AGS-yfirlýsingu breytt vegna Icesave

Nokkrum dögum áður en skrifað var undir samning um lán Alþjóðagjaldeyrissjóðsins til Íslands var gerð breyting á viljayfirlýsingu íslenskra stjórnvalda til sjóðsins og sérstaklega hnykkt á því að Íslendingar hétu að standa við allar skuldbindingar sínar á grundvelli innistæðutryggingasjóðsins.

Eiga 113 sumarhúsalóðir og 107 íbúðir

Nýji Kaupþing og Íslandsbanki eiga samanlagt 107 húseignir. Ekki fengust upplýsingar um eignir Landsbankans. Meðal annarra eigna bankanna eru 70 bifreiðar, 3 hesthús og 3 íbúðahúsalóðir.

Stórhættulegt svæði

„Þetta er ekki þannig svæði að mönnum ætti að detta í hug að fara um það á snjósleða. Það er stórhættulegt. Drengurinn fer niður í hallann, þar sem allt er krosssprungið yfir sumar­tímann. En þetta skrifast bara á ókunnugleika,“ segir Snorri H. Jóhannesson í Björgunarsveitinni Ok í Borgarnesi. Hann var einn af tugum björgunarsveitarmanna sem kallaðir voru út á Geitlandsjökul, vestasta hluta Langjökuls, á laugardag. Þar hafði fimmtán ára drengur fallið um fimmtán metra ofan í jökulsprungu. Hann lenti á syllu niðri í sprungunni og náði að halda sér á henni í um tvær klukkustundir, eða þangað til björgunarsveitarmenn hífðu hann upp.

Veita sálrænan áfallastuðning

Lögreglan á höfuðborgarsvæðinu og Rauði kross Íslands hafa gert með sér samkomulag um að veita sálrænan stuðning fólki sem komið hefur að vettvangi alvarlegra atburða þar sem kallað er eftir aðstoð lögreglunnar.

Framlög til háskóla hærri 2010 en 2008

Framlög til háskóla hafa meira en þrefaldast á síðustu níu árum. Árið 2000 námu framlög ríkisins til allra skólanna 4,3 milljörðum króna. Á fjárlögum 2009 nemur sú upphæð 14,5 milljörðum. Framlög til skólanna á næsta ári verða hins vegar skert um 8,5 prósent á næsta ári.

Einn deyr á viku að meðaltali

„Við teljum mikinn ávinning af skimun fyrir ristilkrabbameini,“ segir Skúli Skúlason sem stýrt hefur undirbúningsvinnu fyrir stofnun félags fólks með ristilkrabbamein. Skúli segir þetta mikilvægt verkefni enda deyi vikulega einn Íslendingur af völdum ristilkrabbameins. Sjúkdómurinn er önnur algengasta dánarorsök af völdum krabbameina á Íslandi. Alls dóu 271 á árunum 2002 til 2006, 122 konur og 149 karlar.

Írsk setter-tík valin sú besta

Cararua Alana, tæplega fimm ára gömul írsk setter-tík, var valin besti hundur sumarsýningar Hundaræktar­félags Íslands í gær. „Í ár vorum við með fimm erlenda dómara og þeim bar saman um að hún væri verðug þessa titils. Ég er auðvitað voðalega stolt af henni,“ segir Jóna Viðarsdóttir, eigandi tíkar­innar og jafnframt for­maður HRFÍ.

Bið eftir ættleiðingu lengist

Biðtími eftir ættleiðingum frá erlendum ríkjum er nú þrjú til fjögur ár. Fyrir nokkrum árum var biðtíminn mun styttri, eða um eitt til tvö ár. Þetta kemur fram í meistararitgerð í lögfræði frá Háskólanum í Reykjavík eftir Ólöfu Marínu Úlfarsdóttur.

Bílvelta skammt frá Gljúfrasteini - karlmaður fluttur á slysadeild

Umferðaróhapp varð á Þingvallavegi á Mosfellsheiði skammt frá Gljúfrasteini þegar fólksbifreið valt á sjöunda tímanum í kvöld. Ökumaður, sem var einn á ferð, kastaðist út úr bifreiðinni og var fluttur töluvert slasaður á slysadeild Landspítlans í Fossvogi.

