AGS: Mun meira skorið niður í næstu fjárlögum

Ákvörðun um það hvort taka eigi upp evruna er ekki aðalatriði í því sem Ísland þarf að takast á við á þessu augnabliki. Þetta kom fram í máli Poul Thomsen, yfirmanns sendinefndar Alþjóðagjaldeyrissjóðsins, á fundi með blaðamönnum í utanríkisráðuneytinu í dag. Thomsen sagðist vita til þess að umræðan um framtíðargjaldmiðil færi fram en það væri ekki aðal viðfangsefni núna heldur að fást við fjárlögin.

Niðurgreiðslur hækka í Mosfellsbæ

Niðurgreiðslur til foreldra í Mosfellsbæ hækka og gjaldskrár fyrir leik- og grunnskóla breytast ekki. Bæjarstjórn Mosfellsbæjar samþykkti samhljóða í gærkvöldi fjárhagsáætlun fyrir árið 2009. Áætlunin var unnin sameiginlega af öllum flokkum í bæjarstjórn.

Krefjast þess að æðstu stjórnendur bankanna víki

Talsmenn Radda fólksins krefja Björgvin G. Sigurðsson, viðskiptaráðherra, um tafarlausan brottrekstur æðstu stjórnenda nýju bankanna. Grafalvarlegt sé og með öllu óásættanlegt að margir æðstu stjórnendur gömlu bankanna hafi verið endurráðnir í æðstu stjórn nýju bankanna.

Milljónum úthlutað úr sjóði Jóns Sigurðssonar

Úthlutað hefur verið úr sjóðnum Gjöf Jóns Sigurðssonar. Að þessu sinni voru veittar 12 viðurkenningar fyrir samtals 6,5 milljón krónur. Hæsti styrkurinn var 700.000 krónur sem fór til Jóns M. Ásgeirssonar og Þórðar Inga Guðjónssonar fyrri verkið Frá Sýrlandi til Íslands. Arfur Tómasar postula. Tómasarguðspjall, Tómasarkver, Tómas saga postula. Aðrir styrkir voru á bilinu 200 til 600.000 krónur.

Duftbréfin virðast hafa komið frá Bandaríkjunum

Niðurstöður rannsókna á hvíta duftinu sem barst sendiráði Bandaríkjanna á Íslandi í gær liggja ekki fyrir. Kathy Eagen, upplýsingafulltrúi sendiráðs Bandaríkjanna á Íslandi, segir að beðið sé eftir niðurstöðum frá Landspítalanum. Hún segir í samtali við Vísi að Alríkislögreglan, FBI, rannsaki málið en talið er að bréfin, sem send voru sextán sendiráðum vítt og breitt um Evrópu, hafi komið frá Bandaríkjunum.

Laun lækka um 6-15% hjá RÚV

Páll Magnússon, útvarpsstjóri, tilkynnti á starfsmannafundi fyrir stundu útfærslu á launalækkun starfsmanna sem var kynnt samhliða sparnaðartillögum nýverið. Laun starfsmanna RÚV lækka tímabundið um 6-15%. Í samtali við Vísi sagði Páll að launalækkun langflestra sé bilinu 6-8%.

Niðurskurður leggst þungt á Háskólann á Akureyri

Útgjöld til Háskólans á Akureyri verða skorin niður um 127,5 milljónir króna eða 8,8% samkvæmt nýju fjárlagafrumvarpi ríkisstjórnar verði það samþykkt.

Reyndu að brjóta sér leið inn í FME - Snéru sér síðan að Glitni

Hópur mótmælenda, um 40 til 50 manns, kom saman fyrir framan Fjármálaeftirlitið á Suðurlandsbraut í morgun. Fólkið safnaðist saman við Glæsibæ og gekk fylktu liði að FME en þegar þangað var komið var búið að læsa anddyrinu. Þá var brugðið á það ráð að brjóta rúðu í hurðinni og fór hópur fólks inn í anddyrið. Annar hópur tók sér stöðu fyrir framan anddyrið og kom í veg fyrir að lögregla kæmist að hópnum sem fór inn.

Krefjast greiðsluaðlögunar að norrænni fyrirmynd

Neytendasamtökin krefjast þess að sett verði lög um greiðsluaðlögun að norrænni fyrirmynd. Samtökin hafa undanfarin ár talað fyrir slíkri lagasetningu.

AGS með fastan fulltrúa á Íslandi

Alþjóðagjaldeyrissjóðurinn hefur skoðað að hafa fastan fulltrúa á Íslandi á næstu misserum, meðan á samstarfi sjóðsins og íslenskra stjórnvalda stendur í tengslum við neyðarlán sjóðsins sem samþykkt var að veita Ísland í haust.

