Lögreglan handtók sjö meðlimi Saving Iceland

Lögreglan handtók sjö félaga í Saving Iceland sem stóðu fyrir mótmælum á Hengilssvæðinu í morgun. Samtökin stöðvuðu vinnu við eina af helstu jarðhitaborholum á svæðinu. Hinir handteknu eru frá Bretlandi, Bandaríkjunum, Belgíu, Danmörku, Hollandi og Svíþjóð.

Munu líklega áfrýja Kastljósdómi

Dögg Pálsdóttir lögfræðingur Birnis Orra Péturssonar og Luciu Celeste Molina Sierra segir að allar líkur séu á því að dómi Héraðsdóms Reykjavíkur verði áfrýjað.

Gæsluvarðhaldsúrskurður staðfestur yfir Þorsteini Kragh og Hollendingnum

Hæstiréttur staðfesti í dag gæsluvarðhaldsúrskurð yfir tónleikahaldaranum Þorsteini Kragh og Hollendingi sem grunaðir eru um umfangsmikið smygl á fíkniefnum til landsins með Norrænu um miðjan júní.

Kastljós sýknað af ásökunum um ærumeiðingar

Páll Magnússon útvarpsstjóri og ritstjórn Kastljóss voru sýknuð, í Héraðsdómi Reykjavíkur í dag, í meiðyrðamáli sem Lucia Celeste Molina Sierra, tengdadóttir Jónínu Bjartmarz, og Birnir Orri Pétursson sonur Jónínu höfðuðu gegn þeim.

Fornleifuppgröftur í vetur

Hugsanlega gætu fornminjar frá Landnámsöld leynst undir Alþingisreitnum við Kirkjustræti. Fornleifafræðingar ætla að beita óvenjulegum aðferðum til að rannsaka svæðið í vetur.

Brotist inn í bíla í Reykjavík

Brotist var inn í sex bíla víðsvegar í Reykjavík um helgina og úr þeim stolið ýmsum munum. Á sama tímabili var þremur bílum stolið á höfðuborgarsvæðinu en í tveimur þeirra voru kveikjuláslyklar skildir eftir af eigendum eða umráðamönnum ökutækjanna og því voru hæg heimatökin hjá þjófunum. Þetta kemur fram í tilkynningu frá lögreglunni.

Dræm lundaveiði í Eyjum

Lundaveiði í Vestmannaeyjum hefur verið afar dræm það sem af er veiðitímabilinu. Veiðin er aðeins brot af því sem eðlilegt getur talist. Veiðimenn telja ástæðuna vera þá að ungfuglinn vantar en hann er að öllu jöfnu uppistaðan í veiðinni.

Afskaplega ánægður með niðurstöðu dómsins

Þórhallur Gunnarsson ritstjóri Kastljóss segist vera mjög sáttur við sýknunina í Héraðsdómi í dag. „Þetta er niðurstaðan sem ég átti von á en ég er mjög ánægður með að þetta hafi verið niðurstaða dómsins," segir Þórhallur.

Ökumaður ætlaði aldeilis að hafa vaðið fyrir neðan sig

Karl á þrítugsaldri var stöðvaður við akstur í Hafnarfirði í gærmorgun en bíllinn hans var enn á nagladekkjum. Þetta segir í tilkynningu frá lögreglunni á höfuðborgarsvæðinu.

Árni Johnsen enn að fara yfir stöðuna

Einar Hugi Bjarnason, lögfræðingur Árna Johnsen alþingismanns, vildi ekki gefa upp hvort Árni komi til með að stefna Agnesi Bragadóttur, blaðamanni Morgunblaðsins, fyrir meiðyrði. „Við erum að fara yfir stöðuna en það ætti að liggja fyrir á miðvikudag hvað við gerum," útskýrði Einar Hugi.

