Hjónin Brynjar og Arnfríður sækja um stöðu hæstaréttardómara

Hjónin Arnfríður Einarsdóttir héraðsdómari og Brynjar Níelsson hæstaréttarlögmaður eru bæði á meðal umsækjenda um embætti tveggja dómara við Hæstarétt Íslands, sem auglýst voru laus til umsóknar í byrjun júlí. Alls bárust sjö umsóknir um embættin en umsóknarfrestur rann út 1. ágúst. Auk hjónanna eru á meðal umsækjenda þeir Benedikt Bogason og Helgi I. Jónsson, en þeir eru báðir settir hæstaréttardómarar.

Fólk gengur kaupum og sölum

Mansalsglæpir eru glæpir sem eru "okkur öllum til skammar" að mati Sameinuðu þjóðanna. Margt hefur áunnist í baráttunni gegn þeim á alþjóðavísu, en betur má ef duga skal. Magnús Halldórsson kynnti sér gögn sem UNODC, stofnun Sameinuðu þjóðanna sem berst gegn skipulagðri glæpastarfsemi, hefur tekið saman um mansal.

Grunur um íkveikju í Arnari

Grunur leikur á að kveikt hafi verið í Arnari ÁR-55 í Þorlákshöfn í gærmorgun. Lögreglan á Selfossi sem rannsakar brunann leitaðið til tæknideildar lögreglunnar á höfuðborgarsvæðinu og leiddi sú rannsókn í ljós að um íkveikju væri að ræða. Eldurinn kom upp í svampdýnu sem staðsett var í vinnslurými bátsins. Allir þeir sem orðið hafa varir mannaferða á bryggjum hafnarinnar, fótgangandi á bílum eða á annan máta, eða annars staðar í Þorlákshöfn á tímabilinu frá kl. 04:00 til 07:30 í gærmorgun eru beðnir að hafa samband við lögreglu í síma 480 1010.

Ekki tímabært að ræða hækkun á leigu

"Ég held að það sé ekki tímabært að ræða hækkun á leigu," segir Katrín Jakobsdóttir, mennta- og menningarmálaráðherra um þær hugmyndir sem reifaðar eru í Fréttablaðinu í dag um að Íslenska óperan og Sinfóníuhljómsveit Íslands greiði hærri leigu fyrir afnot af Hörpu. Þannig sé hægt að bregðast við rekstrarvanda Hörpunnar en eins og komið hefur fram í fréttum er gert ráð fyrir að rekstrartap Hörpu verði 407 milljónir á árinu.

Íslendingar eru hæstir á ÓL

Samkvæmt breska tímaritinu The Guardian eru íslensku Ólympíufararnir hæstir allra en meðalhæð þeirra 1.9 metrar. Vafalaust má þakka handboltalandsliðinu fyrir þann heiður.

Crowe ekki hrifinn af brennivíni

Tökur á stórmyndinni um Nóa og örkina hans fara fram í Reynisfjöru í dag. Leikstjóri myndarinnar birti í gær mynd sem tekin var í fjöruborðinu.

Fara fram á þriggja ára fangelsi

Saksóknarar í Rússlandi hafa farið fram á að þrír meðlimir pönkhljómsveitarinnar Pussy Riot verði dæmdir í þriggja ára fangelsi fyrir guðlast.

Loughner fyrir dómara í dag

Talið er að hinn 23 ára gamli Jared Loughner muni taka afstöðu til ákæra á hendur sér í dag. Loughner er grunaður um að hafa myrt sex á götuhorni í Tuscon í Bandaríkjunum á síðasta ári.

Curiosity streymir myndum frá Mars

Fyrstu myndir frá snjalljeppanum Curiosity sem nú situr á yfirborði Mars hafa verið birtar. Um er að ræða 300 ljósmyndir sem sýna lendingu farsins í Gale-gígnum, nokkuð suður af miðbaug plánetunnar. Á næstu dögum mun Curiosity senda nákvæmari myndir af lendingarstað sínum.

