Engin nekt eftir tólf

Lög um bann við nektardans taka gildi á miðnætti. Ásgeir Þór Davíðsson, eigandi Goldfinger, segist ætla að fylgja lögunum - líklega hlaupi hann upp á svið með lendarskýlu handa dansaranum þegar klukkan slær tólf.

Sóðaskapur á Fimmvörðuhálsi

Hálffull olíutunna mætti augum göngugarpsins Páls Ásgeirs Ásgeirssonar þegar hann gekk yfir Fimmvörðuháls í dag. Páll Ásgeir segir mengunarslys í uppsiglingu og lýsir vanþóknun á slíkum sóðaskap.

Christian Wulff kosinn forseti Þýskalands

Eftir dramatískan dag á þýska þinginu var Christian Wulff kosinn forseti Þýskalands í þriðju umferð kosninganna milli hans og Joachim Gauk. Kosningin reyndi bæði á samstarf rauð-gulu meirihlutastjórnarinnar og framtíð Angelu Merkel sem kanslara.

Eignir Jóns Ásgeirs enn kyrrsettar

Eignir Jóns Ásgeirs Jóhannessonar hér á landi hafa verið kyrrsettar þrátt fyrir að tollstjóri hafi dregið kyrrsetningarbeiðni sína til baka. Sýslumaður hefur samþykkt kyrrsetningarbeiðni Glitnis banka á hendur honum.

Gagnrýnir fréttaflutning af evrópufundi Sjálfstæðismanna

Um helmingar þeirra sem mættu á fund Sjálfstæðra Evrópumanna vilja segja sig úr Sjálfstæðisflokknum og stofna nýjan flokk. Þetta segir Guðbjörn Guðbjörnsson, sem sagði sig úr Sjálfstæðisflokknum á dögunum. Hann gagnrýnir fréttaflutning Rúv af fundi félagsins nú í kvöld.

Stjórn Rúv staðfestir ráðningu Sigrúnar

Stjórn Rúv fundaði í gær um ákvörðun Páls Magnússonar að ráða Sigrúnu Stefánsdóttur dagskrárstjóra Rúv. Svanhildur Kaaber segir stjórn Rúv staðfesta ráðninguna en almenn skoðun stjórnarinnar sé að auglýsa stöður.

Reglurnar skýrar en framkvæmdin ekki

Enn er óvissa um hvort foreldrar stúlku, sem lenti í alvarlegu reiðhjólaslysi fyrir nokkrum árum, þurfi að greiða milljónir fyrir beinflutning og tannlækningar eftir slysið. Reglurnar eru alveg skýrar, segir forstjóri Sjúkratrygginga og heilbrigðisráðherra, en ekki er skýrt hvort afleiðingar slyssins falli undir reglurnar.

Segja tilmæli Seðlabanka „sorgleg“ og „út í hött“

Talsmenn skuldara segja að Fjármálaeftirlitið og Seðlabankinn gangi erinda fjármála og fjármögnunarfyrirtækja með tilmælum sínum sem séu sorgleg og út í hött. Þeir hvetja lánþega til að greiða ekki. Forstjóri FME segir að greiðsla í samræmi við tilmælin feli ekki í sér samþykki á nýjum lánaskilmálum.

Herjólfur lagður frá höfn

Skemmdir á Herjólfi voru ekki eins alvarlegar og leit út í fyrstu. Herjólfur er lagður aftur frá höfn í seinni ferð sína til Þorlákshafnar.

Herjólfur vélarvana

Kafarar búa sig nú undir að kanna skemmdir á Herjólfi sem varð vélarvana í innsiglingunni við Vestmannaeyjar. Báturinn er fullhlaðinn fólki og bílum.

Áfram í gæsluvarðhaldi fyrir að svipta mann frelsinu

Hæstiréttur staðfesti í dag áframhaldandi gæsluvarðhaldsúrskurð Héraðsdóms Reykjaness yfir manni sem er gefið að sök að hafa svipt annan mann frelsi og neytt hann til þess að stela verkfæratösku í Reykjanesbæ í vor.

Hvetur neytendur til þess að bíða átekta

„Ég hvet neytendur til þess að bíða átekta,“ segir Gísli Tryggvason, talsmaður neytenda, um tilmæli Seðlabanka Íslands og Fjármálaeftirlitsins sem voru kynnt í morgun.

Mikil hækkun á raforku

Raforkukostnaður hjá meðalheimili hefur hækkað um allt að þriðjung frá því um mitt ár 2008. Miklar hækkanir á fastagjöldum fyrir flutning og dreifingu skýra stærstan hluta hækkananna en þau hafa þau hækkað um allt að 137% á síðustu tveimur árum. Þetta kemur fram á vef ASÍ.

