð rétt fyrir hrun. Fyrir vikið sjá þeir fram á hátíðarhöld eftir tvö ár.

Evrópska lánið sterk skilaboð um Ísland

Lánveiting Evrópska fjárfestingarbankans til Orkuveitu Reykjavíkur er gríðarlega sterkt merki út í hinn alþjóðlega fjármálaheim, að mati forystumanna orkufyrirtækjanna, og jafnvel upphafið að endurreisn íslensks efnahagslífs.

Stefán Haukur stýrir aðildarviðræðum Íslands

Utanríkisráðherra hefur falið Stefáni Hauki Jóhannessyni sendiherra að vera aðalsamningamaður Íslands í fyrirhuguðum aðildarviðræðum Íslands og Evrópusambandsins. Stefán Haukur er einn reyndasti samningamaður Íslands á alþjóðavettvangi. Hann hefur verið sendiherra Íslands gagnvart Evrópusambandinu í Brussel frá árinu 2005.

Árásarkonan í Keflavík áfram í gæsluvarðhaldi

Lögreglustjórinn á Suðurnesjum krafðist þess í dag fyrir Héraðsdómi Reykjaness að gæsluvarðhald yrði framlengt yfir Selmu Gunnarsdóttur sem grunuð er um að hafa stungið telpu með hnífi í brjóstið 27. september en atburðurinn átti sér stað á heimili telpunnar í Reykjanesbæ.

Bæjarstjóri: Ekkert athugavert þótt fólk skoði atvinnutækifæri

Það er ekkert athugavert við það þótt að fólk skoði spennandi tækifæri á vinnumarkaði og freisti gæfunnar innanlands sem utan, segir Ásgerður Halldórsdóttir, bæjarstjóri Seltjarnarness.

Vilja fá fund með framkvæmdastjóra AGS

Hóps fólks hefur sent Dominique Strauss-Kahn, framkvæmda Alþjóðagjaldeyrissjóðsins, bréf og óskað eftir fundi með honum til að leita svara vegna efnahagsáætlunar sjóðsins. Meðal þeirra sem skrifa undir bréfið eru Lilja Mósesdóttir þingmaður VG, Ólafur Arnarson rithöfundur, Einar Már Guðmundsson rithöfundur og Halla Gunnarsdóttir fyrrverandi aðstoðarmaður heilbrigðisráðherra.

127% verðmunur á léttöli

Um 127% verðmunur er á ódýrasta fáanlega 500 millilítra léttölinu í nýrri verðkönnun ASÍ. Þar kemur fram að léttölið hafi kostað 79 krónur í Bónus en 179 krónur í 10-11. Verðmunur á drykkjarvörum sé hins vegar oftast á bilinu 90-110%.

Bjarni: Ekki hægt að skýla sér á bak við bankaleynd

„Staðreyndin er að það er ekki endalaust hægt að skýla sér á bak við bankaleynd. Það á að vera tiltölulega auðvelt að setja skýrar reglur sem allir geta skilið þar sem tryggt er að sambærileg mál fái líka meðhöndlun og þar sem bankarnir geta tjáð sig um það að þeir telja að í tilteknu tilviki hafi áframhaldandi eignarhald viðkomandi eiganda verið mikilvægt,“ sagði Bjarni Benediktsson, formaður Sjálfstæðisflokknum, í umræðum á Alþingi í dag.

Enginn biðlisti á frístundaheimilum í Reykjavík

Enginn biðlisti er til staðar á frístundaheimilunum á vegum Íþrótta- og tómstundaráðs Reykjavíkurborgar fyrir utan 3 nýjar umsóknir. Sigrún Sveinbjörnsdóttir, verkefnisstjóri á sviði tómstundamála, segir að ástæðan sé sú að vel hafi gengið að ráða starfsfólk. „Við höfum alltaf verið undirmönnuð á þessum tíma,“ segir Sigrún. Nú sé svo til búið að ráða í allar stöður og starfsmannamálin komin í eðlilegan farveg.

Auddi: Ekki tilgangur okkar að niðurlægja beljuna

„Það var aldrei tilgangur okkar að niðurlægja beljuna," segir Auðunn Blöndal sjónvarpsmaður.