Harmleikur í Nígeríu

Að minnsta kosti 15 létust þegar vígamenn hófu skotárás á kirkju í Nígeríu í nótt. Árásin átti sér stað í miðju bænahaldi. Líkleg þykir að múslímskir liðsmenn samtakanna Boko Haram hafi staðið að baki voðaverkinu.

Eldur af völdum flugeldatertu í Heiðmörk

Eldur kviknaði í gróðri í Heiðmörk í gærkvöldi, af völdum flugeldatertu. Eldurinn logaði nokkuð langt frá veginum þannig að slökkviliðsmenn þurftu að leggja langar slöngur til að koma vatni á vettvang, en úr því gekk slökkvistarf vel.

Hljóp að vígamanni með bitlausum hníf

Stjórnandi bænahúss Síka í Wisconsin í Bandaríkjunum bjargaði lífi fjölda barna og kvenna þegar Wade Michael Page hóf skotárás á hofið.

Ólíklegt að Rice verði varaforsetaefni

Leiðtogar Repúblikanaflokksins í Bandaríkjunum tilkynntu í gær Condoleezza Rice, sem áður gegndi embætti utanríkisráðherra í ríkisstjórn Georg W. Bush, myndi ávarpa fundargesti á ráðstefnu flokksins í Flórída seinna í þessum mánuði.

Þúsundir flýja heimili sín í Manila

Tugþúsundir hafa þurft að yfirgefa heimili sín í Manila, höfuðborg Filippseyja, í kjölfar mikilla flóða. Öllum skólum og verslunum í borginni hefur verið lokað.

Fyrirmynd Mount Doom gýs

Miklar tafir hafa orðið á flugi og öðrum samgöngum eftir að eldgos hófst í fjallinu Tongariro á Nýja-Sjálandi í nótt. Rúm öld er liðin síðan eldfjallið gaus síðast.

Fall Assads tímaspursmál

Dagar Bashar al-Assads, forseta Sýrlands, á valdastóli eru taldir að mati stjórnvalda í Bandaríkjunum. Talsmaður ríkisstjórnar Barack Obama sagði í gær að flótti forsætisráðherra landsins úr landi beri vitni um vanhæfni forsetans til að stjórna landinu.

Margir héldu til veiða í nótt

Mörg fiskiskip héldu til veiða í nótt, en þó var heldur minni kraftur í strandveiðibátum en oft áður. Nú má aðeins veiða á þremur svæðum af fjórum, þar sem búið er að stöðva veiðar á svæðinu frá Snæfellsnesi inn í Ísafjarðardjúp þar sem kvótinn er búinn.

Þjóðhátíðargestir komnir í land

Herjólfur sigldi með þjóðhátíðargesti til lands langt fram á nótt, eða þar til hann var bundinn við bryggju í Eyjum klukkan fjögur.

Afsláttur í takt við stórsigur

Atlantsolía ætlar að fara að fordæmi Olís, og dótturfélagsins ÓB og veita 17 króna afslátt af bensínverði í dag, eftir 17 marka stórsigur íslenska handboltaliðsins á því breska í gær.

Landinn hélt rólegur heim úr fríinu

Ekki er vitað um nein slys eða óhöpp þrátt fyrir mikla umferð víða um land í gær og fram á kvöld. Umferðin dreifðist óvenju vel að sögn lögreglu, því margir lögðu snemma af stað heimleiðis, og þó nokkrir voru ekki á ferðinni fyrr en eftir að umferðarþunginn er að jafnaði mestur, enda blíðviðri um allt land.

Ferðamenn bíða í röð við leiði Fischers

Það er ekki hægt að segja annað en að það sé töluverð umferð. Það eru alltaf þó nokkrir bílar og ein til tvær rútur á dag sem koma við,? segir Halldór Þórarinsson, sem býr að Laugardælum. Leiði Bobby Fischers er orðinn vinsæll áfangastaður ferðamanna.

