Chicago vill Ólympíuleikana 2016

Bandaríska stórborgin Chicago veðjar á að vinsældir Baracks Obama Bandaríkjaforseta auki líkurnar á því að borgin fái að halda Ólympíuleikana árið 2016. Obama er fyrrverandi öldungardeildarþingmaður fyrir Illinois og segja skipuleggjendur að hann styðji það eindregið að leikarnir verði haldnir í heimaborg hans.

Fyrsta smit á milli manna í Bretlandi staðfest

Skoskur heilbrigðisstarfsmaður hefur greinst með inflúensu af A stofni eða svokallaða svínaflensu. Það er í fyrsta skipti sem einstaklingur smitast í Bretlandi án þess að hafa verið nýlega í Mexíkó. Maðurinn, Graeme Pacitti er 24 ára gamall Skoti og hefur þegar verið settur á viðeigandi lyf og segja skosk heilbrigðisyfirvöld að ástand hans sé ekki alvarlegt.

Baulað á Gylfa á Austurvelli

Hópur fólks á Austurvelli mótmælti Gylfa Arnbjörnssyni forseta ASÍ og framkallaði hávaða með því að berja á búsáhöld á meðan á ræðu hans stóð.

Árekstur á Sæbraut

Árekstur varð á gatnamótum Sæbrautar og Kringlumýrarbrautar um klukkan hálf þrjú í dag. Samkvæmt upplýsingum lögreglu slösuðust ökumenn bifreiðanna en ekki er talið að meiðslin séu alvarleg.

Efnahagsástandinu mótmælt um allan heim

Verkalýðsfélög víðsvegar um heiminn hafa notað 1. maí, baráttudag verkalýðsins, til þess að mótmæla efnahagsástandinu sem leikið hefur flestar þjóðir heimsins grátt. Í Istanbul beitti tyrkneska lögreglan vatnsbyssum og táragasi til þess að dreifa mótmælendum og í nótt og fram á morgun slógust ungmenni í Þýskalandi við óeirðarlögregluna í Berlín.

Útivistartími barna breytist í dag

Útivistartími barna og unglinga tekur breytingum 1. maí. Frá þeim tíma mega 12 ára börn og yngri vera úti til klukkan tíu á kvöldin og 13 til 16 ára unglingar mega vera úti til miðnættis. Í tilkynningu frá lögreglu segir að börn megi ekki vera á almannafæri utan fyrrgreinds tíma nema í fylgd með fullorðnum. Þó má bregða út af reglunum fyrir síðartalda hópinn þegar unglingar eru á heimleið frá viðurkenndri skóla-, íþrótta- eða æskulýðssamkomu. Aldur miðast við fæðingarár.

Hundruð manna fylktu liði í kröfugöngu

Kröfuganga í tilefni baráttudags verkalýðsins 1. maí lagði af stað frá Hlemmi klukkan hálftvö í dag. Hundruð manna tóku þátt í göngunni og gengu fylktu liði sem leið lá á Austurvöll þar sem við taka ræðuhöld og tónlistaratriði.

Þór sjósettur - myndband

Chileíski fréttamiðillinn El Sur hefur birt á vef sínum myndband af því þegar varðskipið Þór var sjósett á miðvikudaginn var. Skipið var sjósett í ASMAR skipasmíðastöðinni en það verður afhent Íslendingum á fyrri hluta næsta árs.

Tók 46 milljónir úr biluðum hraðbönkum og flúði land

Alþjóðleg handtökuskipun hefur verið gefin út á hendur sænskum manni sem notaði sér ótæplega bilun í hraðbanka. Hann stakk af úr landi með fjörutíu og sex milljónir króna.

Hlé gert á stjórnarmyndunarviðræðum

Forystumenn ríkisstjórnarflokkanna munu ekki funda í dag, á baráttudegi verkalýðsins, um stjórnarmyndun. Í gær funduðu forystumenn flokkanna um ríkisfjármál, atvinnumál og aðgerðir vegna heimilanna.

Blendin viðbrögð við hugmynd talsmanns neytenda

Hagmunasamtök heimilanna og Húseigendafélagið skora á stjórnvöld að veita tillögu talsmanns neytenda um að færa niður skuldir með gerðardómi brautargengi. Tillagan fær þó blendin viðbrögð, Sighvatur Björgvinsson fyrrverandi viðskiptaráðherra, segir þetta leiðina til að velta öllum íbúðalánavandanum beinustu leið á herðar skattborgara.

481 svínainflúensutilfelli í 11 löndum

Staðfestum tilvikum svínainflúensu í heiminum fjölgar áfram. Þau voru alls 481 í morgun, þar af 312 í Mexíkó. Alls hafa þrettán látist úr veikinni þar af tólf í Mexíkó og einn í Bandaríkjunum. Þetta eru nýjustu upplýsingar Sóttvarnastofnunar Evrópu og er Alþjóðaheilbrigðisstofnunin áfram með viðbúnað sinn á fimmta hættustigi af sex.