Össur fer til Færeyja

Össur Skarphéðinsson, utanríkisráðherra, heldur í dag til Þórshafnar, þar sem hann mun eiga fund með Jørgen Niclasen, utanríkisráðherra Færeyja á morgun. Um er að ræða fund Hoyvíkurráðsins, sem sett var á stofn með Hoyvíkursamningnum, fríverslunarsamningi Íslands og Færeyja.

Bíll valt á Hafnarfjarðarvegi

Bíll valt á Hafnarfjarðarvegi við Arnarnesbrúnna nú fyrir stundu. Enginn slasaðist og einungis var óskað eftir dráttarbíl, að sögn lögreglu. Mikilar umferðartafir eru á veginum þessa stundina.

Hreyfingin fordæmir viðbrögð stjórnvalda

Þingmenn Hreyfingarinnar fordæma viðbrögð Seðlabanka Íslands, Fjármálaeftirlistins og ríkisstjórnarinnar við niðurstöðu Hæstaréttar um ólögmæti gengistryggingar lána. Þingmennirnir segja löngu orðið tímabært að tímabært að almenningur njóti vafans ef einhver er. Að þeirra mati hefur þjónkun stjórnvalda við fjármálakerfið nú endanlega farið út fyrir öll velsæmismörk, líkt og það er orðað í tilkynningu.

Fresta hátíð í Húsdýragarðinum vegna veðurs

Hátíð viðskiptavina Atlantsolíu sem vera átti á morgun 1. júlí í Húsdýragarðinum hefur verið frestað fram til 14. júlí næstkomandi. Ástæðan er slæm veðurspá þar sem spáð er vætu og hvassviðri á morgun.

Samgönguráðuneytið fór ekki að lögum vegna tölvumála á Akranesi

Umboðsmaður Alþingis hefur gefið út álit um að samgönguráðuneytið hafi ekki farið að lögum hvað varðar úrskurð þess að tölvuþjónusta Akraness var ekki boðin út árið 2008.

Séra Halldór: Ábyrgðin er Guðlaugs og Gísla

„Ég ætla ekki að fylgja þessu meira eftir því ábyrgðin er þeirra. Það eiga allir að skilja þetta sem vilja,“ segir séra Halldór Gunnarsson um ályktun sem landsfundur Sjálfstæðisflokksins samþykkti um helgina. Gísli Marteinn Baldursson ætlar ekki að víkja sem borgarfulltrúi vegna ályktunarinnar og Guðlaugur Þór Þórðarsson, þingmaður, hefur ekki tjáð sig um innihald hennar.

Segja ákvörðun FME og Seðlabankans vonbrigði

Neytendasamtökin segja tilmæli Seðlabanka Íslands og Fjármálaeftirlitsins vonbrigði. Neytendasamtökin hafa áður gefið út yfirlýsingu þar sem þau sögðu að samningsvextir ættu að standa þrátt fyrir að Hæstiréttur hefur dæmt gengistryggingu króna við erlendan gjaldmiðil ólögmæta.

Framsóknarmenn vilja nefndarfund

Þingmennirnir Birkir Jón Jónsson og Eygló Harðardóttir, nefndarmenn í efnahags- og skattanefnd og viðskiptanefnd, hafa óskað eftir því að nefndirnar fundi sameiginlega hið fyrsta til að fara yfir tilmæli sem Seðlabanki Íslands og Fjármálaeftirlitið hafa sent fjármálafyrirtækjum vegna lánasamninga sem innihalda gengisviðmið gagnvart erlendri mynt.

Lúxusjeppi fjármálastjórans settur á sölu

Umdeildur lúxusjeppi sem fjármálastjóri Orkuveitu Reykjavíkur fékk frá fyrirtækinu hefur verið settur á sölu. Fjármálastjórinn ekur nú um á sama bílnum og áður.

Dómstólar eiga síðasta orðið

Í yfirlýsingu ríkisstjórnarinnar vegna tilmæla Seðlabankans og Fjármálaeftirlitsins um gengistryggð lán segir að þótt tímabundin óvissa ríki um endanlega niðurstöðu dómstóla sé mikilvægt að stöðuleiki á fjármálamarkaði verði áfram tryggður. Ríkisstjórnin virðir sjálfstæði Seðlabankans og Fjármálaeftirlitsins og ber fullt traust til þessara stofnana við að sinna lögbundnu hlutverki sínu. Dómstólar eigi þó síðasta orðið varðandi réttarágreining sem enn er uppi vegna lánanna.

