Hreinsun hafin á ný í höfninni

Síldveiði hófst að nýju í höfninni í Vestmannaeyjum í gær til að hreinsa höfnina. Samkvæmt rannsókn Hafrannsóknastofnunar eru allt að 90 prósent af síldinni sýkt.

Ákvörðun um sumarannir í vikulokin

„Það er vinna í gangi á öllum fræðasviðum og niðurstöður varðandi það hvað við getum boðið stúdentum upp á í sumar ættu að liggja fyrir í lok þessarar viku," segir Kristín Ingólfsdóttir, rektor Háskóla Íslands (HÍ). Samkvæmt könnun Stúdentaráðs HÍ gætu þúsundir háskólanema verið án atvinnu í sumar.

Lækka lífeyri um tíu prósent

Nokkrir lífeyrissjóðir munu að öllum líkindum skerða réttindi í vor, vegna slæmrar stöðu í kjölfar bankahrunsins. Þeir eru Gildi, Sameinaði lífeyrissjóðurinn, Almenni lífeyrissjóðurinn, Stafir, Lífeyrissjóður Vestfirðinga og Festa. Almennt munu þeir skerða réttindin um tíu prósent.

Vesturlandsvegur um Kjalarnes lokaður

Tímabundin lokun á Vesturlandsvegi við Kjalarnes verður nú framkvæmd vegna veðurs og færðar. Lokunin nær frá Leirvogstungu-hringtorgi að Hvalfjarðargöngum. Ekkert ferðaveður er á þessum slóðum og er fólk beðið um að fylgjast vel með upplýsingum um færð og veður áður en haldið er að stað.

Óásættanlegt að heimilin beri allan skaða hrunsins

Sigrún Elsa Smáradóttir var fyrsti flutningsmaður tillögu um almennar aðgerðir vegna verðtryggðra lána heimilanna á landsfundi Samfylkingarinnar um helgina. Tillagan var samþykkt í dag og segist Sigrún Elsa fagna þeirri niðurstöðu. Hún segir óumdeilt að efnahagshrunið hafi verið ófyrrisjáanlegt fyrir allan almenning

Vilja Sjálfstæðisflokkinn áfram í stjórnarandstöðu

Samfylkingin vill fleiri konur í lykilstöður, að ríkið eigi ráðandi hlut í einum banka, fækka ráðuneytum og Sjálfstæðisflokkinn áfram í stjórnarandstöðu eftir kosningar. Þetta kom fram í stefnuræðu Jóhönnu Sigurðardóttur nýs formanns flokksins nú síðdegis. Tillaga um að skipta tjóni vegna verðbólgu milli skuldara og lánveitenda var samþykkt.

Síldveiði hafin að nýju í Vestmannaeyjahöfn

Síldveiði er nú hafin að nýju í í höfninni í Vestmannaeyjum en talið er að allt að 90% af síldinni sé sýkt. Sótt var um leyfi hjá sjávarútvegsráðuneytinu til þess að hreinsa upp síldina því að lokinni rannsókn Hafró var talið að um 90% síldarinnar myndi drepast. Lítið annað er því í stöðunni en að hreinsa síldina upp því af henni kemur mikil mengun.

Þorgerður hlaut 80,6% atkvæða í varaformanninn

Þorgerður Katrín Gunnarsdóttir var kjörin varaformaður Sjálfstæðisflokksins með 80,6% greiddra atkvæða fyrir stundu. Alls greiddu 1618 atkvæði. Auðir seðlar voru 92 og ógildir 9.

Mótmælt við Héraðsdóm Reykjavíkur

Um fjörutíu til fimmtíu manns komu saman til mótmælafundar fyrir framan Héraðsdóm Reykjavíkur á fjórða tímanum í dag. Vildi hópurinn vekja athygli á því að í þessari viku átti að senda fimm hælisleitendur aftur til Grikklands.