Líklega um slys að ræða á Skólavörðustíg

Að sögn lögreglu er talið líklegast að maðurinn sem fannst liggjandi í blóði sínu í morgun á Skólavörðustíg hafi orðið fyrir slysi. Málið er nú í rannsókn en líklegt er talið að um slys hafi verið að ræða og ólíklegt þykir að ekið hafi verið á manninn eða á hann ráðist. Að sögn lögreglu er maðurinn með talsverða áverka og var hann fluttur á sjúkrahús þar sem hann liggur enn.

Börn festust úti í Gróttu - heil á húfi

Slökkvilið var kallað út í Gróttu þar sem sex börn, átta og níu ára gömul voru í sjálfheldu á eyjunni eftir að flæddi að. Bátur sem staðsettur er á slökkviliðsstöðinni á Tunguhálsi var sendur af stað auk þess sem bátur úr Nauthólsvík fór einnig til aðstoðar.

Kröfugöngur um allt land

Búist er við að launafólk safnist saman að venju í dag til að taka þátt í kröfugöngum á baráttudegi verkalýðsins. Verkalýðsfélög víða um landið hafa skipulagt samkomur af þessu tilefni.

Tilræðismaðurinn látinn

Hollendingur sem varð fimm manns að bana þegar hann reyndi að keyra á strætisvagn hollensku konungsfjölskyldunnar í gær lést af meiðslum sínum í morgun.

AHS: Staðfest tilfelli 331

Alþjóða heilbrigðisstofnunin (AHS) segir að klukkan sex í morgun hafi staðfest tilfelli af svínaflensu í heiminum verið þrjúhundruð þrjátíu og eitt í ellefu löndum. Tíu hafa látist.

Fannst alvarlega slasaður á Skólavörðustíg

Karlmaður fannst á Skólavörðustígnum snemma í morgun alvarlega slasaður. Lögregla rannsakar nú málið en verst allra frétta og ekki er vitað á þessari stundu hvort um slys eða líkamsárás hafi verið að ræða.

Mikið af fólki í miðbænum í nótt en allt fór vel fram

Talsverður fjöldi fólks var í miðbæ Reykjavíkur í nótt en að sögn lögreglu fóru skemmtanahöldin tiltölulega vel fram. Nokkuð var um ölvun en fólk hélt sig þó innan skynsamlegra marka í hegðun sinni. Sex ökumenn voru teknir grunaðir um ölvun og gistu fjórir fangageymslur lögreglunnar vegna ölvunar.

Spá 40% verðhækkun á áli

Verð á áli gæti hækkað um 40% undir lok ársins, samkvæmt spá sem Bloomberg fréttastofan birti í dag. Vitnað er til sérfræðinga sem telja að vaxandi eftirspurn muni vega upp offramboð á áli og vísað til þess að álnotkun hafi aukist hratt á fyrstu mánuðum þessa árs.

Utanríkisráðuneytið varar við ferðum til Mexíkó

Utanríkisráðuneytið ráðleggur Íslendingum að ferðast ekki til Mexíkó nema brýna nauðsyn beri til vegna svínainflúensu (H1N1), sem komið hefur upp þar í landi og smitast manna á milli. Þetta kemur fram í tilkynningu frá ráðuneytinu.

Viðhald flugvéla eflist með falli krónu

Aldrei fyrr hafa jafnmargir flugvirkjar verið að störfum hérlendis. Viðhaldsskýli Icelandair á Keflavíkurflugvelli hefur ekki undan að sinna verkefnum fyrir erlend flugfélög.

Dómskerfið ekki hliðhollt blaðamönnum

„Það eina sem við vorum að gera var að skoða skilgreininguna á mansali og bera hana saman við raunveruleikann á Íslandi með því að tala við fólk sem hefur starfað í þessum bransa," segir Jón Trausti Reynisson.

Dekk sprungu á Fokker í lendingu

Tvö dekk sprungu á Fokker flugvél sem var að lenda á flugvellinum í Reykjavík klukkan sjö í kvöld Tuttugu og sjö voru um borð í flugvélinni en engan sakaði að sögn slökkviliðs- og sjúkraflutningamanns sem fréttastofa talaði við.

Þunglyndi eykst í kreppunni

Kreppan hefur leitt til þess að tilfellum um alvarlegt þunglyndi hefur fjölgað. Einnig má merkja aukningu í sjálfsvígshugsunum hjá þeim sem verst eru haldnir, segir sálfræðingur, sem telur brýnt að grípa til fyrirbyggjandi aðgerða.