Hvítt duft sent til sendiráðsins á Laufásvegi

Sextán sendiráð Bandaríkjanna vítt og breitt um Evrópu fengu í pósti umslög sem reyndust innihalda hvítt duft. Sendiráðið á Laufásvegi var meðal þeirra sem fengu umslag með dufti. Frá málinu er greint á CNN og sagt að efnagreiningar hafi leitt í ljós að duftið sé venjulegt hveiti. Þó eigi enn eftir að greina efnið sem fannst í Haag í Hollandi.

Tryggvi hættur hjá Nýja Landsbankanum

Tryggvi Jónsson, fyrrum aðstoðarforstjóri Baugs, hefur sagt upp störfum hjá Nýja Landsbankanum og þegar látið af störfum hjá bankanum. Störf Tryggva hjá bankanum hafa verið gagnrýnd undanfarið en tæpt hálft er síðan að hann var dæmdur í 12 mánaða skilorðsbundið fangelsi í tengslum við Baugsmálið.

Slapp ótrúlega vel úr bílveltu

Ökumaður, sem var einn í bíl sínum, slasaðist ótrúlega lítið, að mati lögreglu, þegar bíll hans rann út af Eyrarbakkavegi um klukkan sex í morgun og valt fjórar veltur. Hann var fluttur með sjúkrabíl á slysadeild Landspítalans í Reykjavík til aðhlynningar og rannsókna. Slysið er rakið til flughálku á veginum.

Dregur úr spurn eftir íslenskum fiski í Bretlandi

Ört vaxandi atvinnuleysi og efnahagslegur samdráttur í Bretlandi eru farin að draga úr spurn eftir íslenskum fiski þar, einkum þorski og ýsu.

Gámur með þýfi enn ófundinn

Lögreglan á Suðurnesjum hefur ekki enn fundið gám með bíl og þýfi, sem grunur leikur á að verið sé að flytja úr landi.

ASÍ lýsir yfir vonbrigðum vegna stefnu stjórnvalda

Stjórnvöld vilja ekki koma til móts við áherslur ASÍ vegna endurskoðunar og endurnýjunar kjarasamninga, sem eiga að hefjast eftir áramót og eru það mikil vonbrigði, að mati forseta og varaforseta ASÍ, að því er fram kemdur í tilkynningu frá ASÍ.

Líkt og einhver vilji þjóðinni illt með háum stýrivöxtum

Þór Sigfússon, formaður Samtaka atvinnulífsins, segir að það sé eins og einhverjir vilji þjóðinni illt með of háum stýrivöxtum. Stýrivaxtapólitíkin er stærsti núverandi vandi íslensks atvinnulífs, að mati Þórs. Hann var gestur í Reykjavík síðdegis á Bylgjunni.

Frelsandi að grýta snjóboltum í Jón Ásgeir

Guðjón Heiðar Valgarðsson, mótmælandi, segir að það hafi verið frelsandi að kasta snjóbolta í andlitið á Jóni Ásgeiri Jóhannessyni, stjórnarformanni Baugs, í dag.

Forysta ASÍ óánægð með Geir og Ingibjörgu

Forseti og varaforseti Alþýðusambands Íslands funduðu með forsvarsmönnum ríkisstjórnarinnar í dag til að kynna áherslur og kröfur í framhaldi af ályktun miðstjórnar ASÍ frá því fyrr í dag um fjárlagafrumvarpið og ráðstafanir í ríkisfjármálum.

Rukkað í fyrsta sinn fyrir eftirmeðferð SÁÁ

Eftir áramót verður í fyrsta sinn rukkað fyrir eftirmeðferð á vegum SÁÁ. ,,Þetta er merki um ákveðna stefnubreytingu í gjaldtöku í heilbrigðismálum," sagði Þórarinn Tyrfingsson, yfirlæknir á Vogi og formaður SÁÁ, sem var gestur Sölva Tryggvasonar í Íslandi í dag fyrr í kvöld.

Spyrja um kaup bankanna á laxveiðileyfum

Stjórn Stangveiðifélags Seyðisfjarðar hefur sent forsvarsmönnum ríkisbankanna bréf þarf spurst er fyrir um hugsanlega kaup kaup bankanna á laxveiðileyfum næsta sumar.

Skora á Ólaf að skrifa ekki undir fjárlagafrumvarpið

Hafið er átak þar sem skorað er á Ólaf Ragnar Grímsson, forseta Íslands, að samþykkja ekki fjárlagafrumvarp ríkisstjórnarinnar. Hörður Torfason er meðal þeirra sem standa að áskoruninni og vefsíðunni sem hefur verið opnuð. Fjárlagafrumvarpið er meðal annars sagt eiga heima á öskuhaug sögunnar.