Slæm færð við Húsavík - óvissustig á Vestfjörðum

Lögreglan á Húsavík vill koma þeim skilaboðum til vegfarenda að veður og færð eru tekin að spillast víða í umdæminu. Í Köldukinn eru akstursskilyrði slæm sem og í Ljósavatnsskarði vegna snjókófs. Þá hafa ökumenn einnig lent í vandræðum vegna þessa á Tjörnesi.

Munstrar sig í áhöfn Bjarna Ben

Kristján Þór Júlíusson óskaði Bjarna Benediktssyni innilega til hamingju með kosninguna í formannsstól Sjálfstæðisflokksins í ræðu sem hann hélt eftir að ljóst var að sá síðarnefndi var kjörinn formaður. Hann sagði að nú væru ekki nema sjö sólarhringar síðan hann tilkynnti um framboð sitt og sá tími sem liðinn sé síðan þá hafi verið ævintýri líkastur. Hann sagði það kannski hljóma væmið en í hans augum væri Sjálfstæðisflokkinn hluti af fjölskyldu sinni.

Bjarni Ben kosinn formaður Sjálfstæðisflokksins

Bjarni Benediktsson var rétt í þessu kjörinn formaður Sjálfstæðisflokksins á landsfundi flokksins í Laugardalshöll. Bjarni sigraði Kristján Þór Júlíusson nokkkuð örugglega en hann hlaut 58% greiddra atkvæða á móti 40,4% sem Kristján hlaut. Alls voru 1705 atkvæði greidd en auðir seðlar voru 5 og ógildir 2. Bjarni er níundi formaður Sjálfstæðisflokksins.

Lögreglan upprætir kannabisræktun í Úlfarsárdal

Fíkniefnadeild lögreglunnar á höfuðborgarsvæðinu upprætti fyrir stundu kannabisræktun í Úlfarsárdal í Reykjavík. Umfang ræktunarinnar er mikið og plönturnar nokkuð stórar samkvæmt heimildum fréttastofu.

Snjóflóðahætta á Vestfjörðum

Lýst hefur verið yfir óvissustigi vegna snjóflóðahættu á norðanverðum Vestfjörðum. Veðurstofan spáir stormi, norðlægri átt 15-20 m/s og sums staðar jafnvel 15-25 m/s, á norðanverðu landinu fram á morgundaginn.

Ummæli Davíðs ómakleg og óverðskulduð

Geir. H. Haarde formaður Sjálfstæðisflokksins sagði á landsfundi Sjálfstæðiflokksins í morgun að ummæli Davíðs Oddssonar í gær í garð Endurreisnarnefndar flokksins og formanns hennar væru ómakleg og óverðskulduð. Geir kvaddi sér óvænt hljóðs til þess að mótmæla ummælum Davíðs. Þetta kemur fram á Eyjunni

Vilja ekki afnema verðtrygginguna

Samfylkingin greiðir nú atkvæði um stefnumál sín á lokadegi landsfundar í Smáranum. Endurreisnarnefnd landsfundar vill að dregið verði úr vægi verðtryggingar í lánaviðskiptum - en ekki að hún verði afnumin. Umhverfishópurinn leggur til að kvótar verði innkallaðir í Auðlindasjóð á næstu tuttugu árum.

Útskrifast af gjörgæslu í dag

Llíðan konunnar sem slasaðist við Skessuhorn í gær er sögð góð eftir atvikum. Hún útskrifast frá gjörgæsludeild í dag og fer á aðra deild. Konan var flutt með þyrlu Landhelgisgæslunnar á sjúkrahús um klukkan tíu í gærkvöld.

Geiri á Goldfinger segist hafa styrkt alla flokka - líka VG

Ásgeir Davíðsson, betur þekktur sem Geiri á Goldfinger, segist hafa styrkt alla stjórnmálaflokka undanfarin ár. Mikið hefur verið rætt um 300 þúsund króna styrkt Baltic sem er fyrirtæki Geira til Sjálfstæðisflokksins. Hann segist hinsvegar hafa styrkt alla flokka og meira að segja Vinstri græna. Geiri er staddur í Tælandi en ætlar að fá upplýsingar frá endurskoðanda um styrki til stjórnmálaflokkanna þegar hann kemur heim.