Vökunætur fara í hönd

Tími vökunátta fer í hönd í sveitum landsins nú þegar sauðburður er að hefjast. Kristján Már leit á nýborin lömb í fjárhúsum suður með sjó.

Hraðbankaþjófar handteknir

Mennirnir fjórir sem lögreglan á höfuðborgarsvæðinu leitaði að og lýsti eftir vegna ítrekaðra tilrauna til innbrota í hraðbanka og verslanir undanfarna daga voru handteknir í gær. Þrír mannanna voru handteknir í Leifsstöð þegar einn þeirra var á leið úr landi og sá fjórði gaf sig fram við lögreglu, eftir því sem fram kemur í tilkynningu frá lögreglu. Mennirnir eru allir af erlendu bergi brotnir.

Áhyggjufullir svínabændur

Svínabændur hafa áhyggjur af því að ef svínaflensa greinist hér á landi þá berist hún frá mönnum í svín. Svínabúin eru þó nokkuð lokuð sem getur hjálpað þeim að koma í veg fyrir að svo fari.

Ráðherra undirritaði reglugerð um almannavarna- og öryggismálaráð

Forsætisráðherra undirritaði í dag reglugerð um starfshætti almannavarna- og öryggismálaráðs sem skipað er samkvæmt 4 grein laga um almannavarnir. Ráðið kemur saman eftir þörfum og

Svínaflensa verður inflúensa A

Alþjóðaheilbrigðisstofnunin hefur ákveðið að breyta nafni á flensuveirunni sem nú breiðist út um heiminn úr svínaflensu í inflúensu A (H1N1). Þetta er gert til þess að koma til móts við sjónarmið frá kjötframleiðendum og stjórnvöldum sem hafa áhyggjur af þessari nafngift. Engar vísbendingar hafa fundist um að svínaflensan smitist með neyslu svínakjöts.

Reynir ritstjóri í Hæstarétti: Braut áfengislög

Hæstiréttur staðfesti í dag dóm héraðsdóms yfir Reyni Traustasyni ritstjóra DV sem dæmdur var til fjársektar vegna brota á áfenigislögum. Þrjár áfengisauglýsingar birtust í tímaritinu Mannlíf og fylgiriti þess undir ritstjórn Reynis sem hélt því fram að ekki hefði verið um auglýsingar að ræða, heldur umfjallanir um áfengi. Hæstiréttur var hinsvegar ekki á því máli.

Sundlaugaperri fékk skilorðbundinn dóm í Hæstarétti

Hæstiréttur dæmdi í dag erlendan karlmann í hálfs árs skilorðsbundið fangelsi fyrir að leita ítrekað á átta ungar stúlkur í sundlaug í Keflavík og fróa sér fyrir framan þær í janúar og febrúar á síðasta ári. Hæstiréttur staðfesti þar með dóm Héraðsdóms Reykjaness frá því í júní 2008 en gerði manninum að greiða hærri sakarkostnað. Héraðsdómur dæmdi manninn til að greiða 1,1 milljón króna en Hæstiréttur hækkaði upphæðina í rúmlega 1,6 milljón.

Breskir hermenn yfirgefa Írak

Í dag yfirgáfu breskir hermenn borgina Basra í suðurhluta landsins og færast völdin þar með í hendur Bandaríkjamanna. Um tíma var barist harkalega í borginni sem var helsta miðstöð breska hersins í landinu.

Móðir Heiðmerkurhrotta: „Þetta er bara rosalegt"

„Ég get bara sagt þér það að ég var ekki búin að heyra neitt af þessu nema úti í bæ," sagði móðir unglingsstúlku sem er sökuð um að vera ein af sjö árásamönnum sem gengu hrottalega í skrokk á fimmtán ára stúlku í gær.

Heiðmerkurhrottarnir ekki yfirheyrðir

Allar stúlkurnar sem hafa verið kærðar fyrir að ganga í skrokk á fimmtán ára stúlku í Heiðmörk í gær gáfu sig fram við lögregluna í hádeginu. Þær fóru síðar án þess að skýrsla væri tekin af þeim. Þegar haft var samband við yfirlögregluþjóninn Friðrik Smára Björgvinsson sagði hann að málið myndi fara sömu leið og sakamál gegn lögráða einstaklingum, enda eru þær sakhæfar. Aftur á móti þarf að kalla til foreldri eða barnaverndaryfirvöld þegar skýrsla er tekin af ungmennum undir átján ára aldri. Fórnalamb stúlknanna er búið að kæra árásina. Skýrslutöku er nýlokið. Stúlkurnar gengu í skrokk á fimmtán ára stelpu í Heiðmörk í gær eftir að hafa lokkað hana upp í bíl. Ástæðan á að hafa verið sú að fórnarlambið á að hafa skrifað eitthvað á netið sem þeim mislíkaði. Samkvæmt heimildum Vísis höfðu tvær stúlkur sig mest frammi í málinu. Reynt var að hafa uppi á foreldrum stúlknanna án árangurs. Báðar stúlkurnar sem eiga að bera höfuðsökina eru nemar í Flensborg.

