Ísland í hættu vegna listans?

Talið er líklegt að írakskir öfgahópar og mannræningjar viti að Ísland er á lista hinna viljugu þjóða í Íraksstríðinu. Þessi listi er víða orðinn mikið viðkvæmnismál og hefur ríkisstjórn Kosta Ríka farið fram á að landið verði fjarlægt af honum. Þá hefur listinn verið tekinn af heimasíðu Hvíta hússins.

Ráðherra beitir sér ekki

Félagsmálaráðherra segist ekki að ætla að beita sér fyrir því að launþegar á almennum vinnumarkaði öðlist rétt til sumarleyfis á launum í fæðingarorlofi eins og ríkisstarfsmenn. Hann segir Fæðingarorlofssjóð ekki geta staðið undir slíkum skuldbindingum.

Vatnið streymir til Eyja

Ferskt vatn tók að streyma til Vestmannaeyja á ný í kvöld þegar lokið var við bráðabirgðaviðgerð á annarri af tveimur vatnsleiðslum sem grafnar voru í sundur.

Ráðherra harðorður um Hæstarétt

Björn Bjarnason dómsmálaráðherra sagði Hæstarétt hafa gert nokkur afdrifarík mistök í dómum sínum sem hefðu neytt stjórnvöld til að bregðast við með lagasetningu. Harkalegri viðbrögð en búast mátti við segir Atli Gíslason hæstaréttarlögmaður og varaþingmaður Vinstri-grænna.</font /></b />

69% læra erlent tungumál

Um 69 prósent framhaldsskólanema stunduðu nám í einhverju erlendu tungumáli skólaárið 2002 til 2003 samkvæmt tölum frá Hagstofu Íslands. Tæplega 73 prósent stúlkna stunduðu nám í erlendu tungumáli samanborið við tæplega 65 prósent drengja.

Óska eftir 2.500 sjálfboðaliðum

Landssöfnunin "Göngum til góðs" hefst laugardaginn 2. október. Þá munu íþróttamenn fara í tveggja tíma göngu í hús með söfnunarbauka milli klukkan 11 og 13 og safna peningum til handa börnum á stríðssvæðum.

Farið fram á framsal

Lögreglan hefur farið fram á það við hollensk yfirvöld að Íslendingur sem tengist umfangsmiklu fíkniefnamáli verði framseldur til landsins. Ásgeir Karlsson, yfirmaður fíkniefnadeildar lögreglunnar í Reykjavík, segir ekki enn ljóst hvort orðið verði við beiðninni.

Yfirlýsing samin í tölvu Jóns

Yfirlýsing þar sem gagnrýnd er umsögn meirihluta Hæstaréttar um Jón Steinar Gunnlaugsson, sem er einn umsækjanda um stöðu hæstaréttardómara, var samin í tölvu Jóns Steinars sjálfs. Þetta kom fram í fréttum Sjónvarps í gær.

Nauðgað til að tryggja giftingu

Fjöldi eþíópískra stúlkna hefur orðið fórnarlamb manna sem ræna þeim og nauðga. Þannig vilja mennirnir tryggja að þeir fái að giftast þeim og þurfi ekki að greiða foreldrum þeirra jafn mikið og ella væri raunin.</font /></b />

Ómanneskjuleg afstaða kennara

Engar undanþágur hafa verið veittar í yfirstandandi kennaraverkfalli. Í gær hafnaði fulltrúi kennara í undanþágunefnd að veita undanþágu vegna kennslu fatlaðra barna en fulltrúi sveitarfélaga vildi veita undanþágu. Alls tók nefndin afstöðu til fimm beiðna og hafnaði þeim öllum.

Siv í varaformaður efnahagsnefndar

Samkvæmt heimildum Fréttablaðsins mun Siv Friðleifsdóttir, fráfarandi umhverfisráðherra, taka við embætti varaformanns efnahags- og viðskiptanefndar þegar þing kemur saman á ný eftir næstu mánaðamót. Gengið verður frá skipan þingmanna í þingnefndir á þingflokksfundi Framsóknarflokksins á þriðjudag.

Ástæðulausar áhyggjur

"Erlent vinnuafl sem kemur til sérhæfðra starfa við Kárahnjúka truflar íslenskt atvinnuumhverfi ekki neitt að mínu mati. Það er ástæðulaust að hafa áhyggjur af því," sagði Friðrik Sophusson, forstjóri Landsvirkjunar, á ársfundi Vinnumálastofnunar í gær.

Fundur að hefjast

Samninganefndir í kennaradeilunni eru þessa stundina að mæta á samningafund hjá Ríkissáttasemjara, eftir að hann frestaði frekari fundarhöldum á sunnudag, þar sem himinn og haf skildu deilendur að.

Vatnslaust í Eyjum á næstunni?

Báðar ferskvatnsleiðslurnar ofan af landi til Vestmannaeyja rofnuðu í gær og gæti orðið vatnsskortur í Eyjum eftir nokkra daga. Grunur leikur á að grafa á dýpkunarpramma, sem verið hefur við vinnu við innsiglinguna til Eyja að undanförnu, hafi rofið leiðsluna.