Minnst fjórir handteknir í mótmælum Saving Iceland

Að minnsta kosti fjórir hafa verið handteknir í mótmælum Saving Iceland á Hengilssvæðinu. Að sögn lögreglunnar á Selfossi var fólkinu gefið fyrirmæli um að yfirgefa svæðið og ákveðinn frestur til að hlýða þeim fyrirmælum.

Ekki grunaður um ölvunarakstur

Ökumaður bifreiðarinnar sem valt á Holtavörðuheiðinni á föstudag liggur ekki undir grun um ölvun við akstur.

Harður árekstur á Eyjafjarðarbraut

Harður tveggja bíla árekstur varð við Eyjafjarðarbraut vestri við Kjarnaskóg um hálftólf í dag.

Leiðbeinendur Vinnuskólans lögðu niður störf

Leiðbeinendur hjá Vinnuskóla Reykjavíkur lögðu niður störf í hádeginu. Nemendur Vinnuskólans verða í einhverjum tilfellum sameinaðir í hópa og vinnu haldið áfram, en ljóst er að margir þeirra verða sendir heim.

Rannsóknarnefnd flugslysa kannar þrjú atvik tengd Icelandair

Rannsóknarnefnd flugslysa rannsakar nú atvik sem varð í gær þegar vél Icelandair var snúið við skömmu eftir flugtak frá Keflavíkurflugvelli vegna bilunar í hreyfli.

Hlaut opið beinbrot við fall af hesti

Alvarlegt hestaslys varð á Völlum í Ölfussi á ellefta tímanum í morgun þegar knapi féll af hesti sínum og varð undir hestinum. Að sögn lögreglunnar á Selfossi hlaut viðkomandi opið beinbrot og var fluttur á slysadeild.

Tuttugu mótmælendur hafa læst sig við vinnuvélar á Hengilssvæðinu

Umhverfishreyfingin Saving Iceland stöðvaði í morgun vinnu við eina af helstu jarhitaborholum á Hengilsvæðinu, þar sem Orkuveita Reykjavíkur stækkar nú Hellisheiðarvirkjun.

Rannsókn á Frakkastígsmáli enn ólokið

Rannsóknardeild lögreglunnar á höfuðborgarsvæðinu bíður enn eftir niðurstöðum réttarkrufningar vegna andláts Pólverja sem féll í götuna af húsi á Frakkastíg í júní.

Stór jarðskjálfi við Grímsey í morgun

Klukkan 07:09 í morgun varð jarðskjálfti upp á 4,5 á Richter um 13 km austnorðaustur af Grímsey.

Tófa beit konu í fótinn

Tófa beit konu í fótinn, þar sem hún var í gönguhópi í hlíðum Húsfells, suðaustur af Hafnarfirði í fyrradag.

Leiðbeinendur í vinnuskólanum leggja niður vinnu í dag

Hundrað og þrjátíu leiðbeinendur hjá Vinnuskóla Reykjavíkur ætla að leggja niður störf í hádeginu í dag og halda niður í ráðhús, til að fylgja eftir kröfum sínum um launaleiðréttingu.

Fimm ferðamenn sluppu vel úr umferðaróhappi

Fimm erlendir ferðamenn sluppu ótrúlega vel, að sögn sjónarvotta, þegar þeir misstu stjórn á bíl sínum á Uxahryggjarvegi um kvöldmatarleitið í gærkvöldi með þeim afleiðingum að bíllinn fór útaf og endastakkst

Dópuð kona ók á brúarstólpa

Kona sem var svo vönkuð af lyfjaáti að hún stóð vart í fæturna, missti stjórn á bíl sínum og ók honum á brúarstólpa í nótt, þar sem Krókháls liggur undir Suðurlandsveginn.

Lögreglan leitar að þremur handrukkurum

Lögreglan leitar enn þriggja manna , sem grunaðir eru um að hafa misþyrmt manni, sem færður var af heimili sínu í Hafnarfirði aðfararnótt sunnudags og fluttur upp í Heiðmörk. Talið er að um handrukkun hafi verið að ræða.

