Lemstraður og drukkinn undir stýri

Karlmaður var í Héraðsdómi Suðurlands í dag dæmdur til að greiða 130 þúsund krónur í sekt fyrir að aka undir áhrifum áfengis. Fullyrðingum mannsins um að hann hefði drukkið áfengi eftir að akstri lauk þótti ekki trúverðug.

Iðnaðarráðuneytið kynnir áætlun um olíuvinnslu við Jan Mayen

Skýrsla með tillögu að áætlun um útgáfu sérleyfa til leitar, rannsókna og vinnslu á olíu og gasi við Jan Mayen verður kynnt í iðnaðarráðuneytinu eftir helgi. Rannsóknir jarðeðlisfræðinga benda til þess að olíu og gasi í vinnanlegu magni geti verið að finna á svæðinu.

Larijani og Solana funda um kjarnorkumál á miðvikudag

Ákveðið hefur verið að Ali Larijani, helsti samningamaður Írana í kjarnorkumálum, fundi með utanríkismálastjóra ESB, Javier Solana, á miðvikudaginn kemur.

Dýrara að byggja

Vísitala byggingarkostnaðar hefur hækkað um 0,35 prósent frá því síðasta mánuði samkvæmt samantekt Hagstofunnar. Síðastliðna tólf mánuði hefur vísitalan hækkað um 12,4 prósent.

Laun hækkuðu um 0,3 prósent

Laun hækkuðu að meðaltali um 0,3 prósent í síðasta mánuði samkvæmt launavísitölunni. Síðastliðna tólf mánuði hafa laun hækkað að meðaltali um 9,7 prósent.

Slapp ómeiddur þegar herþota hrapaði í Svíþjóð

Flugmaður sænskrar orrustuþotu slapp ómeiddur þegar vélin brotlenti um miðjan dag í dag. Maðurinn var á æfingu nálægt herstöð í Vidsel í Norður-Svíþjóð og hugðist koma inn til lendingar þegar eitthvað gerðist.

Leita manns sem hótar að myrða líkt og Cho

Lögregla og sérsveitir hafa verið kallaðar út og skólum hefur verið lokað í borginni Yuba City nærri Sacramento í Kaliforníu vegna hótana manns um að myrða fjölda fólks líkt og Cho Seung-hui gerði í Virgina Tech háskólanum á mánudag.

Dráttarvagni ekið á vél Icelandair í Kaupmannahöfn

Flugvél á vegum Icelandair sem halda átti frá Kastrup-flugvelli í Kaupmannahöfn til Íslands um hádegisbil með um 200 farþega komst ekki í loftið vegna óhapps.

Óprúttinn leikur að veifa 500 störfum framan í Vestfirðinga

Mikil umferð risaolíuskipa yrði til og frá landinu ef olíuhreinsistöð yrði reist á Vestfjörðum. Loftmengun frá slíkri stöð myndi ganga á skjön við mengunarskuldbindingar Íslendinga samkvæmt Kyoto-sáttmálanum, segja Náttúruverndarsamtök. Þau kalla það óprúttin leik að veifa 500 störfum framan í Vestfirðinga.

Sólin skein á sumardaginn fyrsta

Sólin skein á flesta landsmenn í dag á sumardaginn fyrsta. Reykvíkingar fjölmenntu í Fjölskyldu- og húsdýragarðinn.

Þyrla Gæslunnar sótti slasaðan vélsleðamann

Þyrla Landhelgisgæslunnar var kvödd norður í land nú seinni partinn vegna manns sem meiddist í vélsleðaslysi norðan við Kaldbak í Hraunsfjalli á Látraströnd.

Húninum Knút hótað lífláti

Það er ekki alltaf tekið út með sældinni að vera frægur og dáður. Því hefur heimsfrægi húnninn Knútur sem býr í dýragarðinum í Berlín fengið að kynnast. Lífverðir fylgjast nú með hverri hreyfingu hans eftir að honum bárust líflátshótanir.