Greiðir fyrir klámmyndaáhorf eiginmannsins

Innanríkisráðherra Bretlands segir að hún muni endurgreiða kostnað sem hlaust af því að eiginmaður hennar horfði á klámmyndir á leigurás í sjónvarpinu sem er á heimili þeirra.

Rólegt hjá helstu lögregluembættum landsins

Nóttin virðist hafa verið róleg hjá helstu lögregluembættum landsins. Einn var þó stöðvaður á Akranesi grunaður um ölvun við akstur og fimm hjá lögreglunni á höfuðborgarsvæðinu

Hálka víða um land

Í tilkynningu frá Vegagerðinni kemur fram að víða um land sé hálka. Þar segir frá hálkublettum á Reykjanesi og Kjalarnesi auk þess sem hálka og snjóþekja sé víða á Suðurlandi.

Nýr formaður Sjálfstæðisflokksins kosinn í dag

Nýr formaður Sjálfstæðisflokksins verður kosinn í dag en í dag er síðasti dagur landsfundar flokksins. Það eru þeir Kristján Þór Júlíusson og Bjarni Benediktsson sem slást um formannsstólinn og er reiknað með að mjótt verði á mununum. Þá er Þorgerður Katrín Gunnarsdóttir ein í framboði til varaformanns flokksins.

Opið á skíðasvæðum

Opið er í Bláfjöllum í dag, gullfallegt veður, er orðið bjart og nýr snjór yfir öllu. Þetta kemur fram í tilkynningu frá Bláfjöllum nú í morgun. Einnig er opið í Hlíðarfjalli til klukkan 16:00 í dag. Þar er logn -4° og smá snjókoma.

Flutt með þyrlu til Reykjavíkur

Kona sem slasaðist í Skessuhorni í gær var flutt með þyrlu Landhelgisgæslunnar á sjúkrahús í Reykjavík um 22:00 í gærkvöldi. Hún var borin niður fjallið og komið í snjóbíl sem flutti hana þangað sem þyrlan gat sótt hana

Björgunarfólk komið að hinni slösuðu

Um 120 björgunarsveitarmenn hafa í allan dag reynt að komast að slasaðri konu í fjallinu Skessuhorni. Tólf manna gönguhópur var þar á göngu þegar ein úr hópnum slasaða. Björgunarfólkið er nú komið á staðinn og verið er að undirbúa flutning á fólkinu niður fjallið en aðstæður er gríðarlega erfið. Mikil ísing er á svæðinu og snjóflóðahætta.

Segir ummæli Davíðs ómakleg

Vilhjálmur Egilsson formaður samtaka atvinnulífsins segir ummæli Davíðs Oddssonar á landsfundi flokksins hafa verið ómakleg en hann láti þau ekki hafa áhrif á sig. Davíð sagði skýrslu Endurreisnarnefndar flokksins sem Vilhjálmur stýrði vera hrákasmíð og hann sæi eftir þeim trjágróðri sem notaður var í prentun skýrslunnar. Vilhjálmur segir að með þessu sé Davíð að gera lítið úr þeim 80 einstaklingum sem stóðu að skýrslunni.

Kynferðisbrotamenn eiga ekki að vinna með börnum

Fólk sem hlotið hefur dóm fyrir kynferðisbrot gegn börnum á ekki að vinna með börnum og unglingum, segir framkvæmdastjóri Barnaheilla. Varsla barnakláms er ein tegund slíks ofbeldis.

Dagur B varaformaður - Jóhanna fékk 97% atkvæða

Dagur B. Eggertsson var kosinn varaformaður Samfylkingarinnar fyrir stundu eftir sig á Árna Páli Árnasyni þingmanni. Dagur hlaut 65,6% en Árni Páll 33,9% greiddra atvkæða á landsfundi flokksins. Dagur sagði að flokkurinn myndi sækja um aðild að ESB að loknum kosningum og myndi bjóða til samstarfs með það að leiðarljósi. Hann sagði Samfylkinguna vera eina flokkinn með plan. Jóhanna Sigurðardóttir var kosinn formaður Samfylkingarinnar með 97% greiddra atkvæða.

