Hanna Birna: Við áttum ekkert val

Hanna Birna Kristjánsdóttir var rétt í þessu kjörin borgarstjóri Reykjvíkinga á aukafundi borgarstjónar þar sem nýr meirihluti Sjálfstæðisflokks og Framsóknar tók við. Hanna Birna var ráðin í embættið með átta atkvæðum meirihlutans en minnihlutinn í borgarstjórn sat hjá. Hanna Birna tekur við af Ólafi F. Magnússyni sem borgarstjóri.

Meðlimi Ungra vinstri grænna meinaður aðgangur að Ráðhúsinu

Ísleifi Agli Hjaltasyni, meðlimi í stjórn Ungra vinstri grænna í Reykjavík, var meinaður aðgangur að Ráðhúsinu í Reykjavík af öryggisverði en þangað hugðist Ísleifur sækja borgarstjórnfund þar sem borgarstjórnarskipti fara nú fram.

Óskar Bergsson: Eini starfhæfi möguleikinn

„Sá meirihluti sem er verið að mynda er myndaður vegna gríðarlegrar spennu og ákalls úr samfélginu um breytingar í borgarstjórn," sagði Óskar Bergsson, borgarfulltrúi Framsóknarflokksins, á

KRFÍ skorar á ríkisstjórnina að leiðrétta laun ljósmæðra

Stjórn Kvenréttindafélags Íslands skorar á ríkisstjórn Íslands að leiðrétta laun ljósmæðra. Hún minnir ríkisstjórnina einnig á það ákvæði stjórnarsáttmálans sem segir til um að endurmeti þurfi kjör stétta hjá hinu opinbera þar sem konur séu í miklum meirihluta.

Hvetur kjósendur til þess að gleyma ekki vinnubrögðunum

Dagur B. Eggertsson, oddviti Samfylkingarinnar fór hörðum orðum um þá borgarfulltrúa sem standa að nýjasta meirihlutanum í borginni. Hann sagði að borgarbúar hafi á undanförnum misserum ítrekað þurft að horfa upp á hvernig kjörnir fulltrúar hefðu misfarið með vald sitt og brotið gegn lýðræðinu.

Sakar Kínverja um fjöldamorð síðastliðinn mánudag

Dalai Lama andlegur leiðtogi Tíbeta hefur sakað Kínverja um að hafa skotið 140 mótmælendur til bana í Austur-Tíbet síðastliðinn mánudag.

Nýr meirihluti skopmynd af ríkisstjórn Davíðs og Halldórs

Svandís Svavarsdóttir, oddviti Vinstri - grænna í borgarstjórn, sagði nýjan meirihluta Sjálfstæðisflokks og Framsóknar í borginni skopmynd af ríkisstjórn Davíðs Oddssonar og Halldórs Ásgrímssonar og að hér væri á ferðinni meirihluti sem myndaður hefði verið eftir höfði Þorsteins Pálssonar, fyrrverandi formanns Sjálfstæðisflokksins og ritstjóra Fréttablaðsins.

Bandaríkjamenn endurvopna her Georgíu

Bandaríkin gera því skóna að þau muni hjálpa Georgíu að endurskipuleggja og endurreisa her sinn eftir bardagana við Rússa í síðustu viku. Bandaríski hershöfðinginn John Craddock er nú í heimsókn í Georgíu.

Hátt í 60 látnir eftir mannskæða sjálfsvígsárás í Pakistan

Að minnsta kosti 57 manns eru látnir eftir tvær sjálfsmorðsárásir við vopnaverksmiðju í pakistönsku borginni Wah. Árásin átti sér stað er verkamenn voru á leið í og úr vinnu eftir vaktaskipti. Talið er að tala látinna eigi enn eftir að hækka töluvert.

Gísli Marteinn fær laun fyrir störf varaforseta

Borgarstjórn kaus Gísla Martein Baldursson í sæti annars varaforseta borgarstjórnar við upphaf borgarstjórnarfundar í morgun.

Átta ára hryðjuverkamaður

Meðal öryggisráðstafana sem bandarísk stjórnvöld hafa gert eftir 9/11 árásirnar er að búa til lista yfir grunaða hryðjuverkamenn. Sá listi er hinn undarlegasti.