Lundaveiðin framlengd til 15. ágúst

Bjargveiðifélag Vestmannaeyja ákvað á fundi sínum í gærkvöldi að framlengja lundaveiðitímann til fimmtánda ágúst,en til stóð að veiðitímabilinu lyki um mánaðamótin.

Tvö þúsund manns á skátamóti á Akureyri

Um tvö þúsund manns eru á Landsmóti skáta að Hömrum á Akureyri en þáttakendur koma frá fjórtán löndum.

Bílvelta skammt frá Þingvöllum

Bíll með fjórum mönnum valt á Uxahryggjaleið, skammt frá Þingvöllum, fyrir stundu. Að sögn lögreglunnar á Selfossi er ekki talið að alvarleg slys hafi orðið á fólki. Lögreglan gat ekki gefið frekari upplýsingar um málið að svo stöddu.

Hrossaþjófur felldur með DNA sýni

Þegar Sæunn Oddsdóttir á Steinum í Stafholtstungum lánaði hann Baldur sinn til hestaferðar, átti hún ekki von á öðru en hún fengi hann aftur eftir nokkra daga. Síðan eru liðin þrjú ár.

Bilun í hreyfli Boeing 757 vélar Icelandair - lenti án vandræða

Boeing 757 vél Icelandair á leið til New York var nýfarin í loftið þegar henni var snúið við. Flugmálastjórn á Keflavíkurflugvelli fékk tilkynningu um bilun í hreyfli vélarinnar, en um 170 manns voru um borð.

Sleppt eftir handtöku vegna handrukkunar í Heiðmörk

Rúmlega tvítugum karlmanni sem handtekinn var í tengslum við handrukkun í Heiðmörk í nótt hefur verið sleppt. Að sögn lögreglu var hann yfirheyrður en málið er enn í rannsókn. Það var um tvö leytið í nótt sem alblóðugur maður bankaði upp á í verslunarmiðstöðinni Kauptúni í Garðabæ.

Handtökur í Keflavík: Segja manninn hafa dottið

Vísir sagði frá því í gær að fjölmennt lögreglulið með aðstoð sérsveitar ríkislögreglustjóra hefði ráðist inn í samkvæmi í Keflavík um sex leytið í gærmorgun. Þar voru átta handteknir eftir að maður fannst illa leikinn fyrir utan samkvæmið. Jón Þór Karlsson varðstjóri hjá lögreglunni á Suðurnesjum segir að samkvæmið hafi verið fjölmennt og þar inni hafi verið menn sem réttast sé að nálgast með varúð. Ekki er talið að um uppgjör í fíkniefnaheiminum sé að ræða.

Leiðbeinendur í unglingavinnu í vinnustöðvun

Leiðbeinendur við Vinnuskólann eru um 160 talsins. Með þessri vinnustöðvum vilja þeir leggja áherslu á ranglæti sem þeir segjast vera beittir þar sem þeir séu skráðir í rangan launaflokk.

Annríki á Mærudögum á Húsavík

Nokkur erill var hjá lögreglunni á Húsavík í nótt. Nú standa þar yfir Mærudagar og telur lögreglan að fimm til sex þúsund manns hafi verið í bænum um helgina.

TF Líf sótti slasaða konu í Flatey

TF Líf, þyrla Landhelgisgæslunnar, var fyrir stundu að taka á loft frá Flatey þar sem hún sótti slasaða konu sem þarf að komast undir læknishendur.

Alblóðugur eftir handrukkun í Heiðmörk

Um tvö leytið í nótt bankaði alblóðugur maður maður upp á í verslunarmiðstöðinni Kauptúni í Garðabæ. Maðurinn hafði verið tekinn við heimili sitt og farið var með hann upp í Heiðmörk þar sem hann var laminn illa.