Þyrla Landhelgisgæslunnar kemst ekki að slasaðri konu

Um 100 björgunarsveitamenn aðstoða nú tólf manna gönguhóp niður af Skesskuhorni. Beðið var um aðstoð um klukkan tvö í dag þegar kona í hópnum féll og slasaðist. Veður er afleitt á svæðinu, það er hvasst auk þess sem snjóflóðahætta er töluverð.

Líkti starfslokum sínum við krossfestingu Krists

Davíð Oddsson hélt ræðu á landsfundi Sjálfstæðisflokksins fyrir stundu sem endaði með dúndrandi lófataki viðstaddri. Davíð fór um víðan völl og talaði meðal annars um aðgerðarleysi minnihlutastjórnarinnar auk þess sem hann sagði Björgvin G. Sigurðsson eiga drengjamet í að leka upplýsingum í fjölmiðla. Hann sagði Jóhönnu Sigurðardóttur líta dálítið út eins og álfur út úr hól og ræddi einnig um starfslok sín í Seðlabankanum, sem hann líkti við krossfestingu Krists.

Lyftustopp í Hlíðarfjalli: Fólkið komið niður

Stólalyftan í Hlíðarfjalli stoppaði um 14:00 í dag. Björgunarsveitin var kölluð á vettvang þegar ákveðið var að ná fólkinu niður en um 200 manns voru í lyftunni þegar hún stoppaði. Guðmundur Karl Jónsson forstöðumaður skíðasvæðisins í Hlíðarfjalli segir að engin hætta hafi verið á ferðum þó einhverjir hafi eflaust fengið um sig hroll.

Bílvelta á Grindavíkurvegi: Fjórir fluttir á sjúkrahús

Bílvelta varð á Grindavíkurvegi fyrr í dag. Að sögn lögreglu voru fjórir fluttir á sjúkrahús en ekki er vitað hversu alvarelga slasaðir þeir eru. Um var að ræða jeppa sem fór útaf veginum og að sögn vegfaranda fór hann nokkuð langt útaf veginum en mikil hálka er á vettvangi. Verið er að rannsaka tildrög slyssins að sögn lögreglu.

Föst í skíðalyftunni í Hliðarfjalli í tvo tíma

Nokkur fjöldi fólks hefur setið fastur í skíðalyftunni í Hlíðarfjalli í nærri tvo klukkutíma. Einhverjir björgunarsveitarmenn úr Súlum, björgunarsveitinni á Akureyri, voru á svæðinu og hafa hafið aðgerðir til aðstoðar fólkinu og fleiri eru á leiðinni með búnað sem til þarf til að ná fólkinu úr lyftunni.

Margt ósmekklegt og rangt sagt um hjónaband okkar Kristjáns

Þorgerður Katrín Gunnarsdóttir varaformaður Sjálfstæðisflokksins hélt ræðu á landsfundi flokksins fyrir stundu en hún sækist eftir endurkjöri í embætti varaformanns. Hún sagði uppgjöf ekki vera til í orðabókum sjálfstæðismanna en hún var einnig á persónulegu nótunum. Ræddi hún meðal annars um hlutabréfakaup eiginmanns síns og kjaftasögurnar um hjónabandið. Hún sagði Steingrím J. vera hinn nýja Skattmann og að skikkjan hefði verið send með hraðpósti frá Bessastöðum.

