Disney sakað um arðrán

Walt Disney fyrirtækið hefur fyrirskipað rannsókn á ásökunum á hendur verksmiðjum í Kína sem framleiða ýmsan varning fyrir fyrirtækið.

Gaslind finnst í Norðursjó

Norska orku- og iðnfyrirtækið Hydro staðfesti í gær að það hefði fundið miklar gaslindir undan ströndum Noregs.

Al-Kaída lýsti ábyrgð

Þremur eldflaugum var skotið á skotmörk í Jórdaníu og Ísrael í gær. Ein sprakk rétt hjá bandarísku herskipi en önnur hafnaði nærri flugvelli. Einn maður lést í árásinni.

Náðugt hjá Ísraelsher

Brottfllutningi landtökumanna af Gaza-svæðinu miðar vel áfram. Ekki kom til neinna alvarlegra átaka á svæðinu í gær.

Skiptar skoðanir um flugvöll

Samstarfsnefnd samgönguráðherra og borgarstjóra kannar nú hvort flugvöllur á Lönguskerjum geti komið í stað Reykjavíkurflugvallar. Sturla Böðvarsson segir þetta framtíðarmál enda sé í gildi skipulag til ársins 2024. Forstjóri Flugleiða telur flugvellinum áfram best fyrirkomið í Vatnsmýrinni.

Leyfislausir leigubílstjórar

"Það eru nokkur mál í skoðun hjá okkur í dag og slík mál koma nokkuð reglulega upp," segir Sigurður Hauksson hjá eftirlitsdeild Vegagerðarinnar. Er Sigurður þar að tala um mál er varða misnotkun á atvinnuleyfum leigubílstjóra en eitthvað virðist um að óprúttnir fari ekki að lögum og reglum hvað þau varðar.

Tildrög óljós

Strætisvagnstjóri liggur alvarlega slasaður á gjörgæsludeild eftir að strætisvagn og vörubíll skullu saman á gatnamótum Suðurlandsbrautar, Laugavegar og Kringlumýrarbrautar um klukkan níu í morgun.

Vill kaupa heilt iðnaðarsvæði

"Seltjarnarnesbær hefur ekki tekið neina formlega afstöðu til þessara viðskipta," segir Jónmundur Guðmarsson, bæjarstjóri á Seltjarnarnesi.

Kjötfjöll úr sögunni

Hátt í fimmtíu tonn af kjöti hafa verið flutt til landsins á þessu ári. Neysla lambakjöts hefur aukist það mikið að allt kjöt frá síðustu sláturtíð klárast í haust.

Aldnir mega aka rútum

"Frá umferðaröryggissjónarmiði er þetta aldeilis út úr kú og ég mun beita mér fyrir því að þessu verði breytt," segir Birgir Hákonarson, framkvæmdastjóri umferðaröryggissviðs Umferðarstofu.

Flestir ánægðir með innflytjendur

Flestir Íslendingar eru tiltölulega ánægðir með innflytjendur hérlendis og áhrif þeirra á efnahagslífið, samkvæmt nýrri könnun Rauða kross Íslands. Þó vildi rúmur fimmtungur síður að múslímar byggju í nánd við þá.

Ófagleg vinnubrögð hjá Framsókn

Stefán Jón Hafstein borgarfulltrúi túlkar uppákomuna í borgarráði í hádeginu í gær sér í hag. Hann segir þetta þó ekki fagleg vinnubrögð hjá framsóknarmönnum.

Verðbólgukippur í aðsigi

KB-banki spáir því að verðbólga taki kipp á næstu mánuðum. Ekkert lát er á hækkun fasteignaverðs. Nýjasta vísitölumæling sýnir hækkun íbúðaverðs á höfuðborgarsvæðinu um 3,4 prósent á aðeins einum mánuði og hækkun á sérbýli um 50 prósent á einu ári.

Bíða álits forsætisnefndar

Þingflokkur Samfylkingarinnar hyggst bíða með að birta upplýsingar um fjárhags- og hagsmunatengsl þingmanna sinna þar til forsætisnefnd hefur fjallað um málið og ákveðið hvort setja skuli almennar reglur fyrir þingmenn um slíkt. Framsóknarmenn gagnrýna þetta og kalla eftir efndum.

