Eyfirðingar í eina sæng

Bæjaryfirvöld á Akureyri, Siglufirði og í Dalvíkurbyggð hafa lagt til að öll tíu sveitarfélögin á Eyjafjarðarsvæðinu sameinist í eitt. Sveitarstjórnarmenn í a.m.k. sex sveitarfélögum eru hlynntir sameiningu að uppfylltum ákveðnum skilyrðum. </font /></b />

Samstarf um vistun sjúklinga

Samstarf hefur tekist með Landspítala - háskólasjúkrahúsi og St. Franciskusspítala Stykkishólmi í vistunarmálum og umönnun hjúkrunarsjúklinga, samkvæmt viljayfirlýsingu forstöðumanna stofnananna.

Miltisbrandsjörð enn ógirt

Miltisbrandssýkta bújörðin Sjónarhóll á Vatnsleysuströnd er enn ógirt þrátt fyrir smithættu. Mánuður er nú liðinn frá því þrjú hross drápust vegna eitrunar á jörðinni og talið var brýnt að girða svæðið af og merkja sem hættusvæði.

Synjað um ferðaþjónustu fatlaðra

Þremur fötluðum ellilífeyrisiþegum hefur verið synjað um ferðaþjónustu fatlaðra í þessari viku á þeim forsendum að þeir séu of gamlir. Í synjuninni er stuðst við nýjar reglur sem enn hafa ekki verið samþykktar. Mistök sem verða leiðrétt, segir formaður félagsmálaráðs.

Eftirmaður Arafats valinn

Síðasti dagur kosningabaráttunnar á sjálfsstjórnarsvæðum Palestínumanna var í dag og um helgina verður eftirmaður Jassirs Arafats kjörinn. Vonir standa til að um leið lifni yfir friðarferlinu.

Spá enn frekari lækkun vaxta

Greiningardeildir viðskiptabankanna spá því að vextir hjá Íbúðalánasjóði lækki enn frekar og fari jafnvel niður fyrir þá vexti sem viðskiptabankarnir bjóða. Það gæti því stefnt í enn eitt kapphlaup fjármálastofnana um lægstu vextina.

Þúsund fermetrar ónotaðir

Þúsund fermetrar í húsnæði Orkuveitu Reykjavíkur standa auðir og ónotaðir. Þetta stendur til bóta, segir forstjórinn, en stofnanir Reykjavíkurborgar munu leigja húsnæðið af Orkuveitunni.

Taka ruslið með heim til sparnaðar

Börn í nokkrum skólum Reykjavíkur eru látin taka ruslið með sér heim til að spara skólunum fé. Ætlunin er einnig að gera börnin meðvituð um umhverfismál.

Aðalskipulag ekki staðfest

Skipulagsstofnun hefur ekki sent tillögu Seltjarnarnesbæjar að nýju aðalskipulagi til staðfestingar hjá umhverfisráðherra heldur óskað eftir frekari upplýsingum frá bæjaryfirvöldum.

Samráðssektir innheimtar strax

Forsvarsmenn olíufélaganna og Samkeppnisstofnunar mæta fyrir áfrýjunarnefnd samkeppnismála á mánudaginn. Ef nefndin staðfestir ákvörðun samkeppnisráðs verða 2,6 milljarða króna sektir innheimtar strax.

Metboð í blokkarlóðir

Rúmlega 200 milljónir króna voru boðnar í byggingarrétt á þrjátíu íbúðum í tveimur blokkum í Bjarkarási í Garðabæ í gær. Það þýðir tæplega 6,7 milljónir á íbúð.

Sameining landbúnaðarskóla í einn

Um áramótin tók Landbúnaðarháskóli Íslands til formlegra starfa. Í honum sameinast Landbúnaðarháskólinn á Hvanneyri, Rannsóknarstofnun landbúnaðarins og Garðyrkjuskóli ríkisins.

IRA sakað um bankarán

Hugh Orde, yfirmaður lögreglunnar í Norður-Írlandi, sakar Írska lýðveldisherinn (IRA) um að hafa staðið á bak við bankaránið í Belfast 20. desember þegar um þremur milljörðum króna var stolið.

Átján létust í lestarslysi

Átján manns létust í lestarslysi skammt frá borginni Bologna á Ítalíu í gær. Mikil þoka var á svæðinu þegar farþegalest lenti í árekstri við flutningalest með fyrrgreindum afleiðingum. Talið er að skyggni hafi verið minna en fimmtíu metrar.

Friðargæsluliðar misnotuðu konur

Friðargæsluliðar Sameinuðu þjóðanna misnotuðu konur og stúlkur kynferðislega í Kongó samkvæmt nýrri skýrslu Sameinuðu þjóðanna sem gerð var opinber í gær.

Áramótin að mestu slysalaus

Áramótunum var fagnað með tilheyrandi sprengingum og eldglæringum. Þrátt fyrir það voru áramótin að mestu slysalaus víðast hvar þótt einstaka skugga bæri á.