Ólafur sakar sjálfstæðismenn um vélráð, lygar og svik

Ólafur F. Magnússon réðst að Sjálfstæðisflokknum í kveðjuræðu sinni sem borgarstjóri á borgarstjórnarfundi í morgun þar sem nýr meirihluti sjálfstæðismanna og framsóknarmanna tekur við.

Á sjötta tug umsækjenda um forstjóra Keflavíkurflugvallar

Fimmtíu og fjórir sóttu um starf forstjóra Keflavíkurflugvallar ohf. Jón Gunnarsson, formaður stjórnar félagsins, segir að ekki verði gefið upp hverjir sóttu um enda sé slíkt ekki skylt eins og ef um ríkisstofnun væri að ræða.

Sómalskir sjóræningjar láta til sín taka

Sómalískir sjóræningjar sölsuðu í morgun undir sig tvö skip undan ströndum landsins í morgun.

Sara Dögg komin á Stuðla

„Ég er guðslifandi fegin að hún er komin í öruggar hendur," segir Helen Halldórsdóttir. Hún auglýsti á mánudag í fjölmiðlum eftir Söru Dögg, fimmtán ára dóttur sinni sem þá hafði verið saknað frá því á föstudag.

Gestir safnast í og við Ráðhúsið - Jakob þandi nikkuna

Fólk er þegar farið að safnast saman á áhorfendapöllunum í Ráðhúsi Reykjavíkur en eftir þrjá stundarfjórðunga hefst borgarstjórnarfundur þar sem Hanna Birna Kristjánsdóttir tekur við sem nýr borgarstjóri Reykvíkinga. Óskar Bergsson kom fyrir stundu í Ráðhúsið og hitti þar fyrir stuðningsmenn sína.

Kaupmáttur rýrnar áfram - nú um vel á fimmta prósent

Kaupmáttur í landinu hefur rýrnað um fjögur og hálft prósent síðastliðna tólf mánuði ef tekið er mið af þróun launavísitölu og verðbólgu.

Slökktu eld í bílhræi

Slökkviliðið hefur slökkt eld sem logaði í bíl við Sæbraut nærri Sundagörðum fyrr í morgun.

Uppgötvaði útdauða flugu á ebay

Skordýrafræðingurinn Richard Harrington datt í lukkupottinn á dögunum þegar hann keypti steingerfða flugu hjúpaða rafi á uppboðsvefnum ebay. Harrington keypti steingerfinginn á tuttugu dollara, eða sextán hundruð krónur íslenskar, af manni í Litháen.

Unnið að rannsókn í Hellisheiðarvirkjun

Ekkert liggur enn fyrir um orsakir banaslyssins í Hellisheiðarvirkjun í gærkvöldi, þar sem tveir rúmenskir starfsmenn undirverktaka létust þegar þeir voru við vinnu inni í stóru vatnsröri. Starfsmenn Vinnueftirlitsins og lögreglumenn unnu að rannsókn fram á nótt, en lík Rúmenanna voru flutt til Reykjavíkur þar sem þau verða væntanlega krufin.

Rússar semja sjálfir ályktun fyrir Öryggisráðið

Rússar hafa lagt drög að ályktun fyrir Öryggisráð Sameinuðu þjóðanna sem tekur á ófriðnum á milli þeirra og Georgíumanna sem staðið hefur undanfarna daga. Í gær höfnuðu Rússar ályktun sem Frakkar lögðu fram í ráðinu en í henni var krafist að Rússar hyrfu tafarlaust frá Georgíu.

Líklega tilkynnt um varaforseta Obama fyrir helgi

Stjórnmálaskýrendur í Bandaríkjunum leiða að því líkum að Barack Obama forsetaframbjóðandi muni tilkynna um varaforsetaefni sitt fyrir helgi. Talið er að Obama vilji vera búinn að ljúka því máli áður en demókratar hittast á landsfundi sínum í Colorado á Mánudag.