Reid:Íraksstríðið er tapað

Harry Reid, leiðtogi demókrata í öldungadeild Bandaríkjaþings, sagði George Bush Bandaríkjaforseta á fundi í gær að hann teldi að Íraksstríðið væri tapað og að viðbótarherafli sem sendur hefði verið nýverið til Íraks hefði engu skilað.

Skrautleg saga húsanna sem brunnu

Húsin sem brunnu í hjarta borgarinnar í gær eiga sér skrautlega sögu. Þaðan var Íslandi stjórnað af Jörundi hundadagakonungi, þarna var fyrsta alvöru ljósmyndastofan, hífaður lögrelguþjónn lék undir dansi, prestnemar lærðu, ölvaðir hírðust í Svartholinu og tískumeðvitaðir Íslendingar keyptu sér föt.

Stóðu vaktina í sautján klukkustundir

Slökkviliðsmenn stóðu vaktina í sautján klukkustundir í miðbæ Reykjavíkur í gær og í nótt vegna brunans þar. Hundrað og tíu starfsmenn slökkviliðsins voru að störfum þegar mest var.

Eins og tifandi tímasprengja

Rafvirki sem vann í húsunum sem brunnu í gær líkir ástandi rafmagnsmála í þeim við tifandi tímasprengju. Kristján Kristjánsson rafvirkjameistari vann að rafmagninu í húsinu á horni Lækjargötu og Austurstræti fyrir skemmstu.

Framleiðsla hafin í stærsta álveri landsins

Framleiðsla er hafin í Fjarðaáli, stærsta álveri á Íslandi. Fyrst um sinn verða aðeins fjörtíu ker keyrð í verksmiðjunni en búist er við að hún hafi náð fullum afköstum fyrir lok ársins.

Ekki sannfærð um að eldur hafi kviknað í rafmagnsljósi

Lögreglan virðist ekki lengur sannfærð um að stórbrunann í miðborg Reykjavíkur í gær megi rekja til rafmagnsljóss í söluturninum Fröken Reykjavík.

Lögregla harmar myndbirtingu NBC

Lögregla í Virginíu, sem rannsakar skotárásina í Virginia Tech háskólanum á mánudag, harmaði í dag þá ákvörðun NBC-sjónvarpsstöðvarinnar að sýna myndband sem morðinginn, Cho Seung-hui, sendi stöðinni. Þar líkir hann meðal annars dauða sínum við píslardauða Jesú Krists.

Lýsi hlaut útflutningsverðlaun forseta Íslands

Lýsi hlaut í dag útflutningsverðlaun forseta Ísland sem afhent voru við hátíðlega athöfn að Bessastöðum. Það var Katrín Pétursdóttir, framkvæmdastjóri fyrirtækisins, sem veitti verðlaununum viðtöku úr hendi Ólafs Ragnars Grímssonar, forseta Íslands.

Íslandshreyfingin kynnir fimm efstu sætin í NV-kjördæmi

Íslandshreyfingin - lifandi land kynnti í dag fimm fyrstu frambjóðendur sína í Norðvesturkjördæmi. Í fyrsta sæti er Pálína Vagnsdóttir, athafnakona úr Bolungarvík, Sigurður Valur Sigurðsson, ferðamálafræðingur frá Akranesi, í öðru sæti og Sólborg Alda Pétursdóttir, kennari úr Skagafirði, í því þriðja.

Sextán handteknir í partíi í Garðabæ í morgun

Lögreglan á höfuðborgarsvæðinu handtók í morgun 16 manns í partíi í Garðabæ eftir að fólkið hafði verið með uppsteyt við lögreglu sem hugðist leysa partíið upp.

Umferðarslys á Þorlákshafnarvegi

Umferðarslys varð á mótum Þorlákshafnarvegar og Suðurstrandarvegar um klukkan fjögur. Samkvæmt upplýsingum frá lögreglunni á Selfossi var um að ræða tvo bíla en ekki liggur fyrir hver tildrög slyssins voru.