6 handteknir vegna LSD máls

6 manns haf verið handteknir og þar af 4 úrskurðaðir í gærluvarðhald í kjölfar þess að stór sending af ofskynjunarlyfinu LSD fannst í póstsendingu til Vestmannaeyja nýverið og reyndist vera angi af einhverju stærsta fíkniefnamáli sem upp hefur komið hér á landi til þessa.

Manntjón af völdum Jeanne

175 þúsund manns urðu fyrir barðinu á fellibylnum Jeanne þegar hann gekk yfir Haítí. Ástandið í landinu er vægast sagt skelfilegt, lík hrannast upp og hjálparstarfsmenn neyðast til að urða þau í fjöldagröfum. Það er meginverkefni hjálparstarfsmannanna auk þess sem þeir dreifa matvælum til tugþúsunda sem hafa hvorki vott né þurrt.

Breski gíslinn grátbiður Blair

Breski gíslinn, sem mannræningjar í Írak hóta að skera á háls, grátbiður Tony Blair um að þyrma lífi sínu á myndbandsupptöku sem birt var á íslamskri netsíðu í nótt. Kenneth Bigley er síðasti gíslinn af þremur í haldi sömu mannræningja, en hinir tveir hafa þegar verið drepnir. Hann endurtók í sífellu að hann vildi ekki deyja í Írak.

Háspennustrengur slitnaði

Minnstu munaði að stjórtjón yrði í eggjaklakstöð á Eyrarbakka í gærkvöldi, eftir að grafa sleit háspennustreng frá Selfossi til Eyrarbakka og Stokkseyrar og rafmagn fór af. Það var um klukkan sex og komst rafmagn ekki aftur á fyrr en eftir miðnætti. Klakstarfssemin byggir á stöðugu rafmagni til að klakið heppnist, en rafmagnsleysið viðrist ekki hafa haft alvarlegar afleiðingar.

Olían hækkar enn

Olíuverð hækkaði enn á ný í gær og var komið yfir 48 dollara á fatið áður en lokað var á markaði í gær. Síðan lækkaði verðið rétt niður fyrir 48 dollara. Þetta gerðist þegar orkumálaráðuneytið staðfesti að gengið hefði á eldsneytisbirgðir í kjölfar fjölda fellibylja undanfarnar vikur.

Kaup KB á FIH loks samþykkt

Danska fjármálaeftirlitið hefur loks samþykkt kaup KB banka á danska bankanum FIH, en danskir fjölmiðlar vöktu nýverið athygli á því að eftirlitið hefði þá þegar tekið sér óvenju langan tíma til að skoða kaupin, miðað við önnur sambærileg fyrirtækjakaup og sölur í Danmörku.

Ívan ekki enn hættur

Leifarnar af fellibylnum Ívan hafa nú þróast í Hitabeltisstorm, sem kominn er inn í Mexíkóflóa. Viðvaranir hafa verið sendar út þar og í Texas, þar sem búist er við að stormurinn komi snemma á morgun.

Mihajlovich fluttur

Mihajlo Míhajlovich, maðurinn sem myrti Önnu Lindh, utanríkisráðherra Svíþjóðar, var í nótt fluttur í skyndi frá réttargeðdeild á Huddinge-sjúkrahúsinu til annarar réttargeðdeildar. Ástæðan er sú að læknar óttuðust um öryggi hans og töldu líklegt að honum yrði sýnt banatilræði á sjúkrahúsinu.

Mugabe úthúðar Bush og Blair

Robert Mugabe, forseti Zimbabwe, segir George Bush hegða sér eins og hann sé guð almáttugur, með Tony Blair sem spámann sinn. Þessu lýsti Mugabe yfir á fundi Sameinuðu Þjóðanna í New York, þar sem hann sagði Bandaríkin og Bretland sprengja saklausa Íraka í nafni lýðræðis.

Írar drekka of mikið

Kostnaður vegna óhóflegrar áfengisdrykkju í Írlandi nam rúmum 200 milljörðum króna á síðasta ári, samkvæmt niðurstöðum nýrrar rannsóknar þar í landi. Þá eyddi hver Íri að jafnaði tæpum 200 þúsund krónum í áfengi í fyrra og er það mun meira en í öðrum löndum.

Þriðjungur reyndi sjálfsvíg

Réttur þriðjungur þeirra unglinga sem lögðust inn á Barna- og unglingageðdeild á árunum 2001 og 2002 höfðu reynt að taka líf sitt eða skaðað sjálfa sig. Sjálfsvígstilraunir og sjálfsskaðahegðun unglinga er vaxandi ástæða fyrir innlögnum á BUGL </font /></b />

Hitti hann óvininn?

Samtök fyrrverandi stríðsmanna í Bandaríkjunum, sem í síðasta mánuði stóðu fyrir umdeildum auglýsingum til stuðnings George Bush, eru enn við sama heygarðshornið. Nú ætla samtökin að eyða um hundrað milljónum króna í auglýsingar þar sem leitt verður að því líkum að John Kerry hafi hitt leiðtoga Vietnama á meðan á stríðinu þar stóð.

