Fimm hryðjuverkamenn á lífi

Fimm hryðjuverkamenn, sem réðust á gasvinnslustöðina í Alsír á miðvikudaginn, eru lifandi og í haldi alsírskra yfirvalda. Þetta kemur fram á BBC í dag.

Styrktarfélag krabbameinssjúkra barna lýsir yfir þungum áhyggjum

Stjórn Styrktarfélags krabbameinssjúkra barna lýsir þungum áhyggjum af þeirri stöðu sem yfirvofandi er vegna uppsagna hjúkrunarfræðinga á Landspítalanum almennt og Barnaspítala Hringsins sérstaklega. Þetta kemur fram í ályktun frá stjórn Styrktarfélags krabbameinssjúkra barna.

Rændi bíl af öldruðum manni með ofbeldi - lést örfáum dögum síðar

"Hann var skilinn eftir slasaður úti á götu, tvær konur fundu hann og hringdu svo á lögguna í Kópavogi," lýsir dóttir 76 ára karlmanns sem kærðir rán á laugardaginn fyrir viku síðan. Maðurinn fannst látinn um fjórum dögum síðar á heimili sínu.

Dagur styður Guðbjart í formanninn

Dagur B Eggertsson fráfarandi varaformaður Samfylkingarinnar styður Guðbjart Hannesson velferðarráðherra í embætti formanns flokksins.

Flensutoppnum ekki náð segir sóttvarnarlæknir

Heldur hefur dregið úr fjölgun flensutilfella hér á landi en þrátt fyrir það hefur toppnum þó ekki verið náð segir sóttvarnalæknir.

Vitni að upphafi eldgossins - sáu jörðina rifna upp

Vestmannaeyingarnir Hjálmar Guðnason og Ólafur Gränz urðu þann 23. janúar árið 1973 vitni að því þegar gossprungan opnaðist austast á Heimaey og stóðu þeir aðeins um 200 metra frá jarðeldinum.

Ung kona hrækti á lögreglumann

Ung kona hrækti á lögreglumann og gaf upp rangt nafn þegar bifreið hennar var stöðvuð í Hafnarfirði rétt rúmlega sjö í morgun.

Batmobile fór á 596 milljónir

Hinn upprunanlegi Batmobile seldist á uppboði í Bandaríkjunum í gær fyrir 4.620.000 dollara, eða tæpar 600 milljónir króna. Bíllinn er frá árinu 1966. Seljandinn er sá sem breytti þessum Lincoln Futura Concept í Batmobile fyrir Batman sjónvarpsþætti og leikarinn Adam West ók um á í Gotham og eltist við illmenni. Eigandinn heitir George Barris og hefur átt bílinn alveg frá upphafi. Hann keypti Lincoln bílinn af Ford, sem framleiðir Lincoln bíla, árið 1965 á 1 dollar, hvernig sem hann fór að því. Hann hefur því ávaxtað pund sitt vel, eða dollar öllu heldur og næstum fimm milljónfaldað hann. Hann fer því vafalaust hlæjandi í bankann á morgun og leysir út tékkann stóra. Bíllinn seldist á Barrett-Jackson bílauppboðinu í Scottsdale í Arizona. Lincoln bíllinn er af árgerð 1955 og er einmitt með réttu stílhrifin af bílum þess tíma, ógnarstór og með "vængi“. Barris fékk aðeins þrjár vikur og 15.000 dollara til þess að breyta bílnum árið 1965 fyrir tökur á Batmanþáttunum og tókst bara ágætlega til.

Tilræðismaðurinn nafngreindur - notaði líklega gasbyssu

Búið er að nafngreina tilræðismanninn sem miðaði byssu á höfuð búlgarska stjórnmannsins Ahmed Dogan, en eins og kunnugt er hljóp ekki skot úr byssu mannsins, og því slapp Dogan með skrekkinn.

Vilborg flogin frá Suðurpólnum - fékk kampavín og hátíðarkvöldverð

Vilborg Arna Gissurardóttir var sótt á Suðurpólinn í gær og dvelur hún nú í Union Glacier-tjaldbúðunum á Suðurskautslandi. Flugið tók um 5 og hálfan tíma og var hún samferða nokkrum pólförum frá Suður-Afríku.