Lunda fækkar í Vestmannaeyjum

Lunda hefur fækkað svo í Vestmannaeyjum að ekki er talið víst að nóg veiðist til þess að seðja þjóðhátíðargesti þegar þar að kemur. Á vefsíðu Suðurlands segir frá því að á Sky sjónvarpsstöðinni hafi verið sagt frá vandamálum í breska lundastofninum á eyjunni Farne.

Á slysadeild eftir höfuðhögg í sumarbústað

Einn var fluttur á slysadeild eftir bílveltu á Bræðratunguvegi um kvöldmatarleytið í gær. Þá var annar maður fluttur á slysadeild rétt eftir miðnætti eftir að hann fékk skurð á hnakka. Maðurinn var í sumarbústað í Úthlíð og datt þegar hann var að standa upp frá borði.

Handtekinn fyrir að sparka í löggubíl

Lögreglan á Suðurnesjum handtók í nótt karlmann á þrítugsaldri eftir að hann sparkaði í lögreglubíl. Bílinn var að aka hægt niður Hafnargötu í Reykjanesbæ þegar maðurinn, sem var mikið ölvaður, sparkaði í bílinn.

Íbúar langþreyttir á kappakstri við Hringbraut

Kappakstur tveggja bíla eftir Hringbraut í nótt endaði með þriggja bíla árekstri. Íbúar eru orðnir langþreyttir á síendurteknum hraðakstri á Hringbrautinni og telja aðeins tímaspursmál hvenær alvarlegt slys hlýst af.

Sérsveitin handtók átta í Keflavík

Um klukkan sex í morgun var tilkynnt um liggjandi mann fyrir utan hús í Keflavík. Reyndist hann vera öklabrotinn og með töluverða áverka í andliti. Maðurinn hafði verið gestkomandi í húsi þar skammt frá. Var hann fluttur með sjúkrabifreið á slysadeild í Reykjavík.

Ótímabært að hafna eða samþykkja vinningstillögu LHÍ

Ólöf Guðný Valdimarsdóttir varaformaður skipulagsráðs Reykjavíkurborgar segir ótímabært að hafna eða samþykkja vinningstillögu að byggingu nýs Listaháskóla við Laugaveg. Í sama streng tekur fulltrúi Sjálfstæðisflokksins í ráðinu. Borgarstjóri fullyrðir að hún verði ekki samþykkt í skipulagsráði óbreytt.

Harður árekstur á Suðurlandsvegi

Nokkuð harður árekstur varð á Suðurlandsvegi á móts við Biskupstungnabraut um tvö leytið í dag. Samkvæmt upplýsingum frá lögreglunni á Selfossi rákust tveir bílar saman en í öðrum bílnum voru þrír og einn var í hinum bílnum.

Enginn hægagangur á máli Paul Ramses

Björn Bjarnason dóms- og kirkjumálaráðherra segir það ekki eiga við nein rök að styðjast að hægagangur sé á máli Keníamannsin Paul Ramses hjá ráðuneytinu.

Tillagan um LHÍ ekki samþykkt í óbreyttri mynd

Borgarstjóri segir tillögu um nýjan Listaháskóla Íslands í miðborg Reykjavíkur ekki verða samþykkta í skipulagsráði borgarinnar í óbreyttri mynd. Aðstandendur skólans segja að fullt tillit hafi verið tekið til sjónarmiða skipulagsyfirvald við gerð tillögunnar og að þeir treysti því að tillagan fái málefnalega umfjöllun í ráðinu.

Segist hafa talað kjarnyrta íslensku og vitnað í dóm Hæstaréttar

Agnes Bragadóttir segist hafa verið að tala kjarnyrta íslensku og vitna í dóm Hæstaréttar þegar hún lét ummæli falla um þingmanninn Árna Johnsen í þættinum „Í bítið á Bylgjunni“ fyrir skömmu. Fram hefur komið í fréttum að Árni íhugi að fara í meiðyrðarmál vegna ummælanna og er kominn með lögfræðing í málið.