Tíu á gjörgæslu vegna svínaflensu

Tíu sjúklingar liggja á gjörgæsludeild Landspítalans vegna svínaflensu eða H1N1 inflúensunnar. 39 eru inniliggjandi á spítalanum vegna flensunnar. Þetta kemur fram í tilkynningu frá farsóttarnefnd spítalans.

Krefst rannsóknar á kúasæðingu Audda

Dýralæknafélag Íslands krefst rannsóknar á kúasæðingu Auðuns Blöndal sem fjallað var um í Fréttablaðinu í dag. „Þeir eru að gera eitthvað sem leikmenn mega ekki gera og þetta er niðurlægjandi fyrir dýrið. Tiltækið er fámunalega ósmekklegt og það er spurning hvort þetta sé ekki dýraverndarmál,“ segir Guðbjörg Þorvarðardóttir, formaður Dýralæknafélag Íslands, sem er allt annað en sátt með framgöngu sjónvarpmannanna Auðuns Blöndal og Sverris Þór Sverrissonar, betur þekktir sem Auddi og Sveppi.

Þrír af fimm framkvæmdastjórum yfirgefa Seltjarnarnesbæ

Tveir framkvæmdastjórar af fimm hjá Seltjarnarnesbæ hyggjast segja upp störfum og einn sagði upp störfum í morgun. Ástæðan er sögð vera óánægja með breytingar sem hafa orðið í stjórnsýslu bæjarins eftir að Ásgerður Halldórsdóttir tók við stöðu bæjarstjóra fyrr á árinu.

Bjóða fyrrum vistmönnum Silungapolls viðtöl

Nefnd sem kannar starfsemi vist- og meðferðaheimila fyrir börn kannar um þessar mundir starfsemi vistheimilisins Reykjahlíðar, heimavistaskólans Jaðars og vistheimilisins Silungapolls

Krefst fundar í viðskiptanefnd vegna afskrifta hjá Högum

Eygló Harðardóttir, þingmaður Framsóknarflokksins, hefur farið fram á að viðskiptanefnd Alþingis komi saman vegna frétta um afskriftir af skuldum eigenda Haga við Kaupþing.

Evrópulánið tryggir orku í fyrsta áfanga Helguvíkur

Ákvörðun Evrópska fjárfestingabankans, að gefa grænt ljós á þrjátíu milljarða króna lán til Orkuveitu Reykjavíkur, þýðir að Orkuveitan getur tryggt nægilegt rafmagn til fyrsta áfanga álvers Norðuráls í Helguvík. Stjórnarformaður Orkuveitunnar segir lánskjörin ásættanleg.

Hlín: Ráðning þjóðleikhússtjóra var leikrit

Einn umsækjenda um stöðu þjóðleikhússtjóra gagnrýnir ráðningarferlið harðlega og segir það sýndarmennsku frá upphafi til enda. Hún segir að aldrei hafi annað staðið til en að ráða niðurskurðarmeistara í starfið og íhugar að kæra ráðningarferlið til umboðsmanns Alþingis.

Sýkingin í síldinni alvarlegri en í fyrra

Sýking í íslensku sumargotssíldinni, sem fundist hefur í Breiðafirði, er alvarlegri en í fyrra og mælir Hafrannsóknastofnunin með veiðibanni. Þetta er mikið áfall fyrir síldveiðiflotann og vinnslufyrirtæki í landi og ljóst að þjóðarbúið verður af milljarðaverðmætum.

Skýrsla sendinefndar AGS ekki birt á áður tilkynntum tíma

Skýrsla sendinefndar AGS á Íslandi sem átti að birtast á heimasíðu Alþjóðagjaldeyrissjóðsins í hádeginu í dag gerði það ekki. Heimila átti birtingu skýrslunnar klukkan tvö í dag og áttu blaðamenn að fá hana fyrirfram til þess að geta kynnt sér efni hennar, en í skýrslunni er meðal annars lagt mat á skuldaþol íslenska ríkisins verði ríkisábyrgð heimiluð á Icesave-samningana.

Icesave afgreitt í næstu viku

Talið er nánast öruggt að Icesave frumvarp ríkisstjórnarinnar hafi meirihluta á Alþingi. Málið verður væntanlega afgreitt lög frá Alþingi í lok næstu viku.