Gunnar Nelson og Mjölnir fengu verðlaun

Gunnar Nelson og Mjölnir mokuðu til sín verðlaunum á uppskeruhátíð Cage Contender í Dublin í gærkvöld.

Minnst þrír Bretar drepnir - óttast að þrír til viðbótar hafi látið lífið

Bresk yfirvöld hafa staðfest að þrír Bretar hafi verið drepnir og þrír til viðbótar taldir af eftir umsátrið í gasvinnslustöð í Almenas í Alsír síðustu daga.

Obama sver embættiseiðinn í dag

Barack Obama sver í dag embættiseið fyrir annað kjörtímabilið sitt sem forseti Bandaríkjanna við litla athöfn í Hvíta Húsinu.

Sparkaði í andlitið á lögregluþjóni

Ölvaður karlmaður sparkaði í andlit lögreglumanns í nótt og þurfti sá að leita sér aðhlynningar á slysadeild.

Verkfall í Belgíu skaðar Ford

Áætlanir Ford að loka verksmiðju sinni í Genk í Belgíu á næsta ári leiddu til þess að starfsmenn hafa lagt niður vinnu í 3 mánuði og enginn bíll hefur komið frá verksmiðjunni frá því 24. október. Í verksmiðjunni voru smíðaðir Ford Mondeo, S-Max og Galaxy. Ford hefur ekki ennþá tekist að semja við starfmennina og verkalýðsfélag þeirra og ítrekuð tilraun þeirra í síðustu viku bar engan árangur. Hamlar þetta verulega afhendingu á þessum bílgerðum. Ford ætlar líka að loka verksmiðju sinni í Southampton í Bretlandi og með því fækkar starfsmönnum Fod um 6.200 starfmenn eða um 13% starfsmanna Ford í Evrópu. Eru þetta viðbrögð Ford við minnkandi sölu bíla þeirra í álfunni og viðleitni þeirra til að stöðva viðvarandi tap fyrirtækisins þar. Stefnir í að Ford tapi 193 milljörðum króna árin 2012 og 2013 á rekstri sínum í álfunni. Ef allt væri eðlilegt í Genk væru þar framleiddir 1.000 bílar á dag.

Maðurinn fundinn - umfangsmikilli leit lokið

Björgunarsveitir Slysavarnafélagsins Landsbjargar hafa fundið manninn sem leitað var á Esju síðan síðdegis í dag. Var hann staddur efst í Gunnlaugsskarði og í ágætu ástandi miðað við aðstæður. Björgunarmenn eru nú að fylgja honum niður af fjallinu.

Hulunni svipt af hryllilegu dýraníði

Dýraverndunarsinnar í hópnum Hillside kom upp um andstyggilegt dýraníð í sláturhúsi í Bretlandi á dögunum. Eftir átta vikna rannsókn tókst þeim að góma tvo menn sem misþyrmdu hestum á ófyrirleitinn hátt.

Viðskiptavinur í Dalvík 30 milljónum ríkari

Það er hugsanlega Dalvíkingur sem er rúmlega 30 milljón krónum ríkari, en vinningsmiðinn í Lottói var seldur í verslun N1 í Dalvík.

Mannshvörfin fá sterk viðbrögð

"Ég hef fengið afskaplega sterk viðbrögð. Þetta er átakanlegt mál og fólki fannst mjög erfitt að horfa á þetta," segir sjónvarpskonan Helga Arnardóttir sem gerir þáttinn Mannshvörf á Íslandi.

Fyrrverandi sendiherra: Stígið varlega til jarðar í samskiptum við Kína

Einn reyndasti sendiherra Íslands segir að stjórnvöld eigi að stíga varlega til jarðar í samskiptum sínum við Kínverja sem á síðustu árum hafi stóraukið umsvif sín á Norðurslóðum.

Maðurinn á Esju enn ófundinn - leitarskilyrði með versta móti

Nú fyrir skömmu náðist símasamband við manninn sem villtur er á Esju samkvæmt upplýsingum frá Landsbjörg. Það varði þó stutt en hann gat komið þeim upplýsingum til stjórnenda leitarinnar að hann væri staddur á flatlendi.