Fyrsta dauðsfallið í Brasilíu vegna svínaflensunnar

Fyrsta dauðsfallið vegna svínaflensunnar í Brasilíu hefur verið staðfest en karlmaður á sextugsaldri lést vegna flensunnar í dag. Hann greindist með fyrstu einkenni um miðjan júní eftir að hafa heimsótt Argentínu. Í framhaldinu var hann lagður inn á sjúkrahús.

Obama hvetur fólk til að fara í alnæmispróf

Birtar hafa verið myndir af því þegar Barack Obama forseti Bandríkjanna og kona hans Michelle gengust undir alnæmispróf. Það er kannski rétt að taka strax fram að myndirnar eru þriggja ára gamlar og að prófið var aðeins táknrænt.

Nytjamarkaðir spretta upp

Nytjamarkaðir spretta nú upp eins og gorkúlur í kreppunni. Handboltastjarnan Geir Sveinsson er í þann mund að setja einn slíkan á fót í 1000 fermetra húsnæði og hvetur fólk til að koma bæði notuðum og nýjum svokölluðum "2007 vörum" í verð.

Fjölskylda Michaels óánægð með rannsóknina

Fjölskylda Michaels Jackson er sáróánægð með rannsóknina á dauða hans. Fjölskyldan vill hefja nýja rannsókn upp á eigin spýtur.

Báturinn enn innsiglaður við höfnina

Sjómanni, sem veiddi kvótalaus og án leyfis fyrir ári síðan, hefur enn ekki verið birt ákæra. Bátur hans liggur innsiglaður við höfnina.

Svefn og þreyta kosta mörg mannslíf

25 banaslys í umferðinni á árunum 1998 til 2008 má rekja til þreytu og að ökumenn hafi sofnað undir stýri. Banaslys af völdum svefns eða þreytu er fjórða algengasta orsök banaslysa. Hinar ástæðurnar eru of hraður akstur, að bílbelti séu ekki notuð og ölvunarakstur.

Minnast fyrstu sprungunnar í Berlínarmúrnum

Hinn 27. júní árið 1989 tóku þáverandi utanríkisráðherra Ungverjalands og þáverandi utanríkisráðhera Austurríkis sig saman og klipptu á gaddavírsgirðingu sem aðskildi lönd þeirra.

Óli Örn kominn í leitirnar

Karlmaður á þrítugsaldri, Óli Örn Jónsson, sem lögreglan á höfuðborgarsvæðinu lýsti eftir í morgun, er kominn í leitirnar. Björgunarsveitir voru kallaðar út vegna málsins og tóku þátt í leitinni.

Gríðarlega þung umferð til Reykjavíkur

Umferð til Reykjavíkur er gríðarlega þung og gengur afar hægt. Lögreglan á Selfossi segir að á milli Hveragerðis og Selfoss sé bíll við bíl og umferðin þokist áfram á rúmlega 40 kílómetrahraða. Þrátt fyrir það hafi umferðin gengið stóráfallalaus fyrir sig.

Borgarafundur um Icesave

Annað kvöld fer fram opinn borgarafundur í Iðnó undir yfirskriftinni: Icesave - Getum við borgað? Frummælendur verða Helgi Áss Grétarsson lögfræðingur, Einar Már Guðmundsson rithöfundur og Steingrímur J. Sigfússon fjármálaráðherra.

Ríkisstjórnin gerði mistök varðandi Icesave

Árni Páll Árnason, félagsmálaráðherra, segir ríkisstjórnina hafa staðið illa að kynningu Icesavesamkomulagsins og gert ákveðin mistök með því að ætla að ná samkomulaginu í gegn án þess að leggja það fram á Alþingi. Fyrir það verði stjórnin að bæta. Árni Páll var gestur Sigurjóns Egilssonar í þættinum Sprengisandi í morgun þar sem þjóðmálin voru til umræðu og þetta kom fram.

Árleg hundasýning haldin í reiðhöll Fáks

Um helgina tóku rúmlega 650 hundar af 82 hundakynjum í hundasýningu Hundaræktarfélags Íslands í reiðhöll Fáks í Víðidal. Sýningar félagsins hafa stækkað ár frá ári og er sú staðreynd talinn endurspegla mikinn áhuga Íslendinga á hundum og hreinræktun þeirra.

