Staðlað eyðublað vegna meðmælenda tilbúið

Dóms- og kirkjumálaráðuneytið hefur látið hanna staðlað eyðublað fyrir þá sem hyggjast safna meðmælendum fyrir forsetaframboð. Þetta kemur fram á vef dómsmálaráðuneytisins. Þar segir einnig að meðmælendur skuli rita með eigin hendi á eyðublaðið en tekið er fram að meðmæli séu gild þótt þau berist ekki á eyðublaðinu.

Ólafur Örn meðal þriggja sem komu til greina í starf ferðamálastjóra

Ólafur Örn Haraldsson, fyrrverandi forstjóri Ratsjárstofnunar og forseti Ferðafélags Íslands, var einn þeirra þriggja sem komu helst til greina í starf ferðamálastjóra en ráðið var í stöðuna á dögunum. Ársæll Harðarson, forstöðumaður markaðssviðs Ferðamálastofu, sem einnig var í þriggja manna hópnum, íhugar að leita eftir rökstuðningi iðnaðarráðherra fyrir ráðningunni.

Fimm sviptir ökuleyfi á staðnum með nýju öndunarsýnatæki

Fimm ökumenn í umdæmi lögreglunnar á Akranesi hafa verið sviptir ökuréttindum á staðnum eftir að lögreglan tók í notkun nýtt öndunarsýnatæki í byrjun desember.

Tíu mánaða fangelsi fyrir árás með straujárni

Héraðsdómur Reykjavíkur hefur dæmt karlmann í tíu mánaða fangelsi fyrir stórfelllda líkamsárás með því að hafa slegið annan mann ítrekað í höfuðið með straubolta og fleiri hlutum. Við þetta fékk fórnarlambið mar á heila, heilahristing, tvo skurði á höfði, 7-8 stórar markúlur á höfði, bólgur og mar á hægra auga. Þá brotnuðu þrjár tennur og sex losnuðu.

Býðst til að endurbyggja Laugaveg 4 og 6 á eigin kostnað

Anna Sigurlaug Pálsdóttir, dóttir Páls Samúelssonar, fyrrverandi eiganda Toyota-umboðsins, hefur boðist til að endurbyggja húsin við Laugaveg fjögur og sex á eigin kostnað.

Hafnarfjörður 100 ára

Hafnarfjarðarkaupstaður heldur upp á 100 ára afmæli sitt á þessu ári og verður því fagnað með fjölda viðburða sem kynntir verða á blaðamannafundi klukkan 13 í dag. Afmælisdagurinn er 1. júní en á þeim degi fyrir 100 árum fékk Hafnarfjörður kaupstaðaréttindi, þá var einnig fyrsti kjörfundurinn haldinn í Góðtemplarahúsinu.

Ekki fengist hærra verð fyrir karfa

Verð fyrir heilan ísaðan karfa af Íslandsmiðum hefur farið upp í 565 krónur fyrir kílóið á fiksmarkaðnum í Bremerhafen í Þýskalandi síðustu daga sem er langhæsta verð sem fengist hefur til þessa.

MND-félagið fær styrk frá heilbrigðisráðuneyti og Suðurnesjamönnum

Guðlaugur Þór Þórðarson heilbrigðisráðherra afhenti MND-félaginu styrk til starfsemi sinnar í gær, samtals um 500 þúsund krónur.

Ráðning ferðamálastjóra á skjön við þróun ferðaþjónustu

Félag háskólamenntaðra ferðamálafræðinga (FHF) telur ráðningu nýs ferðamálastjóra algjörlega á skjön við þróun íslenskra ferðaþjónustu undanfarin ár og ekki í takt við þarfir greinarinnar.