Setning HR og Tækniháskólans

Fyrsta skólasetning sameinaðs skóla, Tækniháskólans og Háskólans í Reykjavík var í dag. Metfjöldi umsókna er um vist í skólanum eða átján hundruð og fékk liðlega helmingur skólavist. Boðið verður upp á tíu nýjar námsbrautir, en meðal þeirra eru verkfræðigreinar sem ekki hefur verið boðið upp á hér á landi áður, svo sem fjármála- og heilbrigðisverkfræði.

Vilja síður múslima sem nágranna

Tuttugu og tvö prósent Íslendinga vilja ekki búa í næstu íbúð við múslima ef marka má könnun sem IMG Gallup gerði fyrir Rauða kross Íslands um viðhorf Íslendinga gangvart minnihlutahópum.

Friðarmamman farin heim

Friðarmamman Cindy Sheehan, sem hefur haldið til fyrir utan búgarð Bush forseta frá síðustu mánaðamótum  gafst upp í gærkvöldi. Hún hafði heitið því að vera við búgarðinn í Texas þar til Bush hitti hana og svaraði spurningum hennar.

Búist við fjölmenni í miðbæinn

Búist er við fjölda fólks á Menningarnótt en þó færri gestum en á síðasta ári þegar 104.000 manns voru í miðbænum. "Það verður prýðilegasta veður yfir daginn," segir Sigurður Þ. Ragnarsson veðurfræðingur. "Það verða smá skúrir fyrripartinn en þornar upp þegar líður á daginn en vindurinn verður eilítið meiri með kvöldinu."

Lyfjarisi fær 16 milljarða sekt

Kviðdómur í Texas komst í kvöld að þeirri niðurstöðu að lyfjarisinn Merck & Co. bæri ábyrgð á dauða manns sem hafði tekið inn verkjalyfið Vioxx og lést úr hjartaáfalli. Ekkja mannsins fær andvirði rúmra sextán milljarða íslenskra króna í skaðabætur. 

Vill ekki flugvöll á Löngusker

"Þeir hugsa nú bara um sjálfa sig þessir kappar og hugsa ekki um aðra," segir Gunnar I. Birgisson, bæjarstjóri í Kópavogi, og líst ekkert á hugmyndir um byggingu nýs flugvallar á Lönguskerjum sem borgaryfirvöld hafa rætt um við fulltrúa FL Group og dótturfélags þess, Flugfélags Íslands.

Nú má guð bíða aðeins lengur

117 ára gömul kona, sem kann að vera sú elsta í heimi, gekkst í gær undir augnaðgerð. "Hér áður bað ég guð um að fara að taka við mér en nú þoli ég að bíða aðeins lengur," sagði Hanna Barisevitsj frá Hvíta-Rússlandi eftir að hún gekkst undir aðgerðina.

Deilt um breytingar á leiðakerfi

Ágreiningur í stjórn Strætó bs. á fundi í gær varð til þess að Björk Vilhelmsdóttir stjórnarformaður dró til baka tvær tillögur sínar um breytingar á þjónustu strætisvagna. Meirihluti stjórnar telur að kostnaður við breytingar á þjónustutíma, leiðakerfi og tímatöflum verði of mikill.

Dróst 20 metra með vörubílnum

Sjö voru fluttir á slysadeild eftir harðan árekstur strætisvagns og vörubifreiðar á gatnamótum Laugavegs, Suðurlandsbrautar og Kringlumýrarbrautar á tíunda tímanum í gærmorgun.

R-listinn endanlega úr sögunni

Samfylkingin ætlar að bjóða fram eigin lista fyrir næstu borgarstjórnarkosningar. Þetta var ákveðið á fundi fulltrúaráðs Samfylkingarinnar sem haldinn var í gærkvöldi.Þar með er ljóst að R-listinn er úr sögunni, en samstarf félagshyggjuflokkanna í Reykjavík hefur staðið yfir í tæp tólf ár.