Mikill meirihluti þjóðarinnar vill leyfa olíuvinnslu á Drekasvæðinu

Áttatíu prósent landsmanna eru fylgjandi því að stjórnvöld leyfi olíuvinnslu á Drekasvæðinu. Ný skoðanakönnun Stöðvar 2 og Fréttablaðsins sýnir einnig að á meðal kjósenda VG er stuðningurinn rúm sextíu prósent.

Með hundrað grömm af kókaíni innvortis

Tæplega þrítugur íslenskur karlmaður var handtekinn í Flugstöð Leifs Eiríkssonar vegna gruns um að hann væri með fíkniefni innvortis.

Ótrúlegt tilræði - byssan brást á sviðinu

Búlgarski stjórnmálamaðurinn Ahmed Dogan er líklega einn sá heppnasti þessa vikuna, en maður sem hugðist myrða hann á sviði, þar sem Dogan hélt ræðu, mistókst, eingöngu vegna þess að byssan sem hann beindi að höfði Dogan brást.

Göngumaður villtur á Esjunni

Björgunarsveitir af höfuðborgarsvæðinu eru nú að hefja leit að göngumanni sem er villtur á Esju.

Sóttu fótbrotna konu á Skarðsheiði

Þyrla Landhelgisgæslunnar sótti konu sem fótbrotnaði á göngu á Skarðsheiði, milli Hvalfjarðar og Borgarness, um klukkan eitt í dag.

Þrumur og eldingar frá Hellisheiði til Vestmannaeyja

Þrumuveður hefur verið í dag við Vestmannaeyjar en alls hafa tólf til þrettán eldingar mælst á þar til gerðum mælum Veðurstofu Íslands í dag.

Stálu meðal annars þvottavél

Tvö þjófnaðarmál voru nýverið tilkynnt til lögreglunnar á Suðurnesjum. Fyrri tilkynningin var þess efnis að farið hefði verið inn í geymsluhúsnæði í umdæminu og þaðan stolið þvottavél og brettatjakki.

Spændi upp sleðabrekku

Lögreglunni á Suðurnesjum var tilkynnt um að bifreið sæti föst í sleðabrekku í þéttbýli í umdæminu.

Framboðslisti Samfylkingarinnar í Suðurkjördæmi samþykktur

Kjördæmisráð Samfylkingarinnar í Suðurkjördæmi samþykkti með lófataki framboðslista flokksins í komandi alþingiskosningum á kjördæmisþingi sem nú stendur yfir í Tryggvaskála í Árborg.

Sjö gíslar teknir af lífi

Hryðjuverkamenn tóku sjö gísla af lífi áður en alsírskir hermenn lögðu til atlögu við þá í gasvinnslustöðinni Almenas í hádeginu í dag samkvæmt BBC.

Útifundur um stjórnarskrármálið á Austurvelli

Raddir fólksins standa fyrir útifundi í dag um stjórnarskrármálið á Austurvelli. Á fundinum munu þeir Illugi Jökulsson, sem sat í stjórnlagaráði, og Sigríður Ólafsdóttir, lífefnafræðingur, halda tölu auk þess sem Svavar Knútur mun flytja lög.

Níu gíra sjálfskiptingar hjá Chrysler

Þrjár gerðir Chrysler bíla fá 9 gíra sjálfskiptingar í ár og verða slíkar skiptingar settar í 200.000 bíla strax á þessu ári. Bílgerðirnar eru Chrysler 200, Dodge Dart og Jeep Liberty, en Dodge og Jeep merkin eru hluti af Chrysler. Verður Jeep Liberty fyrstur hann bílanna til að fá þessa nýja fjölgíra skiptingu og verður hann strax til sölu á öðrum ársfjórðungi. Svo margra gíra sjálfskipting er nýlunda í ódýrari gerðum bíla, en hún á stuðla að minnkandi eyðslu þeirra. Chrysler er í eigi Fiat og forstjóri Fiat segir að þessi sjálfskipting sé framtíðin fyrir framhjóladrifna og fjórhjóladrifna bíla fyrirtækisins. Chrysler gekk mjög vel á liðnu ári og seldi 1,65 milljón bíla og jók söluna um 21%. Það er annað en hægt er að segja um móðurfyrirtækið Fiat sem seldi færri bíla en árið á undan. Ekki kemur fram hvort til standi að þessar 9 gíra sjálfskiptingar verði einnig settar í bíla Fiat.