Fyrrum forseti Írans vill ógilda úrslit kosninganna

Fyrrum forseti Írans kallar eftir ítarlegri rannsókn við framkvæmd forsetakosninganna í landinu 12. júní. Hann telur brýnt að allar athugasemdir verði teknar til skoðunar en hann vill ógilda úrslit kosninganna.

Óskar eftir pólitísku hæli á Kosta Ríka

Herinn í Mið-Ameríkuríkinu Honduras hefur gert uppreisn og flogið með forseta landsins í útlegð til Kosta Ríka þar sem hann hefur óskað eftir pólitíska hæli.

Gagnrýnir skort á upplýsingum eftir harkalega lendingu

Farþegi sem kom til landsins með flugvél Iceland Express í gærkvöldi gagnrýnir flugfélagið harðlega fyrir skort á upplýsingum eftir að vélin var stöðvuð harkalega við lendingu. Framkvæmdastjóri Iceland Express segir að flugmaður vélarinnar hafi beðið um forgang eftir að viðvörunarlaus kviknaði vegna bilunnar sem hafi ekki verið alvarleg.

Forseti Hondúras handsamaður

Hermenn í Hondúras handsömuðu Manuel Zelaya forseta landsins í dag og fluttu hann á brott úr forsetahöllinni. Forsetinn sem er góður vinur Hugo Chavez, forseta Venúsúela, vill breyta stjórnarskrá landsins svo hann geti boðið sig fram til endurkjörs á næsta ári. Hann rak í síðustu viku yfirmann herráðsins sem vildi ekki aðstoða við breytingarnar og eru atburðirnir í dag taldir tengjast því.

Vill að Flosi og Ómar íhugi að víkja sem bæjarfulltrúar

Bæjarfulltrúi Vinstri grænna í Kópavogi telur eðlilegt að bæjarfulltrúarnir Flosi Eiríksson og Ómar Stefánsson íhugi stöðu sína sem bæjarfulltrúar í ljósi fréttar Morgunblaðsins í gær þess efnis að þeir hafi sem stjórnarmenn í Lífeyrissjóði starfsmanna Kópavogsbæjar vitað að ekki væru allar upplýsingar gefnar til Fjármálaeftirlitsins.

Ungmennin á batavegi

Ungmennin fimm sem slösuðust í bílslysi í Fagradal í Fjarðabyggð í gær eru öll á batavegi. Þrjár stúlkur voru í bílnum og tveir karlmenn. Stúlkurnar voru fluttar á sjúkrahúsið á Akureyri og verða væntanlega útskrifaðar í dag.

Engin gögn styðja fullyrðingar ráðamanna

Engin gögn styðja þær fullyrðingar ráðamanna að Íslendingar séu tilneyddir til að fallast á Icesave samkomulagið. Þetta segir Ólafur Elíasson, hjá Indefence hópnum. Hann gagnrýnir stjórnvöld fyrir að verja ekki þjóðina gagnvart yfirgangi Breta og Hollendinga.

Heimili Jacksons tæmt

Jósef Jackson er sagður hafa áhyggjur af því að hlutum yrði stolið af heimili sonarins og því ákveðið að tæma það af verðmætum.

Leyfi hermanna í Írak afturkölluð

Um eitthundrað og þrjátíu þúsund bandarískir hermenn eru enn í Írak. Brottflutningur þeirra er hinsvegar í undirbúningi en honum á að ljúka tvöþúsund og ellefu.

Telja svani drottningar

Hina árlegu svanatalningu á Temsá má rekja allt aftur á tólftu öld. Það er aldagömul hefð í Bretlandi að þjóðhöfðinginn á alla ómerkta svani á ám og vötnum landsins.

Lögregla lýsir eftir Óla Erni

Lögreglan á höfuðborgarsvæðinu lýsir eftir Óla Erni Jónssyni fæddum árið 1981. Ekkert hefur spurst til hans frá því klukkan eitt í nótt. Björgunarsveitir hafa verið kallaður út til leitar.