Um tvö hundruð blóðgjafar brugðust við ákalli bankans

Um tvö hundruð blóðgjafar brugðust við ákalli Blóðbankans um að gefa blóð í gær og á mánudaginn. Enn vantar þó O mínus blóð. Að öðru leyti er staðan orðin góð.

Matarverð hefur hækkað um 66% á fjórum árum

Matarverð hefur hækkað um 66% á fjórum árum og um 34% frá bankahruni, samkvæmt verðkönnun SFR. Vísitala neysluverðs hefur hækkað um 13% frá bankahruninu.

Aðeins ein þyrla sinnir skyldum Landhelgisgæslunnar

Landhelgisgæslan hefur aðeins eina þyrlu þessa stundina til að sinna leitar-, eftirlits- og björgunarstörfum yfir öllu landinu og miðunum. Sjómenn segja að öryggi þeirra hafi ekki verið jafn illa borgið í marga áratugi.

Vekja athygli á versnandi veðri

Veðurstofa Íslands vill vekja sérstaka athygli á versnandi veðri, eftir blíðviðrið undanfarinna vikna. Á morgun er búist við hvassri austanátt með rigningu um allt land. Víða verður meðalvindhraði á bilinu 13-20 m/s og hviður geta staðbundið farið um eða yfir 30 m/s.

Fagna jafnréttisstefnu Sjálfstæðisflokksins

Hvöt, félag sjálfstæðiskvenna í Reykjavík, fagnar nýrri jafnréttisstefnu Sjálfstæðisflokksins sem samþykkt var á landsfundi flokksins um liðna helgi. Í stefnunni er gert ráð fyrir að Sjálfstæðisflokkurinn starfi á grundvelli einstaklingsfrelsis og jafnréttis í öllum sínum störfum og að einstaklingar búi við jöfn tækifæri óháð kynferði, aldri, trú og stöðu.

Hámark Skaftárhlaupsins komið út í sjó

Hámark Skaftárhlaupsins er komið út í sjó og fer því að sjatna í ánni, nema hvað það getur tekið nokkra daga að sjatna í Skaftáreldahrauni. Þar gæti yfirborðið enn hækkað og náð að þjóðveginum. Ólíklegt er þó talið að það muni rjúfa hann. Vatnið náði alveg heim á hlað á bænum Skál á Síðu í gær og flaut þar upp að tveimur veggjum útihúss.

Maðurinn sem slasaðist í Járnblendiverksmiðjunni er látinn

Starfsmaður sem varð fyrir sprengingu í einum af þremur ofnum Járnblendiverksmiðjunnar á Grundartanga í gærkvöldi og brenndist mikið, lést undir morgun á gjörgæsludeild Landsspítalans. Vinnueftirlitið og lögregla rannsaka málið og starfssemi verksmiðjunnar liggur niðri.

Bannar veiðar á silungi og laxi

Sýslumaðurinn á Ísafirði, í samráði við Fiskistofu, hefur bannað veiðar á silungi og laxi við, eða af brúnni yfir svonefnd Vöð í Önundarfirði. Talið er að veiðar af brúnni geti valdið tjóni á fiskrækt í Hestá og fiskgengd í Bjarnardalsá og Korpu, enda staldrar laxinn við hjá brúnni á leið sinni upp í árnar. Svipað ástand hefur skapast víðar þar sem firðir hafa verið þveraðir með uppfyllingum og brúm.

Segja seðlabankann og FME hafa lýst yfir stríði

Samtök lánþega segja í yfirlýsingu að Seðlabanki og FME hafi í raun lýst yfir stríði á hendur almennum borgurum þessa lands með tilmælum sínum sem eftirlitsstofnanirnar tilkynntu í morgun. Þar var þeim tilmælum beint til fjármálafyrirtækja að fylgja vöxtum seðlabankans í stað þess að reikna úr lánin út frá samningsvöxtum. Vextir seðlabankans eru 8,25 prósent.

„Ég er ekkert reiður út í þann sem skvetti á mig“

„Mér fannst það nú fullseint í rassinn gripið að óska eftir vitnum svona viku seinna," segir Smári Örn Árnason bílstjóri sem var einn af þeim sem keyrði yfir málningu á Suðurlandsvegi 24. júní síðastliðinn.

Hjónabönd samkynhneigðra ekki mannréttindi

Það voru tveir Austurríkismenn sem fóru með mál sitt fyrir mannréttindadómstólinn eftir að þeim var synjað um að ganga í hjónaband á þeim forsendum að það gilti aðeins fyrir samband manns og konu.