Vilja að ríkið hlusti á kröfur verkalýðshreyfingarinnar

Vinstri-grænir á Akureyri skora á ríkisstjórnina að koma myndarlega til móts við kröfur verkalýðshreyfingarinnar um aðgerðir til að bæta kjör tekjulægri hópa samfélagsins með hækkun skattleysismarka, hækkun barnabóta og auknum stuðningi við fólk vegna stóraukins húsnæðiskostnaðar.

Maðurinn sem lést í Tunguseli

Maðurinn sem lést í eldsvoða í fjölbýlishúsi við Tungusel í Reykjavík í morgun hét Hilmar Ragnarsson, Hann var 45 ára gamall úr Reykjavík og lætur eftir sig þrjú börn á aldrinum 6 til 15 ára. Kona og tveir drengir, sem bjuggu í íbúðinni þar sem eldurinn kom upp, björguðust.

Gasleki á Bragagötu

Slökkviliðið var kallað að húsi við Bragagötu í kvöld en þar lak gas úr gaskúti. Ekki er vitað hve margir voru í húsinu þegar lekinn kom upp, en fólkið yfirgaf húsið á meðan slökkviliðið kannaði aðstæður. Samkvæmt upplýsingum frá slökkviliðinu er ekki talið að mikil hætta hafi verið á ferðum.

Banaslysið í Reykjanesbæ enn í rannsókn

Farbann yfir karli, sem talið er að hafi ekið á fjögurra ára dreng í Reykjanesbæ í lok nóvember, með þeim afleiðingum að hann lést, rennur út á morgun. Eyjólfur Kristjánsson, hjá lögreglustjóranum á Suðurnesjum, segir að ákveðið verði í fyrramálið hvort farið verður fram á að farbannið verði framlengt.

Tíu nýir ABC sendiherrar

ABC barnahjálpin kynnti í dag tíu nýja sendiherrra samtakanna. Þetta er gert í tilefni af tuttugu ára afmæli samtakanna, en sendiherrunum er ætlað að kynna starfsemi samtakanna.

Von á reglum um gjafir til ráðamanna

Siðareglur alþingismanna verða settar á þessu kjörtímabili. Eins er verið að vinna að reglum um gjafir til ráðamanna í forsætisráðuneytinu. Aðstoðarmaður forsætisráðherra segir gjafir einkafyrirtækja til ráðamanna verðlitlar og táknrænar.

Tillögur viðskiptaráðherra ásættanlegar

Björgvin G. Sigurðsson viðskiptaráðherra kynnti í dag niðurstöður starfshóps sem hann skipaði í lok sumars um heimildir fjármálafyrirtækja til gjaldtöku.

Á 115 km hraða á Laugavegi

Tveir karlmenn, 18 og 22 ára, voru sviptir ökuréttindum til bráðabirgða aðfaranótt laugardags en þeir voru staðnir að hraðakstri á Laugavegi á móts við Bolholt.

Fluttur á sjúkrahús eftir árekstur á Glerárgötu

Maður var fluttur á sjúkrahúsið á Akureyri eftir árekstur jepplings og fólksbíls á Glerárgötu til móts við Borgarbraut á fjórða tímanum í dag.

Sex mánaða fangelsi fyrir árás í Garðastræti

Átján ára piltur var í Héraðsdómi Reykjavíkur í dag dæmdur í sex mánaða fangelsi, þar af þrjá mánuði skilorðsbundna í þrjú ár, fyrir alvarlega líkamsárás í Garðastræti á nýársnótt í fyrra.

Hraðþjónusta hjá Heilbrigðisstofnun Suðurnesja

Heilbrigðisstofnun Suðurnesja býður nú upp á sérstaka hraðþjónustu heilsugæslunnar á dagvinnutíma fyrir þá sem eiga við skammtímavanda að etja.

Fagnar því að seðilgjöld verði felld niður

Jóhannes Gunnarsson, formaður Neytendasamtakanna, fagnar því að fella eigi niður seðilgjöld og væntir þess að síðari skref sem stigin verða í tengslum við gjaldtöku banka og sparisjóða verði í þágu neytenda.

