Lög­reglu­maður á sjúkra­húsi eftir al­var­lega á­rás á Goslokahátíð

Stefán Jónsson, yfirlögregluþjónn hjá Lögreglunni í Vestmannaeyjum, segir að líðan lögreglumannsins særða liggi ekki fyrir. Ljóst er að árásin var sérstaklega harkaleg. Ráðist var á hann á há- og miðpunkti hátíðarhaldanna á Vigtartorgi við höfnina í Heimaey. Hann er starfsmaður annars lögregluembættis og var ekki við störf þegar ráðist var á hann.

Hann segir málið til meðferðar hjá embættinu í Eyjum. Það sé að viða að sér gögnum, hafa upp á vitnum og skoða myndefni úr öryggismyndavélum.

Hann segist gera ráð fyrir því að málið endi á borði Héraðssaksóknara enda um alvarlega líkamsárás og árás á opinberan starfsmann að ræða.

Fréttin hefur verið uppfærð. Upphaflega var ritað að til rannsóknar væri hvort árásin hafi beinst að lögreglumanninum vegna starfa hans hjá lögreglunni. Það er ekki til rannsóknar hjá Lögreglunni í Vestmannaeyjum, enda er slíkt rannsakað af Héraðssaksóknara.