Jackson krufinn aftur

Fjölskylda Michael Jacksons hefur fengið lík hans afhent og ætlar að láta gera sína eigin krufningu. Fyrstu niðurstöður opinberrar krufningar leiddu banamein hans ekki í ljós.

Suður-Kórea fær loftvarnaeldflaugar

Suður-Kórea fær í þessum mánuði fjörutíu loftvarnaeldflaugar frá Bandaríkjunum. Eldflaugarnar verða settar um borð í tundurspilla flotans.

Bifreið valt undir Hafnarfjalli

Umferðaróhapp varð á Grjóteyrarvegi við Hafnarskóg undir Hafnarfjalli þegar fólksbifreið valt í nótt. Þrír voru í bifreiðinni og voru þau öll flutt á Heilsugæsluna í Borgarnesi. Fólkið mun ekki vera slasað, að sögn lögreglu.

15 ára dreng bjargað úr sprungu

15 ára gömlum dreng var bjargað upp úr sprungu á vestanverðum Langjökli í gærkvöldi og var hann fluttur til Reykjavíkur með þyrlu Landhelgisgæslunnar.

Brotist inn í tvo söluturna

Nóttin var tiltölulega róleg hjá lögreglunni á höfuðborgarsvæðinu. Talsverður fjöldi fólks var og í miðborginni og karnival stemning, að sögn aðalvarðstjóra. Nokkur ölvun var að sjá en engin líkamsárás vart tilkynnt til lögreglu.

Fjögur prósent dauðsfalla má rekja til áfengis

Rekja má 4% dauðsfalla í heiminum til áfengisdrykkju, fullyrða kanadískir sérfræðingar við háskólann í Toronto. Þeir segja áfengi hafa skaðlegri áhrif á efnaminni fólk heldur en þá efnameiri. Samkvæmt úttekt þeirra drekka Evrópubúar langmest af áfengum drykkjum samanborið við aðra jarðarbúa.

Herinn í Zimbabwe hefur yfirtekið demantanámur

Mannréttindasamtök segja að herinn í Zimbabwe hafi yfirtekið demantanámur í austurhluta landsins. Þar sé fólk strádrepið og börn neydd til þess að grafa eftir demöntum.

Frumvarp um Icesave lagt fyrir Alþingi eftir helgi

Steingrímur J. Sigfússon, fjármálaráðherra, reiknar með því að frumvarp um ríkisábyrgð vegna Icesave samkomulagsins verði lagt fyrir Alþingi eftir helgi. Hann segir erfitt að bera samkomulagið undir þjóðaratkvæði.

Ósáttur hundaeigandi réðist á lögreglumann

Ósattur hundaeigandi í Reykjanesbæ réðist á lögreglumann eftir að hundur mannsins hafði verið tekinn í vörslu lögreglunnar. Tveir lögreglumenn meiddust í átökum við manninn sem gistir fangageymslu.

Koma verður í veg fyrir landflótta

Gæta þarf jafnvægis milli skattlagningar og niðurskurðar til að koma í veg fyrir landflótta að mati formanns fjárlaganefndar Alþingis. Hann segir þó óhjákvæmilegt að aðhaldaðgerðir ríkistjórnarinnar bitni á heimilunum með einum eða öðrum hætti.

Fyrrum leiðtogi Kosovo laus úr haldi

Dómstólar í Búlgaríu hafa leyst Agim Ceku, fyrrum forsætisráðherra Kosovo úr haldi. Hann var handtekinn á landamærum Búlgaríu og Makedóníu fyrr í vikunni.

Obama þrýstir á öldungadeildina

Barack Obama, Bandaríkjaforseti, þrýsti nú á öldungadeild Bandaríkjaþings að samþykja loftslagsfrumvarp sem ætlað er að draga úr loftmengun. Fulltrúadeild þingsins samþykkti frumvarpið í gær. Nancy Pelosi, forseti fulltrúadeildarinnar, fullyrðir að um tímamóta samþykkt hafi verið ræða.

Þyrlan og björgunarsveitarmenn komnir á slysstað

Björgunarsveitarmenn og þyrla Landhelgisgæslunnar er komin á staðinn, þar sem vélsleðamaður féll ofan í sprungu á vestanverðum Langjökli, fyrr í kvöld.