Jón Viktor nær fyrsta áfanga að stórmeistaratitli

Jón Viktor Gunnarsson náði í dag fyrsta áfanga að stórmeistaratitli í skák þegar hann samdi jafntefli við alþjóðlega meistarann Innu Gaponenku frá Úkraínu.

Bók um Íslandstúr Sigur Rósar gefin út í sumar

Bók um ferðalag hljómsveitarinnar Sigur Rósar um Ísland á síðasta ári lítur dagsins ljós þann 1. júní. Bókin hefur fengið nafnið ´in a frozen sea - a year with sigur rós´ og er það Jeff Anderson sem er höfundur hennar, en forlag hans A+R, gefur bókina út.

Abbas segir Johnston á lífi

Mahmoud Abbas, forseti Palestínu, segir breska fréttamanninn Alan Johnston, sem rænt var á Gasasvæðinu fyrir um mánuði, enn á lífi.

Góð aðsókn á ferðahátíð í borginni

Mikil þátttaka hefur verið helstu dagskrárliðum ferðahátíðarinnar Ferðalangur á heimaslóð sem haldin er í dag í og við höfuðborgarsvæðið. Þetta er í fjórða sinn sem hátíðin er haldin en með henni á að hvetja almenning til að skoða umhverfi sitt með augum ferðamannsins.

Gonzales segir illa staðið að brottrekstri saksóknara

Alberto Gonzales, dómsmálaráðherra Bandaríkjanna, baðst í dag afsökunar á því hvernig staðið var að því reka átta alríkisssaksóknara úr starfi. Það gerði hann í yfirheyrslum fyrir dómsmálanefnd öldungadeildar Bandaríkjaþings.

Keimlík mörk hjá Messi og Maradona

Fátt komst annað að í spænskum fjölmiðlum í dag en draumamarkið sem Leo Messi skoraði fyrir Barcelona á móti Getafe í gærkvöldi. Spænska blaðið Marca sló upp fyrirsögninni "Messidona" og líkti drengnum við landa sinn Maradona.

Asnalæti vegna skúrs í Dallas

Það var heldur asnalegt mál sem tekið var fyrir í dómhúsi í Dallas í Texas í gær. Þar var asninn Buddy mættur í tengslum við deilur tveggja manna í borginni. Nágrannarnir John Cantrell og Gregory Shamoun deildu um skúr sem Shamoun er að byggja á lóð sinni.

Noregur verði kolefnishlutlaust land árið 2050

Jens Stoltenberg, forsætisráðherra Noregs og formaður norska Verkamannaflokksins, greindi frá því á landsfundi flokksins í dag stefnt yrði að því að Noregur yrði kolefnishlutlaust land árið 2050, fyrst allra landa.

Knútur með 15 lífverði eftir líflátshótanir

Hinn heimsfrægi húnn Knútur í dýragarðinum í Berlín sætir nú sérstakri gæslu eftir að honum bárust nýlega líflátshótanir. Eftir því sem fram kemur í þýska blaðinu bild barst dýragarðinum handskrifað bréf þar sem birninum er hótað en þýska lögreglan neitar að tjá sig meira um efni bréfsins.

Dato fyrsta fórnarlambið í fríblaðastríðinu í Danmörku

Tilkynnt var um það í dag að hætt yrði að gefa út danska fríblaðið Dato en blaðið rennur saman við annað slíkt, Urban. Fram kemur í dönskum miðlum að blaðið komi ekki oftar út .

Samfylkingin upp á landsvísu en niður í Suðvesturkjördæmi

Samfylkingin og Sjálfstæðisflokkurinn bæta við sig fylgi á landsvísu í nýrri könnun Capasent Gallups en Vinstri grænum fatast flugið og Framsókn tapar fylgi. Samfylkingin tapar hins vegar verulegu fylgi í Suðvesturkjördæmi en Vinstri grænir koma í fyrsta skipti mönnum á þing í kjördæminu, samkvæmt könnun Félagsvísindastofnunar fyrir Stöð 2.

