Fjölskylda Michaels óánægð með rannsóknina

Fjölskylda Michaels Jackson er sáróánægð með rannsóknina á dauða hans. Fjölskyldan vill hefja nýja rannsókn upp á eigin spýtur.

Engar vísbendingar fundust um dánarorsök þegar Michael Jackson var krufinn á föstudaginn. Dánardómstjóri segir að frekari rannsóknir hafi verið fyrirskipaðar, meðal annars til þess að komast að því hvaða lyf poppstjarnan hafi tekið fyrir dauða sinn.

Fjölskylda Michael Jacksons hefur fengið lík hans afhent og ætlar að láta gera sína eigin krufningu. Fyrstu niðurstöður opinberrar krufningar leiddu banamein hans ekki í ljós.