Flensulyfið Tamiflu illfáanlegt - eykur á vanda Landspítalans

Óvissustig ríkir enn á Landspítalanum vegna inflúensu, Nóró- og RS vírusfaraldra. Lyfjafræðingur telur að vandann megi að hluta rekja til þess að flensulyfið Tamiflu hefur verið illfáanlegt á landinu.

ESB og Noregur skammta sér yfir 90% af makrílkvótanum

"Það veldur miklum vonbrigðum að Evrópusambandið og Noregur hafi einhliða skammtað sér tæplega 490 þúsund tonna makrílkvóta fyrir árið 2013, eða ríflega 90% af ráðlagðri heildarveiði úr makrílstofninum,“ segir í yfirlýsingu frá Steingrími J. Sigfússyni atvinnuvega- og nýsköpunarráðherra um niðurstöðuna af samningum ESB og Norðmanna um makrílkvóta í ár.

Skóflu kastað inn um glugga

Óprúttinn aðili virðist hafa kastað skóflu inn um glugga á á heimili í miðborginni. Samkvæmt tilkynningu frá lögreglu átti atvikið sér stað skömmu fyrir klukkan sex í morgun.

Fundu skýr ummerki um stórfljót á Mars

Evrópska geimvísindastofnunin (ESA) hefur tilkynnt að hún hafi fundið skýr ummerki eftir nær 1.600 kílómetra langt stórfljót á Mars.

Neyðarmóttaka vegna nauðgana ekki í símaskránni

"Neyðarmóttaka vegna nauðgana er ekki í símaskránni undir ja.is. Konum þarf sjálfum að detta í hug að hringja á Landspítalann til þess að leita hana uppi.

Sýnishorn úr næstu þáttaröð Top Gear

Eftir heilt ár án nýrra þátta af Top Gear er nú ekki nema vika í að nýjasta þátttaröð breska þríeykisins hefjist á BBC 2. Til að auka spennuna hefur BBC útbúið örlítið brot úr þáttunum blandað viðbrögðum þeirra kvenna sem sjá um fataþvott þáttastjórnendanna. Í myndskeiðinu sést Jeremy Clarkson flýja skothríð orustuflugvélar á Lexus LFA, Richard Hammond gera heiðarlega tilraun til að eyðileggja Subaru WRX í hitabeltisskógi og alla þáttastjórnendurna leika risarúbbý á ódýrum bílum.

Miklar truflanir á flugferðum frá Heathrow vegna óveðurs

Slæmt veður og mikil snjókoma hefur valdið miklum truflunum á flugferðum til og frá Heathrow flugvelli í London.

Krapi á vegum og hálkublettir víða

Á Hellisheiði og Mosfellsheiði er krapi á vegum en hálkublettir eru á Sandskeiði og hálka í Þrengslum.

Fyrrum borgarstjóri New Orleans kærður fyrir mútur og fjársvik

Ray Nagin fyrrum borgarstjóri New Orleans hefur verið ákærður fyrir mútur, fjársvik, peningaþvætti og skattsvik.

Enn óvist um afdrif sex Norðmanna í Alsír

Enn er óvíst um afdrif á milli 20 og 30 vestrænna gísla, þar á meðal sex Norðmanna, sem eru í haldi íslamistanna í gasvinnslustöðinni Almenas í Alsír.

Tunnulaga klumpa af svínafeiti rak á land í Skotlandi

Sjaldséða hluti rak upp í fjöru í héraðinu Angus á austurströnd Skotlands í vikunni.

Maður fannst meðvitundarlaus í miðbænum

Lögreglan á höfuðborgarsvæðinu hafði í nógu að snúast í gærkvöldi og nótt. Talsvert vvar um útköll vegna ölvunar og hávaða og óláta í heimahúsum.