Máttur viljans ótrúlegur

"Uppbyggingin verður hæg, peningar sem hefur verið lofað munu ekki alltaf skila sér og sorgin mun vofa yfir, en máttur viljans getur verið ótrúlegur," segir Ali Jewshai, embættismaður í írönsku borginni Bam, um þá tíma sem eru í vændum í Suðaustur-Asíu.

Fangar smíða líkkistur

Taílendingar leggja nótt sem dag við að finna lík fórnarlamba flóðbylgjunnar og jarðsetja þau. Sjálfboðaliðar flykkjast af hamfarasvæðunum og fangelsi hafa verið rýmd svo fangar geti aðstoðað við að telja líkin og smíða líkkistur.

Alvarlega slösuðum fækkar mest

Banaslysum hefur ekki fjölgað þrátt fyrir aukna umferð síðustu tuttugu ár. 23 hafa látist í umferðinni það sem af er árinu, jafnmargir og í fyrra. Mestur árangur er að fækka þeim slasast alvarlega en þeir voru 419 fyrir tuttugu árum. </font /></b />

Bandaríkjamenn gefa ekkert upp

Dómsmálaráðuneytið bandaríska gefur ekki upp rökstuðning eða bakgrunn ákvarðana sinna og lætur ekkert uppi um mögulegar fyrirætlanir sínar, segir Michael Kulstad, upplýsingafulltrúi ráðuneytisins.

Skýt enn upp flugeldum

Á hverju ári verða slys vegna flugelda. Þorsteinn Haraldsson fékk brot frá flugeldi í augað þegar hann var þrettán ára og hefur ekki haft sjón á því síðan.

Endurskin til útivistarfólks

Sýslumannsembættin á Seyðisfirði og Eskifirði hafa hafið átak í notkun endurskinsmerkja. Reynt verður að ná til þeirra sem stunda útivist í skammdeginu.

Mislæg gatnamót rísa

Mislæg gatnamót munu rísa á Hellisheiði við Þrengslavegamót á næsta ári. Til stendur að færa hringveginn á heiðinni og bæta við einni akrein frá Litlu kaffistofunni að Hveradalabrekku að sögn Svans Bjarnasonar.

Æ fleiri selja flugelda

Flugeldasala nær hámarki í dag en sölustaðir flugelda eru tæplega fimmtíu í ár. Sölustöðum hefur fjölgað um fimmtung frá því í fyrra og ber æ meira á því að einkafyrirtæki keppi við björgunarsveitir og íþróttafélög um hituna.

Lík brennd eða sett í fjöldagrafir

Hætt við kóleru og malaríu

Hjálp vegna hörmunganna í Asíu berst víða að og er að mörgu að hyggja. Hætta á smitsjúkdómum í kjölfar jarðskjálftanna eykst gífurlega vegna ástandsins á hörmungarsvæðunum.

Ár fjölmiðlafrumvarpsins

Stjórnmálaspekingar fjölmiðlanna eru á einu máli um að fjölmiðlafrumvarpið hafi verið helsta málið í íslenskri pólitík á árinu. Sínum augum lítur þó hver silfrið. </font /></b />

Dramatískt ár Davíðs

Langflestir stjórnmálaspekinganna sem Fréttablaðið ræddi við nefndu Davíð Oddsson þegar spurt var um hver stæði upp úr í íslenskum stjórnmálum á árinu. Ólafur Teitur Guðnason segir: "Davíð Oddsson, sem mætti gífurlegu andstreymi vegna fjölmiðlalaganna og einnig vegna Íraksmálsins en hefur þrátt fyrir það sterka stöðu nú í árslok. Þetta hefðu fáir leikið eftir."

Fylgislaus á hátindi ferilsins

Halldór Ásgrímsson er á hátindi ferils síns, orðinn forsætisráðherra þrjátíu árum eftir að hann settist á þing og rúmum tuttugu árum eftir að hann settist fyrst í ríkisstjórn. "Halldór er fylgislaus forsætisráðherra. Hefur átt í miklum vandræðum með Íraksmálið og hrakist úr einu horni í annað með það" segir Egill Helgason.

Tapað fundið

Guðjón A. Kristjánsson og Frjálslyndi flokkurinn ganga sífellt betur í takt við vinstri flokkana í stjórnarandstöðu. "Maður hefur stundum þurft að klípa sig í kinnina til að muna að Addi Kidda Gau hafi einhvern tímann verið í Sjálfstæðisflokknum.

Gungu og drusluárið

Stjórnmálaskýrendur virðast almennt sammála um að Steingrímur J. Sigfússon hafi spólað í sömu förunum 2004 og áður.

Spurt um trúverðugleika

Össur Skarphéðinsson þykir koma frekar vel út úr árinu 2004 - innan Samfylkingarinnar að minnsta kosti: "Össur hefur frekar styrkt stöðu sína en hitt, það er að segja í valdabaráttu við Ingibjörgu Sólrúnu. Út á við er alltaf spurning um trúverðugleika hans.

Gamalmenni í peysufötum

Árið 2004 var ekki ár nýliða í íslenskum stjórnmálum: "Athyglisverðustu nýliðarnir í pólitík eru kannski öll þessi kinnarjóðu, gagnrýnislausu, bústnu gamalmenni úr öllum flokkum sem hafa sest á þing, í peysufötunum sínum, í krafti þess að þau séu fulltrúar ungu kynslóðarinnar", segir Þóra Kristín Ásgeirsdóttir.