Ganga í þágu friðar á Þorláksmessu

Íslenskir friðarsinnar standa sem fyrr að blysför niður Laugaveginn á Þorláksmessu en safnast verður saman á Hlemmi og leggur gangan af stað stundvíslega kl. 18 og er fólk hvatt til að mæta tímanlega.

Segjast hafa verið hlunnfarnir

Fyrrverandi starfsmenn Landsbankans í Lúxemborg segjast hafa verið hlunnfarnir eftir að bankinn fór í gjaldþrot, loforð hafi verið svikin og fólk skilið eftir í algerri óvissu. Efnt var til kröfufundar fyrir utan höfuðstöðvar bankans ytra í dag.

Sjálfsagt að upplýsa um kostnað forsetaembættisins

Örnólfur Thorsson, forsetaritari, segir ekkert nema sjálfsagt að veita upplýsingar um kostnað forsetaembættisins. Össur Skarphéðinsson vill að lögreglan rannsaki hvernig bókhaldsgögn embættisins komust í hendur fjölmiðla.

21 milljarður eftir af Símapeningunum

Rúmlega tuttugu milljarðar eru eftir af 67 milljörðum sem fengust fyrir sölu Landssímans árið 2005. Sérstök lög um ráðstöfun símapeninganna verða afnumin samkvæmt ákvörðun ríkisstjórnarinnar og afgangnum deilt út á fjárlögum eftir ákvörðunum Alþingis hverju sinni.

Næturflug hætt á Reykjavíkur- og Akureyrarflugvelli

Flugstoðir sjá fram á hundruð milljóna króna niðurskurð. Upplýsingafulltrúi fyrirtækisins segir enn óljóst hvar verði skorið niður en samkvæmt heimildum fréttastofu verður lokað fyrir allt næturflug á Reykjavíkur- og Akureyrarflugvelli.

Hálka á vegum um allt land

Vegagerðin varar við hálku og hálkublettum víðsvegar um landið. Hálkublettir eru á Reykjanesbraut og á Kjalarnesi. Á Suðurlandi er hálka, snjóþekja einnig er éljagangur víða. Það er hálka og éljagangur á Hellisheiði og í Þrengslum.

Blaðamenn DV halda ótrauðir áfram

Kolbeinn Þorsteinsson trúnaðarmaður á DV segir niðurstöðu fundar blaðamanna sem var að ljúka hafa verið þá að halda áfram að koma út blaði. Hann segir fundinn ekkert sérstaklega hafa rætt hvort ritstjórar blaðsins njóti stuðnings blaðamanna. Aðeins einn blaðamaður hefur sagt upp störfum.

Stoppaði oft fréttir frá Símoni

Hvorki Jónas Kristjánsson né Mikael Torfason muna eftir því atviki þegar að tvær fréttir sem Símon Birgisson skrifaði voru slegnar af borði ritstjórnar. Símon skrifaði færslu um málið á bloggsíðu sína í dag sem að Vísir vitnaði í.

Þrettán Íslendingar í fangelsum erlendis - Þyngsti dómur 20 ár

Þrettán íslenskir ríkisborgarar dveljast í fangelsum erlendis. Sá sem þyngsta dóminn hefur hlotið var dæmdur í 20 ára fangelsi. Þetta kemur fram í svari utanríkisráðuneytisins við fyrirspurn Árna Þórs Sigurðssonar um málefni íslenskra fanga erlendis.

Niðurskurður til framhaldsskólanna mikið áhyggjuefni

Það er mikið áhyggjuefni að í breytingatillögum við fjárlagafrumvarpið fyrir næsta ár sé gert ráð fyrir niðurskurði í fjárveitingum til framhaldsskóla um meira en hálfan milljarð. Þetta segtir í ályktun Félags framhaldsskólakennara. Kennarar segja að umsóknir um nám í

Róbert Spanó verður Umboðsmaður Alþingis

Forsætisnefnd Alþingis hefur farið þess á leit við Róbert Spanó lögfræðing að hann gegni embætti Umboðsmanns Alþingis á meðan að Tryggvi Gunnarsson starfar í rannsóknarnefnd um bankahrunið.

Háskóli Íslands í mjög þröngri stöðu

Háskóli Íslands getur ekki tekið á móti 1600 nýjum nemum og þolað niðurskurð um einn milljarð króna á sama tíma, segir Kristín Ingólfsdóttir, rektor Háskóla Íslands. Samkvæmt fjárlagafrumvarpi fyrir næsta ár er gert ráð fyrir að framlög til Háskóla Íslands verði skorin niður um 900 milljónir króna. Kristín segir að skólinn sé í mjög þröngri stöðu.