Skotmaður líklega tengdur hvítum öfgamönnum

Svo virðist sem maðurinn sem myrti 6 og særði 4 í skotárás í Wisconsin í Bandaríkjunum á sunnudag hafi verið tengdur hreyfingu hægri öfgamanna. CNN hefur eftir upplýsingum frá lögreglunni að Wade Michael Page gæti hafa verið tengdur samtökum sem berjast fyrir yfirburðum hvíta kynstofnsins.

Madonna vill frelsun Pussy Riot

Poppstjarnan Madonna hvetur yfirvöld í Rússlandi til þess að fella niður kærur á hendur meðlimum pönkhljómsveitarinnar Pussy Riot.

Vilja að sinfónían og óperan greiði tvöfalt hærri húsaleigu

Stjórnendur Hörpu vilja að greiðslur frá Sinfóníuhljómsveit Íslands og Íslensku óperunni vegna nýtingar þeirra á aðstöðu í húsinu verði hækkaðar úr 170 milljónum króna á ári í 341 milljón króna. Með því á að bæta rekstur hússins.

Kastaði flösku að hlaupurunum

Maður kastaði flösku inn á Ólympíuvöllinn í London á sunnudag, í þann mund sem keppendur í úrslitum 100 metra hlaups karla voru að taka af stað. Um bjórflösku úr plasti var að ræða og sakaði hún engan.

Stefnir í bótakröfumál á báða bóga

Harðar deilur standa nú á milli sveitarfélaga á Suður- og Austurlandi og ferðaþjónustufyrirtækisins Bíla og fólks. Nú hefur Samband sveitarfélaga á Austurlandi (SSA) látið setja lögbann á akstur fyrirtækisins milli Egilsstaða og Hafnar og í júlíbyrjun fóru Samtök sveitarfélaga á Suðurlandi (SASS) fram á lögbann á akstur fyrirtækisins þar. Það var samþykkt en þó ekki fylgt eftir.

Páll og Tryggvi hætta í Þjóðhátíðarnefnd

Þeir Páll Scheving Ingvarsson, formaður Þjóðhátíðarnefndar ÍBV, og Tryggvi Már Sæmundsson, framkvæmdastjóri ÍBV, hyggjast ekki gefa kost á sér til áframhaldandi setu í nefndinni. Var þetta tilkynnt eftir brekkusönginn í Herjólfsdal á sunnudag sem er hápunktur Þjóðhátíðar hvert ár. Greindi RÚV frá því í gær að þeir Páll og Tryggvi efuðust um að þeir nytu fulls trausts og velvildar samfélagsins í Eyjum til að stýra hátíðinni áfram.

Bæjarfulltrúi ekki aðili að skuldamáli Mosfellsbæjar

StjórnsýslaInnanríkisráðuneytið hefur vísað frá kæru Jóns Jósefs Bjarnasonar, fulltrúa minnihluta Íbúahreyfingarinnar í bæjarstjórn Mosfellsbæjar, vegna afgreiðslu bæjarráðs á skuldamáli. Ráðuneytið segir bæjarfulltrúa ekki hafa kærurétt þar sem hann eigi ekki aðild að málinu. "Mér finnst þetta út í hött. Ráðuneytið á að verja lýðræðið og með þessu eru þeir að standa gegn því. Þeir eru að taka af bæjarfulltrúunum réttinn til að setja fram formlega skoðun á málinu," segir Jón.

Alþjóðleg leit að norskri stúlku

Ítarleg leit var gerð að 16 ára stúlku í Ósló um helgina. Stúlkan hefur enn ekki fundist og er hennar nú einnig leitað á alþjóðlegum vettvangi. Um 500 sjálfboðaliðar leituðu á landi í gær, ásamt lögregluliði og leitarhundum. Kafarar hafa leitað í vatni í nágrenninu og þyrlur leitað stúlkunnar úr lofti. Þetta kemur fram á vef norska ríkisútvarpsins.