Axarskaft ársins: Dijon-sinnep

Fjölmiðlafrumvarpið nefna flestir sem axarskaft ársins en fast á hæla þess koma mál friðargæslunnar.

Höfuðkúpubrotnaði á veitingastað

Kalrmaður liggur höfuðkúpubrotinn á gjörgæsludeild Landspítalans eftir að hann, ásamt konu, féll niður stiga á veitingastað í miðborginni í nótt. Hann er þungt haldinn en ekki er vitað hvernig slysið varð. Konan slapp lítið meidd.

169 létust í eldsvoða í Argentínu

Að minnsta kosti 169 ungmenni létust og 375 slösuðust í bruna í næturklúbbi í Buenos Aires í Argentínu í nótt. Mikill ótti greip um sig á staðnum með þeim afleiðingum að fólk kramdist við neyðarútganga sem höfðu í sumum tilfellum verið bundnir fastir.

Búist við ofsaveðri

Gert er ráð fyrir suðvestan og vestan ofsaveðri, eða 23-28 metrum á sekúndu, á Suður- og Vesturlandi um tíma síðdegis að sögn Veðurstofunnar. Búist er við að veðrið bresti á á tímabilinu frá klukkan 16 til 18 og að það muni vara í eina til tvær klukkustundir með ofankomu og slæmu skyggni.

Skoteldar tendraðir með varúð

Búist er við stormi á Suður- og Vesturlandi síðdegis. Óskar Bjartmarz, varðstjóri hjá lögreglunni í Reykjavík, biður fólk að fara að reglum um meðferð skotelda og hafa aðstæður í huga. Uppgötvast hefur að Landsbjörg hefur selt eitthvað af gölluðum flugeldum sem fólk er beðið að skila sem fyrst.

Nýr kjarasamningur undirritaður

Félag tónlistarskólakennara og Félag íslenskra hljómlistarmanna og Launanefnd sveitarfélaga undirrituðu nýjan kjarasamning í húsakynnum ríkissáttasemjara um klukkan ellefu í gærkvöldi. Kjarasamningurinn hefur gildistíma til 30. september 2006.

Sjúkraflugi fjölgar mjög

Farin hafa verið 300 sjúkraflug frá Akureyri í ár sem er tuttugu og níu fleiri sjúkraflug en í fyrra og 112 fleiri en árið þar áður. Flugfélag Íslands annast sjúkraflug frá Akureyri en slökkviliðið leggur til sjúkraflutningamenn og læknar koma frá Fjórðungssjúkrahúsinu á Akureyri. Þjónustusvæðið nær yfir allt norðanvert landið og allt til Grænlands.

75% sátt við utanríkisráðherrann

Sjötíu og fimm prósent Svía eru sátt við frammistöðu Leilu Freivalds, utanríkisráðherra Svíþjóðar, vegna hamfaranna við Indlandshaf.  Freivalds hafði verið gagnrýnd fyrir langan viðbragðstíma eftir að flóðbylgjurnar dundu yfir og fyrir að hafa farið í leikhús áður en hún mætti í utanríkisráðuneytið vegna málsins.

Flytja Svía og Norðmenn frá Asíu

Íslensk stjórnvöld hafa boðist til að aðstoða við að koma slösuðum Svíum og Norðmönnum frá Asíu til síns heima eða á sjúkrahús. Íslenskt hjálparlið er í viðbragðsstöðu til að halda utan. Halldór Ásgrímsson forsætisráðherra ræddi í gær við Göran Persson, forsætisráðherra Svíþjóðar, og Kjell Magne Bondevik, forsætisráðherra Noregs, vegna náttúruhamfaranna í Asíu.

Ný úrskurðarnefnd um upplýsingamál

Forsætisráðherra hefur skipað í úrskurðarnefnd um upplýsingamál til næstu fjögurra ára. Nefndarmenn verða Páll S. Hreinsson prófessor sem jafnframt verður formaður nefndarinnar, Friðgeir Björnsson héraðsdómari og Sigurveig Jónsdóttir blaðamaður.

Geymdi þýfið í kjallaranum

Brotist var inn í íbúð í fjölbýlishúsi í Breiðholti í gærkvöldi og þaðan stolið ýmsum raftækjum og skartgripum. Við nánari athugun lögreglu fannst þýfið falið í kjallara í stigagangi hússins og er talið að þjófurinn hafi ætlað að vitja þess síðar. Hann gerði það hins vegar ekki í nótt og er því ófundinn.

Hjálparstarfið komið í fullan gang

Hátt í 130 þúsund manns eru nú taldir af eftir hamfarirnar við Indlandshaf á annan í jólum og er talið víst að sú tala eigi eftir að hækka töluvert. Fjöldi flutningabifreiða með matvæli, lyf og líkpoka er nú kominn á hamfarasvæðin og birgðum er kastað úr flugvélum til afskekktra þorpa.