Kynferðisbrot á meðferðarheimili: Ekki hægt að reka nema ákært sé

Bragi Guðbrandsson forstjóri Barnaverndarstofu segir að séu starfsmenn meðferðarheimilis ákærðir fyrir kynferðisbrot sé þeim sagt upp störfum varanlega. Sjái ákæruvaldið hinsvegar ekki ástæðu til þess að gefa út ákæru séu menn í erfiðri stöðu og ekki hægt að reka viðkomandi. Rannsókn fer nú fram á meintum kynferðisbrotum starfsmanns meðferðarheimilis á Norðulandi en honum hefur verið sagt upp störfum tímabundið. Sami maður laut rannsókn vegna svipaðra brota fyrir ári síðan

Davíð Oddsson ávarpar landsfund

Davíð Oddsson fyrrverandi formaður Sjálfstæðisflokksins mun ávarpa landsfund Sjálfstæðismanna klukkan 16:00 í dag. Ekki er vitað hvað Davíð ætlar að segja en mikil eftirvænting er í landsfundargestum vegna ræðu Davíðs.

Bílvelta á Grindavíkurvegi

Jeppi fór útaf Grindavíkurvegi fyrir stundu og valt. Að sögn vegfaranda er mikil hálka á veginum og lá bíllinn talsvert utan við veginn. Lögregla og sjúkrabíll voru komin á staðinn og slökkvilið var einnig á leið á vettvang.

Eva Joly kostar 70 milljónir á ári

Áætlaður kostnaður ríkissins vegna starfa Evu Joly sem ráðgjafa hjá sérstökum saksóknara bankahrunsins er um 70 milljónir á ári. Inni í þeirri tölu er allur kostnaður en hún er með aðstoðarmann á sínum snærum. Sjálf fær Eva átta þúsund evrur í laun á mánuði sem er um 1.300.000 íslenskar krónur. Þetta kom fram á blaðamannafundi í morgun þar sem starf Evu var kynnt.

Ætlar ekki í varaformanninn

Kristján Þór Júlíusson segist ekki ætla að bjóða sig fram til varaformanns Sjálfstæðisflokksins tapi hann fyrir Bjarna Benediktssyni um formannsstól flokksins.

Fráleitt að bera saman Icesave og lífeyrissjóðinn

Ögmundur Jónasson segir fráleitt að bera saman skuldbindingar ríkisins vegna lífeyrissjóðs starfsmanna ríkisins og Icesave ævintýrið.

Fjárhagsstaða ríkisins leyfir ekki 20% niðurfellingu skulda

Fjárhagsstaða ríkisins leyfir ekki flata 20 prósenta niðurfellingu skulda. Kostnaðurinn myndi jafngilda tvöföldum heildarútgjöldum ríkissjóðs á síðasta ári.

Íslands bíður björt framtíð handan við hornið

Bjarni Benediktsson gerði grein fyrir stjórnmálaályktun Sjálfstæðisflokksins sem í kjölfarið var lögð fyrir landsfund flokksins til umfjöllunar. Meðal þess sem kom fram í máli Bjarna var að flokkurinn telur að Ísland eigi að standa utan við Evrópusambandið en flokkurinn telur að ísland eigi að vera virkir þátttakendur í alþjóðasamfélaginu.

Vilja að ný ríkisstjórn sæki um aðild að ESB

Fjöldi fólks héðan og þaðan í samfélaginu skrifar undir áskorun sem birt er með auglýsingu í dagblöðunum í dag, um að ríkisstjórn sem tekur við eftir kosningar til Alþingis í apríl, hafi það sem eitt af forgangsverkefnum sínum að skilgreina samningsmarkmið Íslendinga og sæki síðan um aðild að Evrópusambandinu.

Ný forysta Samfylkingar kosin í dag

Ný forysta Samfylkingarinnar verður kosin í dag á landsfundi flokksins í Smáranum. Jóhanna Sigurðardóttir forsætisráðherra er ein í framboði til formanns en tveir menn berjast um varaformannsembættið, þeir Dagur B. Eggertsson borgarfulltrúi og Árni Páll Árnason þingmaður.

Vilja að neitunarvaldi sé beitt gegn Fogh Rasmussen

Forsætisráðherra Tyrklands segir að múslimaríki biðji Tyrki um að beita neitunarvaldi til þess að koma í veg fyrir að Anders Fogh Rasmussen forsætisráðherra Danmerkur verði næsti framkvæmdastjóri NATO.