Við spilum í úrvalsdeildinni

Á dögunum var Lava frá Brugghúsinu í Ölvisholti valinn besti bjórinn í flokki reyktra bjórtegunda á Opna bandaríska bjórmótinu. Hólmfríður Helga Sigurðardóttir og Vilhelm Gunnarsson ljósmyndari heimsóttu bruggmeistarann Jón Elías Gunnlaugsson á æskuslóðirnar í Ölvisholti og komust að því að hann hefur sett sér háleitt framtíðarmarkmið: Að búa til besta bjór í heimi.

Pussy Riot vilja að mál gegn þeim verði fellt niður

Stúlkurnar úr rússnesku pönkhljómsveitinni Pussy Riot vilja að mál gegn þeim verði fellt niður á þeim grundvelli að dómstóllinn sé pólitísk hlutdrægur og hlusti ekki á þeirra sjónarmið.

Hefur líf þróast annars staðar en á jörðinni?

Við erum skrefi nær því að geta svarað þeirri spurningu hvort líf hafi þróast annarsstaðar en á Jörðinni. Þetta segir rektor Háskólans í Reykjavík um lendingu geimjeppans Curiosity sem lenti á Mars í morgun. Sjálfur starfaði hann í áratug hjá NASA og finnst hann eiga svolítið í tækinu.

Komu akandi til að blása

Umferðin um landið hefur gengið vel í dag. Fjölmargir hafa nýtt sér þá þjónustu lögreglunnar að fá að blása í áfengismæli áður en lagt er af stað. Þá er talið að umferðin þyngist með kvöldinu.

Fjöldi þeirra sem hafa verið atvinnulausir í 12 mánuði áhyggjuefni

Fjöldi þeirra sem hefur þegið bætur í 12 mánuði eða lengur er áhyggjuefni að mati forstjóra Vinnumálastofnunar. Þá er ekki útilokað að atvinnuleysið aukist aftur í haust þegar tímabundnum aðgerðurm stofnunarinnar lýkur en atvinnuleysi mælist nú 5,2 prósent.

Myndir frá síðasta kvöldi Þjóðhátíðar

Mikil stemming var á Þjóðhátíð í gær en þá var síðasta kvöld hátíðarinnar sem staðið hefur yfir síðan á föstudag. Fjölmargir listamenn komu fram þar á meðal stórstjarnan Ronan Keating, Botnleðja og Árni Johnsen söng brekkusönginn fyrir viðstadda. Að því loknu var kveikt á 138 rauðum blysum, eitt fyrir hvert ár sem Þjóðhátíð hefur verið haldin. Svo var sungið Lífið er yndislegt sem ómaði um alla eyjuna enda 15 þúsund manns sem tóku undir. Okkar maður í Eyjum, Óskar P. Friðriksson, var með myndavélina á lofti og myndaði það sem fyrir augu bar. Hægt er að skoða myndirnar hér til hliðar.

Sextíu og sjö ár frá kjarnorkuárás

Í dag eru sextíu og sjö ár liðin frá kjarnorkuárás Bandaríkjamanna á Hírósíma í Japan sem kostaði 140 þúsund manns lífið. Haldin var minningarathöfn í borginni í dag þar sem um 50 þúsund manns söfnuðust saman og minntust árásarinnar.

Skotmaðurinn var fertugur

Maðurinn sem skaut sex til bana í musteri síka í borginni Oak Creek í Wisconsins í Bandaríkjunum í gær heitir Wade Michael Page og er fertugur.