Gagnrýna hægagang í stjórnarmyndunarviðræðum

Þingflokkur Borgarahreyfingarinnar lýsir áhyggjum sínum af hægagangi í yfirstandandi stjórnarmyndunarviðræðum og því sem þingflokkurinn kallar foringjastjórnmál. Þingmennirnir hvetja til víðtækara samráðs við nýkjörið þing sem þeir vilja að verði kallað saman hið fyrsta.

Ný ríkisstjórn ekki mynduð á morgun

Engar líkur eru á því að ný ríkisstjórn verði mynduð í dag. Þá eru hverfandi líkur á því að flokkarnir nái saman á morgun og myndi hina umtöluðu 1.maí ríkisstjórn. Þetta segir Katrín Jakobsdóttir varaformaður Vinstrihreyfingarinnar græns framboðs sem var á rúntinum með Steingrími Jóhanni Sigfússyni formanni þegar fréttastofa heyrði í henni hljóðið.

Katrín um launamál Rúv: Vel í lagt hjá efstu mönnum

Katrín Jakobsdóttir menntamálaráðherra segir að vinna sé þegar hafin við endurskoðun á þjónustusamningi við Rúv og meðal annars sé verið að skoða launauppbygginguna innan félagsins. Í árshlutauppgjöri Rúv frá 1.september til loka febrúar á þessu ári kemur fram að tap félagsins sé rúmar 365 milljónir króna. Páll Magnússon útvarpsstjóri fær rúma 1,5 milljón króna á mánuði. Katrin segir vel í lagt hjá efstu mönnum.

Hollenskir sparifjáreigendur ætla að kæra Ísland sjötta maí

Hópur sparifjáreigenda sem átti fé á reikningum Icesave í Hollandi hefur ítrekað kröfur sínar til Jóhönnu Sigurðardóttur um að lausn verði fundin á málum þeirra. Að öðrum kosti verður lögð fram kæra gegn íslenska ríkinu þann 6. maí næstkomandi hjá Eftirlitsstofnun EFTA og hjá framkvæmdastjórn Evrópusambandsins.

París teygir sig til hafs

París, höfuðborg Frakklands, mun á næstu tveimur áratugum teygja sig alla leið til hafs og liggja þá að Ermarsundi. Nicolas Sarkozy forseti kynnti þessa hugmynd nú í vikunni og útfærslu hennar sem var í höndum arkitektsins Antoine Grumbach.

Ók inn í hóp fólks í skrúðgöngu

Að minnsta kosti tveir létu lífið þegar bíl var ekið inn í hóp fólks sem var að hylla hollensku konungsfjölskylduna. Beatrix drottning og fleiri úr fjölskyldunni óku um í opnum strætisvagni um götur smábæjarins Apeldoorn og er talið að ökumaðinn hafi ætlað sér að aka á vagninn.

Seilast í vasa skattborgara eftir misheppnaða viðskiptahugmynd

Bæjarstjórinn á Seltjarnarnesi segir að bærinn ætli ekki að verða við kröfum um riftun á mörg hundruð milljóna kaupsamningi sem gerður var við byggingafélagið Þyrpingu. Hann segir að Þyrping ætli að reyna að sækja fórnarkostnaðinn af misheppnaðri viðskiptahugmynd í vasa skattborgara á Seltjarnarnesi.

Rekstur RÚV á áætlun

Ríkisútvarpið tapaði 365 milljónum króna á sex mánaða tímabili frá byrjun september til loka febrúarmánaðar síðastliðins. Þetta kemur fram í árshlutareikningi sem birtur var í dag. Aukinn fjármagnskostnaður skýrir tapið segir útvarpsstjóri. Hann segir rekstur RÚV vera á áætlun.

Svínaflensan: Þrjátíu einstaklingar verið rannsakaðir hér á landi

Hátt í þrjátíu einstaklingar hafa verið rannnsakaðir hér á landi þar sem grunur hefur leikið á að þeir væru með svínaflensu. Enginn hefur þó reynst vera smitaður. Þetta segir Haraldur Briem sóttvarnalæknir í samtali við fréttastofu. Um er að ræða fólk sem nýkomið er frá Bandaríkjunum eða Mexíkó en einnig fólk sem hefur sýnt ákveðin flensueinkenni og því hefur þótt rétt að rannsaka hvort um svínaflensu væri að ræða.

Leyfi Bolla Þórs framlengt um mánuð

Tímabundið leyfi sem ráðuneytisstjórinn í forsætisráðuneytinu fékk þegar að ríkisstjórn Vinstri grænna og Samfylkingar tók við í febrúar hefur verið framlengt út maí.