Stúdentar mótmæla niðurskurði

Námsmenn gera „stórvægilegar“ athugasemdir við sparnaðartillögur ríkisstjórnarinnar. Í sameiginlegri yfirlýsingu frá helstu félögum námsmanna er harðlega gagnrýnt að fjárframlög til LÍN skuli vera skert um það sem nemur 1.360 milljónum og ríkisútgjöld til menntunar, háskóla, rannsókna og framhaldsskóla séu „duglega dregin saman.“

ASÍ vill tillögur um jafnvægi í ríkisrekstrinum

Miðstjórn ASÍ telur óhjákvæmilegt að ráðast í það erfiða verkefni að taka á hallarekstri ríkissjóðs. Ljóst er að það tekur nokkur ár að koma ríkisfjármálunum í jafnvægi.

Frávísun í skattsvikamáli Jóns Ólafssonar kærð til Hæstaréttar

Úrskurður Héraðsdóms Reykjavíkur um að vísa frá ákæru gegn Jóni Ólafssyni, Hreggviði Jónssyni og Ragnari Birgissyni verður kærður til Hæstaréttar. Þetta segir Helgi Magnús Gunnarsson, saksóknari efnahagsbrota hjá Ríkislögreglustjóra.

Evrópustefna sjálfstæðismanna rædd á þingi

Fyrsta mál á dagskrá Alþingis í dag var afstaða Sjálfstæðisflokksins til aðildar að Evrópusambandinu. Siv Friðleifsdóttir þingkona Framsóknarflokksins var málshefjandi og vakti hún athygli á grein þingmannanna Bjarna Benediktssonar og Illuga Gunnarssonar sem birtist í Fréttablaðinu á laugardag. Þar kom meðal annars fram sú afstaða þeirra félaga að stefna ætti að aðildarviðræðum við ESB burt séð frá því hvað landsfundur flokksins ákveður í janúar.

Galloper jeppi kórstjórans kominn í leitirnar

Vísir sagði frá því í gær að Galloper jeppa Jóns Kristinns Cortez kórstjóra hefði verið stolið þegar hann var við tónleikahald í Fríkirkjunni á sunnudag. Tæpum tveimur sólarhringum frá stuldinum fannst bíllinn opinn og óskemmdur þar sem honum hafði verið snyrtilega lagt í stæði við Listasafn ASÍ í Ásmundarsal við Freyjugötu. Það var tengdamóðir dóttur kórstjórans sem fann bílinn.

Fyrrverandi blaðamaður DV segist hafa verið ritskoðaður

Símon Birgisson fyrrverandi blaðamaður á DV segist hafa verið ritskoðaður þegar hann starfaði hjá blaðinu sumarið 2005. Þá hafi hann skrifað tvær fréttir sem snertu ákæruliðina í Baugsmálinu auk viðtala við Jón Ásgeir Jóhannesson og föður hans. Í kjölfarið sagði Símon upp störfum á blaðinu.

Frístundakortið nýtist á frístundaheimilum

Íþrótta- og tómstundaráð hefur samþykkt tillögu fulltrúa Vinstri grænna um að breyta reglum um frístundakortið. Breytingin verður til þess að foreldrar geta nýtt kortið til að greiða fyrir frístundaheimili ef þau svo kjósa.

Óprúttnir aðilar vildu narra notendur HÍ tölvupósts

Laust eftir miðnætti í nótt var sendur fjöldapóstur frá aðila utan Háskóla Íslands til allra notenda HÍ pósts.

Opinn borgarafundur í kvöld

Stóru fyrirtækin, FL group, Stoðir, eignatengsl og spilling í atvinnulífinu eru umfjöllunarefni opins borgarafundar í kvöld.

Réðst á lögreglukonu og fær 6 mánaða fangelsi

Karlmaður úr Reykjavík var dæmdur í sex mánaða fangelsi í dag fyrir brot gegn valdstjórninni og ítrekuð umferðarlagabrot. Hann var fjórum sinnum stöðvaður við akstur án gildra ökuréttinda.

Þakklátur þeim sem trúðu að ég væri heiðarlegur maður

Jón Ólafsson segist ekki getað annað en lofað drottinn og vonar að málinu sé hér með lokið. Meintum skattalagabrotum Jóns var vísað frá dómi að öllu leyti í morgun. Rannsóknin hefur tekið hátt í sjö ár og hefur haft mikil áhrif á Jón og hans fjölskyldu.