Ekki alvarlega slösuð eftir fall

Þriggja ára stúlka féll niður á steinsteypt hlöðugólf, úr nokkurra metra hæð, í Staðarsveit á Snæfellsnesi í gærkvöldi. Stúlkan hlaut áverka á höfði og var flutt með þyrlu landhelgisgæslunnar á slysadeild Landspítala háskólasjúkrahúss.

Innflutningshöft á kínversk föt

Bandaríkin og Kína eru nálægt því að komast að samkomulagi um umfangsmikla takmörkun á innflutningi á kínverskri vefnaðarvöru og kínverskum fatnaði til Bandaríkjanna. Bandarískir framleiðendur fatnaðar og vefnaðarvöru hafa lagt mikla áherslu á að höft verði sett á innflutning á vörum frá Kína.

Heræfingar Rússa og Kínverja

Rússar og Kínverjar hafa tekið höndum saman og æfa heri sína sameiginlega í tilraun sem stendur yfir næstu átta daga. Flug, sjó og landherir ríkjanna æfa nú stíft en í tilkynningu frá yfirvöldum beggja ríkja kemur fram að æfingar þessar séu ekki til að hræða neinn heldur sé tilgangurinn að styrkja samband ríkjanna sem löngum hefur verið ansi stíft.

Eldur í bíl á Akureyri

Eldur kom upp í bíl á Akureyri í gærkvöldi og sýndu starfsmenn Norðurleiðar mikið snarræði þegar þeir hlupu með slökkvitæki á staðinn og aðstoðuðu bílstjórann við að slökkva eldinn.

SAS selur aðra leið

SAS flugfélagið hefur skorið upp herör gegn lággjaldaflugfélögum, og mun hér eftir aðeins selja miða aðra leiðina, á flugleiðum sínum í Evrópu. Talsmaður flugfélagsins segir að þetta sé það sem viðskiptavinirnir vilji í stað þess að vera neyddir til þess að kaupa miða báðar leiðir, með allskonar skilyrðum um dvalarlengd og dvalardaga erlendis.

Sprengjuárásir í Bangladesh

Að minnsta kosti tveir létust og rúmlega 130 særðust þegar um 100 litlar sprengjur sprungu í Bangladesh í gær. Um 50 manns hafa verið handteknir vegna málsins en um heimagerðar sprengjur var að ræða og var mörgum þeirra komið fyrir við opinberar byggingar.

Gagnrýna aðgerðir lögreglu

Náttúruverndarsamtök Íslands gagnrýna harðlega aðgerðir lögreglu og Útlendingastofnunar gegn hópi fólks sem mótmælt hefur umhverfisspjöllum við Kárahjúka og byggingu álbræðslu við Reyðarfjörð.

Eldur í blokk í Hafnarfirði

Eldur kom upp í þriggja hæða fjölbýlishúsi í Hafnarfirði í nótt, en tilkynnt var um eldinn um klukkan tuttugu mínútur í tvö. Lögreglumenn í Hafnarfriði höfðu náð að slökkva eldinn með handslökkvitæki þegar bílar frá slökkviliði höfuðborgarsvæðisins komu á vettvang.

Vilja ferðamenn á ný

Yfirvöld í Lundúnum ætla að eyða milljónum punda í auglýsingaherferð sem miðar að því að fá ferðamenn til borgarinnar en þeim hefur fækkað mikið í borginni síðan hryðjuverkaárásirnar voru gerðar í lestum og strætisvagni borgarinnar þann 7. júlí síðastliðinn.

Oddaflug ekki yfirtökuskylt

Yfirtökunefnd hefur komist að þeirri niðurstöðu að Eignarhaldsfélagið Oddaflug sé ekki yfirtökuskylt í FL Group vegna þeirra breytinga sem urðu á eignarhaldi í félaginu þann 1. júlí. Félagið Oddaflug er í eigu Hannesar Smárasonar, stjórnarformanns FL Group. Hlutabréf í FL Group hafa lækkað í verði á markaði eftir að félagið birti sex mánaða uppgjör.