Frambjóðendur í Frakklandi á lokaspretti kosningabaráttunnar

Síðustu kosningafundirnir vegna forsetakosninganna í Frakklandi á sunnudag fara fram í dag og hjá helstu frambjóðendum liggur leiðin suður á bóginn. Allt útlit er fyrir spennandi kosningar en Nicolas Sarkozy, frambjóðandi hægrimanna, nýtur mest fylgis samkvæmt nýrri skoðanakönnun.

Telur hundruð fugla hafa drepist vegna olíumengunar frá Muuga

Talið er líklegt að hundruð fugla hafi drepist vegna olíumengunar frá Wilson Muga í Hvalsnesfjöru. Starfsmaður Náttúrustofu Reykjaness fann í gærmorgun fyrstu olíublautu fuglana og hann gagnrýnir að vöktun á lífríkinu hafi ekki verið á svæðinu meðan skipið var þar.

Segja brunavarnir hafa verið í góðu lagi á Pravda

Eigendur skemmtistaðarins Pravda, sem brann til kaldra kola í gær, segja brunavarnir í húsinu hafa verið í mjög góðu ásigkomulagi og allar viðeigandi varúðarrástafanir hafi verið til staðar.

Maðurinn sem leitað var að heill á húfi

Maðurinn sem leitað hefur verið að í Reykjavík frá því á tíunda tímanum í gærkvöldi er kominn í leitirnar, heill á húfi.

Vill losna við fanga til að flýta endurbyggingu fangelsis

Framkvæmdir við nýtt fangelsi eru að hefjast á Akureyri. Verktaki vill losna við fangana í önnur fangelsi til að geta flýtt verkinu en það er tormerkjum bundið þar öll fangahús eru yfirfull.

Notuðu 300 loftkúta við reykköfun í gær

Slökkviliðsmenn notuðu um 300 loftkúta við reykköfun í brunanum í miðbæ í gær, en það jafngildir loftnotkun í 10 og hálfan sólarhring. Þetta sagði Jón Viðar Matthíasson, slökkviliðsstjóri höfuðborgarsvæðisins, í samtali við Stöð 2 nú í hádeginu. Hreinsunarstarf stendur nú yfir á staðnum þar sem Austurstræti 22 brann til kaldra kola.

Myndband sýnir hversu truflaður byssumaður var

Skotárásarmaðurinn í Virginíu sendi myndband til NBC sjónvarpstöðvarinnar sem hann útbjó að öllum líkindum milli árásanna tveggja. Þar líkir hann dauða sínum við píslardauða Jesú Krists. Skilaboð hans eru full af heift og á köflum reynist erfitt að skilja hvað hann er að segja.

Tjón í fyrirtækjum á Vitastíg vegna heitavatnsflóðs

Sjö manns voru fluttir á slysadeild Landspítalans eftir að þeir höfðu brennst á fæti þegar sjóðandi heitt vatn fossaði niður Vitastíg í gærkvöld. Tjón varð þegar sjóðandi vatn rann inní fyrirtæki og hús.

Sumardeginum fyrsta fagnað víða um land

Sumardagurinn fyrsti er í dag. Honum verður fagnað víða um land með skrúðgöngum og skemmtunum. Það ætti að gleðja landann að næturfrost var í nótt. Það ku vita á gott að sumar og vetur frjósi saman.

Útflutningsverðlaun forsetans afhent í dag

Útflutningsverðlaun forseta Íslands verða afhent að Bessastöðum í dag í nítjánda sinn. Verðlaunin eru veitt fyrir markvert framlag til eflingar á útflutningsverslun og gjaldeyrisöflun íslensku þjóðarinnar.

Fjölmenni á Andrésar Andar leikum fyrir norðan

Fjöldi manna og barna verður á skíðum í Hlíðarfjalli í dag, sumardaginn fyrsta. Fjallið opnaði klukkan hálfátta í morgun í sól og blíðu og tíu stiga frosti. Andrésar Andar leikarnir voru settir í gærkvöldi og hefst keppni í dag.