Bjargaði fjölskyldu rétt áður en hann dó - styrktarsöfnun hafin

Maðurinn sem lést í brunanum í Tunguseli í morgun vann mikla hetujdáð þegar hann bar vinkonu sínu og tvo syni hennar út úr brennandi íbúðinni.

Bíl ekið á ljósastaur á Skúlagötu

Bifreið ók á ljósastaur á Skúlagötu fyrir um hálftíma síðan. Tveir sjúkrabílar eru á vettvangi auk tækjabíls frá slökkviliði en ekki er vitað á þessari stundu hvort og hve margir hafi slasast í árekstrinum.

Hver er þessi Dabbi Grensás?

„Davíð Smári eða Dabbi Grensás eins og flestir þekkja hann, var einn hættulegasti gangsterinn á götunni forðum daga. Hann rúlaði Breiðholtinu eins vel og hann rúlaði Grensásveginum. Hann var þekktur fyrir að lemja þá sem fyrir honum urðu og voru það margir.“

Nærri 30 ára gamalt mjólkurframleiðslumet slegið rækilega

Nærri 30 ára gamalt met í mjólkurframleiðslu var slegið á síðasta ári þegar 126 milljónir lítra af mjólk voru framleiddar.

Fjórtán stöðvaðir fyrir að virða ekki stöðvunarskyldu

Lögreglan á Selfossi stöðvaði 14 ökumenn í síðustu viku fyrir að virða ekki stöðvunarskyldu við gatnamót.

Fjárhagsaðstoð borgarinnar hækkaði um áramót

Fjárhagsaðstoð Reykjavíkurborgar hækkaði um 4,2 prósent um síðustu áramót samkvæmt ákvörðun sem tekin var á fundi borgarráðs skömmu fyrir jól.

Árni Friðriksson til loðnuleitar í dag

Hafrannsóknaskipið Árni Friðriksson heldur í dag til loðnuleitar norðaustur af landinu þar sem fjögur skip hafa verið að veiðum síðan á föstudag.

Flutti þrisvar tillögu um siðareglur þingmanna

Jóhanna Sigurðardóttir félagsmálaráðherra flutti í þrígang tillögu á Alþingi um að settar yrðu siðareglur þingmanna - á meðan hún sat í stjórnarandstöðu. Sautján ár eru síðan Norðmenn settu slíkar reglur fyrir sína þingmenn.

Fellst ekki á flutning eða niðurrif húsa við Laugaveg

Forseti borgarstjórnar og oddviti meirihlutaflokks í borginni, Ólafur F. Magnússon, mun ekki fallast á flutning eða niðurrif húsanna á Laugavegi fjögur og sex.

Grindvíkingar fá nýtt björgunarskip

Grindvíkingar vígðu í gær nýtt björgunarskip sem ber sama nafn og fjögur fyrri björgunarskip bæjarins.

Seðilgjöld felld niður og FIT-kostnaður háður samningum

Starfshópur á vegum viðskiptaráðuneytisins leggur til að seðilgjöld verði felld niður, að takmarkanir verði á álagningu uppgreiðslugjalda og að óheimilt verði að innheimta svokallaðan FIT-kostnað nema það hafi stoð í samningi.

75 milljóna króna verkefni í Eþíópíu

Hjálparstarf kirkjunnar og Þróunarsamvinnustofnun Íslands hafa ákveðið að verja sameiginlega 75 milljónum íslenskra króna til þriggja ára verkefnis í einu fátækasta héraði Eþíópíu, Jijiga.

Íbúi í Tunguseli: Hélt að konan væri farin af stað

„Konan mín vakti mig upp en hún er komin á steypirinn, ég hélt því að allt væri farið af stað,“ segir íbúi í Tunguseli sem býr í næsta stigagangi við eldsupptökin þegar Vísir mætti í Tunguselið í morgun.

