Fimmtán egypskir hermenn drepnir

Ehud Barak, varnarmálaráðherra Ísraels, sagðist í vonast til þess að árás vígamanna á egypska hermenn á Sínaí-skaga um helgina hafi verið vakning fyrir Egyptaland, en forystumenn Ísraela hefur lengi gagnrýnt Egypta fyrir slakar varnir skammt frá landamærum við Ísraelsríki.

Barak sagði í morgun að á milli 13-15 egypskir hermenn hefðu verið myrtir af óþekktum hryðjuverkahópi múslima seint í gær, að því er fréttaveitan Reuters greinir frá. Ísraelskir hermenn hafi í kjölfarið skotið átta vígamenn eftir að þeir reyndu að komast yfir landamærin til Ísrael.

Barak greindi frá þessu þegar hann ávarpaði ísraelska þingnefnd í morgun og hrósaði ísraelsku hermönnunum fyrir skjót viðbrögð.