Lilja Mósesdóttir: Það á allt eftir að loga í málaferlum

„Það á allt eftir að loga í málaferlum,“ segir Lilja Mósesdóttir, þingmaður Vinstri grænna, um tilmæli Seðlabankans og Fjármálaeftirlitsins um að lánastofnanir eigi að fylgja óverðtryggðum vöxtum Seðlabankans, í stað samningsvaxta gengistryggðra lánasamninga.

Icelandair bætir flugum við vetraráætlun

Áætlun Icelandair í vetur verður um 14% umfangsmeiri en hún var síðasta vetur. Icelandair mun fljúga til alls 15 áfangastaða austan hafs og vestan, að því er fram kemur í tilkynningu frá flugfélaginu. Að meðaltali verða 82 flug frá Íslandi í viku á tímabilinu frá nóvember og út mars, eða 10 fleiri en á síðasta vetri. Á fimm mánaða tímabili, í nóvember, desember, janúar og febrúar og mars verður flugum fjölgað um 200 í heild. Flogið verður til 11 borga í Evrópu og fjögurra borga í Norður-Ameríku.

Sýslumaðurinn á Siglufirði annast málefni sanngirnisbóta

Dómsmála- og mannréttindaráðherra hefur falið sýslumanninum á Siglufirði að annast þau verkefni sem sýslumanni eru falin samkvæmt lögum um sanngirnisbætur fyrir misgjörðir á stofnunum eða heimilum á vegum ríkisins. Þá mun dómsmála- og mannréttindaráðuneytið auglýsa á næstu dögum laust til umsóknar starf tengiliðar sem meðal annars hefur það hlutverk að koma á framfæri upplýsingum til þeirra sem kunna að eiga bótarétt samkvæmt lögunum.

Segir Seðlabankann og FME hvetja til lögbrota

„Ég fæ ekki betur séð en að Seðlabankinn og Fjármálaeftirlitið séu að hvetja til lögbrota," segir Marinó G. Njálsson, hjá Hagsmunasamtökum heimilanna, um tilmæli sem Seðlabankinn og FME beina til fjármálafyrirtækja vegna gengistryggðra lánasamninga og var tilkynnt um í morgun.

Vinna liggur niðri vegna slyssins

Öll vinna liggur enn niðri í Járnblendiverksmiðjunni á Grundartanga, eftir að starfsmaður skaðbrenndist í sprengingu í einum af þremur ofnum verksmiðjunnar á áttunda tímanum í gærkvöldi. Maðurinn varð fyrir eldtungu, sem teygði sig úr úr ofninum. Hann var fluttur með þyrlu Landhelgisgæslunnar á gjörgæsludeild Landsspítalans, þar sem honum er haldið sofandi í öndunarvél, en nánari upplýsingar um líðan hans liggja ekki fyrir.

Óeirðir í Grikklandi

Þúsundir ferðamanna á Grikklandi hafa enn orðið fyrir miklum truflunum vegna verkfalla.

Blackwater aftur á kreik

Bandaríski herinn hefur enn gert samning við einkafyrirtækið Blackwater um öryggisgæslu, að þessu sinni í Afganistan.

Taldi hraunmolann uppsprettu ógæfu

Breskur ferðamaður hefur skilað aftur hraunmola sem hann tók héðan í leyfisleysi. Taldi molann uppsprettu allrar sinnar ógæfu. Molanum hefur verið skilað aftur og var flogið með þyrlu á gosstöðvarnar. Gömul þjóðtrú er tengd steinum.

Harmar umræðu um bíl

Anna Skúladóttir, fjármálastjóri Orkuveitu Reykjavíkur, hefur skilað lúxusbifreið þeirri sem hún fékk til umráða hjá fyrirtækinu. Í bréfi sem hún sendi starfsmönnum á innri vef fyrirtækisins kemur fram að bíllinn kostaði sjö milljónir króna.

Ættleiðingar á eigin vegum til skoðunar

Ragna Árnadóttir hefur óskað eftir skýrslu þar sem skoðað verður hvort leyfa eigi ættleiðingar án aðkomu félags. Skortur er á tækifærum til ættleiðingar.

Töldu stjórnmálin vera kaup kaups

Jón Sigurðsson segir félagasamtök hafa reynt að bjóða Framsóknarflokknum atkvæði fyrir greiða fyrir kosningar 2007. Flokkurinn hafi á þeim tíma verið lamaður af illdeilum og beri meðábyrgð á aðdraganda og forsendum hrunsins.