Sex manns fluttir á slysadeild eftir bruna í Tunguseli

Sex manns voru fluttir á slysadeild vegna gruns um reykeitrun í brunanum í Tunguseli í morgun. Slökkvilið lauk störfum um hálfáttaleytið en enn er allt á huldu um eldsupptök.

Gistinóttum fjölgaði um fjögur prósent í nóvember

Gistinóttum á hótelum á Íslandi fjölgaði um fjögur prósent í nóvember síðastliðnum miðað við sama mánuð árið áður. Nýjar tölur Hagstofunnar leiða í ljóst að gistinæturnar voru rúmlega 75 þúsund í nóvember í fyrra en rúmlega 72 þúsund í nóvember 2006.

Mikið annríki hjá slökkviliði í nótt

Fyrir utan eldsvoðannn í Tunguseli var mikið annríki hjá slökkviliði höfuðborgarsvæðisins í gærkvöldi og í nótt, við að sinna tuttugu útköllum.

Ákvörðun um Írafoss tekin í dag

Það ræðst væntanelga í dag hvar gert verður við Írafoss, flutningaskip Eimskips, sem missti stýrisbúnaðinn skömmu eftir brottför frá Neskaupstað í fyrrinótt.

Einn látinn og þrennt á slysadeild eftir eldsvoða í Tunguseli

Einn karlmaður er látinn og þrjár manneskjur liggja nú á Slysadeild Landsspítalans eftir að þær fengu reykeitrun þegar eldur kviknaði í íbúð á þriðju hæð í Fjölbýlishúsi við Tungusel í Reykjavík rétt um klukkan sex í morgun.

Bruni í fjölbýlishúsi: Grunur um íkveikju

Mikið tjón varð þegar eldur kviknaði í íbúð í fjölbýlishúsi við Neshaga í nótt. Talið er líklegt að um íkveikju hafi verið að ræða en eldurinn stofnaði lífi fjölda fólks í hættu. Árið 2006 var bensínsprengju kastað inn í þessa sömu íbúð.

Álfakóngur og álfadrottning á brennu á Valhúsahæð

Álfakóngur og álfadrottning leiddu brennu á Valhúsahæð á Seltjarnarnesi sem kveikt var í klukkan fimm í dag. Til stóð að kveikt yrði í brennunni á gamlársdag, því var frestað vegna veðurs og ákveðið að bíða með að kveikja í þar til í dag.

Líklegast tapað fé

Á aðeins einni viku tókst ungmennum á Akranesi að taka hátt í sex milljónir króna út af bankareikningi í leyfisleysi. Ekki eru taldar miklar líkur á að peningarnir skili sér til baka en ungmennin notuðu þá meðal annars til að borga fíkniefnaskuldir.

Óttast óvissu á vinnumarkaði

Framkvæmdastjóri Alþýðusambandsins óttast óvissu á vinnumarkaði samþykki stjórnvöld ekki auka persónuafslátt fyrir lágtekjufólk. Hann kallar eftir skýrum svörum frá stjórnvöldum og segir lítinn tíma til stefnu.

Fjöldi ökumanna skeytti engu um stórslasaðan mann við þjóðveginn

Karlmaður á áttræðisaldri slasaðist illa um klukkan hálf fjögur í dag þegar hann datt fram fyrir sig. Maðurinn var á gangi skammt sunnan við Borgarnes og náði ekki að bera hendur fyrir andlit sitt. Hann hlaut nokkra stóra skurði til að mynda á enni, við auga og á nefi. Honum blæddi mikið.

Samfylkingin ályktar um boranir

Stjórn Samfylkingarinnar í S- Þingeyjarsýslu og sveitarfélaginu Norðurþingi sendi í dag frá sér ályktun þar sem þeim árangri sem náðst hefur við boranir á jarðvarmaorku við Kröflu,Þeistarereyki og Bjarnaflagi er fagnað.