Enn falla hermenn NATO í Afganistan

Þrír NATO hermenn létust í bardögum í Afganistan í nótt, aðeins nokkrum dögum eftir að tíu franskir hermenn voru felldir í landinu. Hermennirnir féllu í Ghazni héraði sem pólski herinn fer með forræði yfir, en ekki hefur verið staðfest hverrar þjóðar þeir voru.

Líklegt að fuglar hafi orsakað hreyfilbilun í Icelandairþotu

Flest bendir til þess að tveir fuglar hafi valdið því að annar hreyfill þotu Icelandair missti afl skömmu eftir flugtak frá Keflavíkurflugvelli fyrir um mánuði, og henni var lent aftur í skyndingu.

Jarðskjálfti á Suðurlandi

Jarðskjálfti upp á tvo komma fimm varð á Suðurlandi um kvöldmatarleytið í gærkvöldi. Upptök hans voru um þrjá kílómetra norðaustur af Hveragerði og fanst hann vel í bænum og víðar í Ölfusi. Nokkrir eftirskjálftar fylgdu og eru þetta eftirskjálftar eftir Suðurlandsskjálftann í vor, að sögn jarðvísindamanna Veðurstofunnar.

Rice heimsækir Bagdad

Condoleeza Rice, utanríkisráðherra Bandaríkjanna heimsótti Írak öllum að óvörum í morgun. Íraskir fjölmiðlar greina frá því að Rice hafi lent á flugvellinum í Bagdad í morgun en heimsókn hennar hafði ekki verið boðuð.

Innbrotsþjófar gómaðir

Lögreglan á höfuðborgarsvæðinu handtók í nótt þrjá unga karlmenn, grunaða um innbort í tvo skóla í borginni í nótt. Þeir voru handteknir í tengslum við innbrot í annan skólann og bíða nú yfirheyrslu. Þá voru þrír aðrir ölvaðir menn handteknir, grunaðir um sitthvað misjafnt og ein kona var handtekin vegna aðildar að innbroti. Alls gistu tíu manns fangaklefa lögreglunnar í nótt, sem er óvenju mikið í miðri viku.

Ráðist á leigubílstjóra í nótt

Leigubílstjóri var barinn og rændur í efri byggðum Reykjavíkur í nótt, en hann meiddist ekki alvarlega. Þegar hann hafði ekið konu á áfangastað hennar, sagðist hún ekki eiga fyrir farinu og bað bílstjórann að koma út með sér að sækja peninga.

Orsaka flugslyssins leitað

Sérfræðingar í flugslysum rannsaka nú flak flugvélarinnar sem fórst á flugvellinum í Madrid í gær með þeim afleiðingum að 153 létu lífið. Rannsóknarmennirnir munu leita að vísbendingum um orsök slyssins í flakinu auk þess sem flugritar verða skoðaðir en þeir fundust í nótt.

Geir veldur Valgerði vonbrigðum

Valgerður Sverrisdóttir, varaformaður Framsóknarflokksins, gerir viðtal Markaðarins í dag við Geir H. Haarde forsætisráðherra að umfjöllunarefni í nýjum pistli á heimasíðu sinni.

Banaslys í Hellisheiðarvirkjun - Tveir látnir

Lögregla og sjúkralið frá Selfossi og Reykjavík voru kölluð að Hellisheiðarvirkjun upp úr kl. 19:00 í kvöld vegna alvarlegs vinnuslyss. Lögreglumenn eru ennþá við vinnu á vettvangi en tveir erlendir starfsmenn verktakafyrirtækis létust í slysinu.

Staðfest að 153 létust í Madríd

Yfirvöld á Spáni hafa staðfest að 153 létu lífið og 19 slösuðust þegar flugvél spænska flugfélagsins Spanair fórst á Madrídarflugvelli í morgun.

Vongóður þrátt fyrir að 200 starfsmenn vanti

Kjartan Magnússon, borgarfulltrúi Sjálfstæðisflokksins og formaður ÍTR, er vongóður um að það takist að ráða starfsmenn á frístundaheimili Reykjavíkurborgar. Enn vantar 200 starfsmenn á frístundarheimilin sem taka til starfa í næstu viku þegar skólar hefjast.