105 þúsund viðskiptavinir keyptu 620 þúsund lítra

Íslendingar keyptu 620 þúsund lítra af áfengi í vikunni fyrir Verslunarmannahelgi en það er um 9 prósent aukning frá sama tíma í fyrra. Á föstudaginn keyptu Íslendingar 225 þúsund lítra af áfengi en það er þó minni sala en árið áður þegar keyptir voru 250 þúsund lítrar á þessum degi. Fólk var heldur skynsamara í ár því fleiri keyptu áfengið á mánudegi fram á fimmtudag. Mesta aukning er í ávaxtavíni, eða 120 prósent.

Umferð farin að þyngjast

Umferð er farin að þyngjast á þjóðvegum landsins enda verslunarmannahelgin senn á enda. Varðstjóri hjá lögreglunni á Selfossi segir að fleiri bílar fari í gegnum bæinn með hverjum klukkutímanum og sömu sögu er að segja í Borgarnesi.

Þrjár nauðganir, tvær alvarlegar líkamsárásir og aldrei fleiri fíkniefnamál

Þrjár nauðganir eru til rannsóknar hjá lögreglunni í Vestmannaeyjum eftir Þjóðhátíðina sem lauk í gærkvöldi. Konurnar sem hafa kært kynferðisbrotin eru 17 ára, 18 ára og 27 ára. Nauðganirnar áttu sér allar stað inni í Herjólfsdal. Aldrei hafa fleiri fíkniefnamál komið upp á Þjóðhátíð og tvær alvarlegar líkamsárásarkærur liggja á borði lögreglu eftir helgina.

Árásarmaðurinn fyrrum hermaður og kynþáttarhatari

Maðurinn sem skaut sex til bana í musteri síka í borginni Oak Creek í Wisconsins í Bandaríkjunum í gær var fyrrum hermaður og kynþáttarhatari.

Ronan Keating sáttur eftir Þjóðhátíð

Söngvarinn Ronan Keating tróð upp í Herjólfsdal í gærkvöldi við mikinn fögnuð viðstaddra en hann er sjálfur mjög sáttur með hvernig til tókst. Á Twitter-síðu sína skrifar hann að áhorfendur í Vestmannaeyjum hafi verið frábærir en söngvarinn steig á svið um klukkan 22 í gærkvöldi. "Kominn aftur til Reykjavíkur eftir ótrúlega tónleika. Frábærir áhorfendur. Nú ætla ég að sofa í fjóra klukkutíma. Góða nótt allir. ,“ skrifar hjartaknúsarinn. Mikil stemming var í Herjólfsdal í gær og er talið að um 15 þúsund manns hafi verið í Dalnum þegar mest lét.

Fimmtán egypskir hermenn drepnir

Ehud Barak, varnarmálaráðherra Ísraels, sagðist í vonast til þess að árás vígamanna á egypska hermenn á Sínaí-skaga um helgina hafi verið vakning fyrir Egyptaland, en forystumenn Ísraela hefur lengi gagnrýnt Egypta fyrir slakar varnir skammt frá landamærum við Ísraelsríki.

Sprengja sprakk í höfuðstöðvum ríkissjónvarpsins

Sprengja á þriðju hæð höfuðstöðva sýrlenska ríkissjónvarpsins í Damaskus í morgun. Stöðin birti í kjölfarið viðtal við upplýsingaráðherra sýrlensku stjórnarinnar, Omran al-Zoabi, sem sagði einhverja starfsmenn hafa særst en engan látist. Mikið tjón var hins vegar unnið á byggingunni með sprengingunni sem uppreisnarmenn í borginni eru taldir bera ábyrgð á.

Forsætisráðherra Sýrlands flúinn til Jórdaníu

Fréttaveitan Reuters greindi frá því, núna laust fyrir klukkan tíu að íslenskum tíma, að forsætisráðherra Sýrlands, Riyad Hijab, hafi verið leystur úr embætti og sé flúinn til Jórdaníu með fjölskyldu sinni. Honum og Assad Sýrlandsforseta mun hafa sinnast.