Nemendum fer hægt fjölgandi

Leiða má líkum að um 105 þúsund einstaklingar hefji nám í skólum landsins í næstu viku en flestir skólar hefja starfsemi sína þá eftir sumarfrí. Voru nemendur alls tæp 104 þúsund talsins á öllum skólastigum í fyrrahaust en allmargir skólar hafa tilkynnt um aukinn fjölda nemenda milli ára.

Fjórir skæruliðar drepnir í Riyadh

Fjórir meintir skæruliðar voru drepnir og nokkrir til viðbótar handteknir eftir byssubardaga við öryggissveitir í Sádi-Arabíu í morgun. Lögregla umkringdi hús norður af höfuðborginni Riyadh, drap þar tvo eftirlýsta byssumenn og handsamaði þann þriðja.

Krefjast afsagnar Ian Blair

Ian Blair, lögreglustjóri Lundúnaborgar, verður að segja af sér, segja ættingjar Brasilíumannsins Jeans Charles de Menezes, sem skotinn var í misgripum í neðanjarðarlestarstöð í borginni í síðasta mánuði.

Tafir í Leifsstöð vegna vatnsleka

Allt að helmingi innritunarborða í Leifstöð hefur verið lokað þar sem vatnsrör sprakk á þriðju hæð byggingarinnar í morgun sem olli vatnstjóni á fyrstu hæð. Starfsfólk flugstöðvarinnar vill þar af leiðandi biðja farþega sem halda út með flugi í dag að mæta tímanlega því búast má við einhverri töf í innritun.

Lét lífið fyrir eigin sprengju

Sautján ára norskur piltur lét lífið þegar sprengja sem hann var að setja saman heima hjá sér sprakk í loft upp. Pilturinn hafði fundið leiðbeiningar á Netinu um hvernig búa ætti til sprengju en lögregla segir enga ástæðu til að gruna að hryðjuverk hafi verið í undirbúningi. Bróðir piltsins slasaðist einnig í sprengingunni. Talsmenn lögreglu segja allt benda til þess að um barnaskap unglinga hafi verið að ræða.

Dómur gæti legið fyrir í janúar

Dómur í Baugsmálinu, í Héraðsdómi, gæti í fyrsta lagi legið fyrir um miðjan janúar næstkomandi.

Lögreglustjóri vildi ekki rannsókn

Yfirmaður lögreglunnar í Lundúnum vildi að lögreglan sjálf rannsakaði tildrög þess að lögreglumenn skutu Brasilíumann til bana á lestarstöð í júlí og mælti gegn utanaðkomandi rannsókn. Ekki var farið að beiðni hans en rannsóknarnefndin fékk ekki aðgang að lestarstöðinni fyrr en þremur dögum eftir atvikið. </font /></b />

Milljón pílagrímar bíða páfa

Hundruð þúsunda ungmenna frá 184 löndum eru saman komin í Köln í Þýskalandi og bíða komu Benedikts páfa XVI. en alþjóðleg hátíð kaþólskra ungmenna stendur nú yfir í borginni.

Helmingur brúða undir lögaldri

Nær helmingur allra brúða í Afganistan eru yngri en 16 ára og á afskekktum svæðum landsins eru stúlkubörn allt niður í sex ára gefin í hjónabönd samkvæmt upplýsingum sem AP fréttastofan hefur frá Sameinuðu þjóðunum.

Saurgerlar í Munaðarnesi

Saurgerlar og Kampfýlobakteríur hafa fundist í drykkjarvatni orlofshúsa í Munaðarnesi í Borgarnesi. Viðvörun vegna þessa hefur verið dreift til íbúa á svæðinu.

Sér eftir R-listanum

R-listinn hefur sungið sitt síðasta. Á fulltrúaráðsfundi Samfylkingarinnar í gærkvöldi var ákveðið að flokkurinn byði fram undir eigin nafni í næstu borgarstjórnarkosningum. Formaður Samfylkingarinnar horfir á eftir listanum með eftirsjá.