Guðjón Arnar verður að svara fyrir Ólaf

Formaður Frjálslynda flokksins verður að gera afdráttarlaust grein fyrir því hvort að Ólafur F. Magnússon muni leiða flokkinn í næstu borgarstjórnarkosningum líkt og Ólafur heldur fram, að sögn Jóns Magnússonar þingmanns flokksins.

Aðgangur Rúv að auglýsingamarkaði takmarkaður

Til stendur að takmarka aðgang Ríkisútvarpsins að auglýsingamarkaðnum. Menntamálaráðherra vonast til að geta kynnt ríkisstjórninni hugmyndir þess efnis í vetur.

Umsóknum um lán fjölgar hjá LÍN

Umsóknum um námslán hjá LÍN hefur fjölgað verulega miðað við sama tíma í fyrra. Fjórðungi fleiri umsóknir hafa borist vegna náms í Háskóla íslands.

Búið að skoða þriðjung húsa vegna jarðskjálfta

Viðlagatrygging hefur lokið við að skoða um þriðjung af tvö þúsund og tvö hundruð húseignum sem tilkynnt var um tjón á vegna jarðskjálftanna á Suðurlandi í lok maí og hefur greitt út 1,4 milljarða í bætur. Um þrjátíu húseignir hafa verið dæmdar ónýtar, þar af fjórtán á Selfossi.

,,Ótrúlegt að það skuli vera fólk á lífi"

Rögnvaldur Hólmar Jónsson, flugvirki sem starfar sem verktaki fyrir Icelandair, var á flugvellinum í Madríd þegar flugvél Spainair brotlenti þar í dag. Hann segir að það sé ótrúlegt að einhver skuli vera álífi eftir slysið.

Tvö hundruð starfsmenn vantar á frístundaheimili borgarinnar

Enn vantar 200 starfsmenn á frístundarheimili Reykjavíkurborgar sem taka til starfa í næstu viku þegar skólar hefjast.

Á brattann að sækja fyrir Ísland

Norðmenn ætla að leggja allan sinn þunga að baki framboði Íslands til Öryggisráðs Sameinuðu þjóðanna nú á lokasprettinum. Aðstoðarutanríkisráðherra Noregs segir á brattann að sækja, en er vongóður.

Alvarlegt slys í Hellisheiðarvirkjun

Alvarlegt slys varð í Hellisheiðarvirkjun fyrir stundu. Allt tiltækt lið lögreglu- og sjúkramanna á Selfossi var sent á staðinn ásamt liðsauka úr Reykjavík. Ekki er vitað hversu margir eru slasaðir en nokkrir munu vera alvarlega slasaðir og þar af einn lífshættulega. Jarðskjálfti að stærðinni 2,5 varð klukkan rúmlega hálf sjö í kvöld á svæðinu. Ekki er vitað hvort að sjálftin tengist sslysinu. Nánari upplýsingar fengust ekki að svo stöddu.

Jarðskjálfti norðaustan við Hvergerði

Í kvöld klukkan 18:38 varð jarðskjálfti að stærð 2,5 með upptök um 3 kílómetra norðaustan við Hveragerði. Þetta kemur fram í tilkynningu frá Veðurstofu Íslands.

Stólahrókeringar við Ráðhús til þess að mótmæla nýjum meirihluta

Ungliðahreyfingar Samfylkingarinnar og Vinstri - gærnna hyggjast bjóða upp á stólahrókeringar við Ráðhúsið í fyrramálið klukkan hálftíu, áður en aukaborgarstjórnarfundur, þar sem nýr meirihluti tekur við, hefst.

Þrír slösuðust í árekstri í Grímsnesi

Þrír voru fluttir á slysadeild Landspítalans eftir árekstur jeppa og fólksbíls við Borg í Grímsnesi.

Ekki vitað af Íslendingum um borð í spænsku vélinni

Ekki hafa borist fregnir af því að Íslendingur hafi verið um borð í flugvél Spainair sem brotlenti á Madrídarflugvelli í dag. Þetta segir Urður Gunnarsdóttir, upplýsingarfulltrúi utanríkisráðuneytisins.