Líf Bretans hangir á bláþræði

Líf bresks gísl í Írak hangir á bláþræði, en bresk stjórnvöld þvertaka fyrir að semja við hryðjuverkamenn. Gíslinn og fjölskylda hans grátbiðja um að lífi hans verði þyrmt.

Bretar ósáttir við meðferð á Cat

Bretar eru öskuillir yfir því að Cat Stevens hafi verið vísað úr landi og segja fáránlegt að farþegavél með mörg hundruð manns hafi verið vísað frá Washington þar sem Stevens var um borð. Utanríkisráðherra Bretlands hefur sent formlega kvörtun til Washington.

Haiti þarf hjálp

Koma verður íbúum Haití til hjálpar þegar í stað. Matar- og vatnsskortur ógnar lífi þeirra sem lifðu fellibylinn Jeanne og flóð í kjölfarið.

GSM sem finnur lykt

Þýskt farsímafyrirtæki hyggst kynna nýstárlega farsíma sem geta greint og bent notendum á þegar þeir eru andfúlir eða lykta illa af svitalykt. Talsmenn fyrirtækisins segja að örlítil flaga sjái um þessar lyktarrannsóknir.

6 handteknir í stóru fíkniefnamáli

Sex manns haf verið handteknir og þar af fjórir úrskurðaðir í gærluvarðhald vegna rannsóknar á einhverju stærsta fíkniefnamáli hér á landi til þessa.

Lítilli flugvél hlekktist á

Lítilli flugvél hlekktist á á Akureyrarflugvelli á tólfta tímanum. Einn maður var um borð og slapp hann lítið meiddur.

Þung viðurlög við einelti

Forstjóri Fangelsismálastofnunar segir að þungum viðurlögum verði beitt ef fangar leggi samfanga sína í einelti og hugsanlega verði slík mál kærð til lögreglu.

Næsti fundur eftir viku

Samningafundi kennara við fulltrúa sveitarfélaganna, sem hófst hjá Ríkissáttasemjara klukkan níu í morgun var slitið á tólfta tímanum, án þess að árangur hafi náðst. Nýr fundur hefur ekki verið boðaður fyrr en eftir viku, segir Ásmundur Stefánsson, ríkissáttasemjari, sem ekki vill fjölyrða um ástæðuna.

Mismunun segir Halldór Grönvald

Fólk sem ekki vinnur hjá ríkinu á ekki rétt á orlofsgreiðslum í fæðingarorlofi, samkvæmt dómi héraðsdóms í morgun. Aðstoðarframkvæmdastjóri Alþýðusambands Íslands segir fæðingarorlof því styttra en lög kveða á um og að fólki á vinnumarkaði sé mismunað.

Skógarstígur fyrir hjólastóla

Um síðustu helgi voru opnaðir skógarstígar í Haukadalsskógi sem sérstaklega eru gerðir með aðgengi hreyfihamlaðra í huga. Hreinn Óskarsson, skógarvörður á Suðurlandi og Svanur Ingvarsson, formaður Sjálfsbjargar á Suðurlandi, helstu hvatamenn þess að stígarnir yrðu til, opnuðu nýja stíginn með viðhöfn.

Aukinn kraftur í söfnunina

Í apríl hófst söfnunin "Þitt framlag skiptir máli" þar sem Krabbameinsfélag Íslands og KB banki sameinast um söfnun velunnara fyrir Krabbameinsfélagið. Auk þess að skrá sig í bankanum getur fólk nú hringt í Krabbameinsfélagið í síma 540 1900 og skráð sig sem velunnara.

Athugasemdir nær alls staðar

Skoðun Löggildingarstofu hefur leitt í ljós að raflögnum og rafbúnaði í íslenskum gisti- og veitingahúsum er víða ábótavant. Rafmagnsöryggisdeild Löggildingarstofu hefur síðustu tvö ár látið skoða raflagnir á þriðja hundrað gisti- og veitingahúsa víðsvegar um landið.

Fjallað um undanþágur

Nefnd á vegum kennara og sveitarfélaga fjallar nú um tug umsókna um undanþágu frá verkfallinu. Þetta er í fyrsta skipti sem nefndin kemur saman frá því verkfall hófst. Meðal þeirra sem sótt hafa um undanþágu er Barna og Unglingageðdeild Landspítalans, en stöðvun á kennslu er talin geta haft alvarlegar afleiðingar fyrir heilsu barna sem stríða við geðsjúkdóma.

Hærri laun fyrir kennara segja VG

Stjórn Vinstri-grænna í Kópavogi hvetur til þjóðarsáttar um kjarabætur til handa kennurum. Flokksfélagið harmar að til verkfalls hafi komið og skorar á deiluaðila að komast að samkomulagi hið allra fyrsta. Hún segir kjör kennara til skammar í okkar þjóðfélagi á sama tíma og sífellt meiri ábyrgð er velt yfir á stéttina.

Hlýða ekki mannræningjum

Ríkisstjórnir Bretlands og Írak segjast ekki ætla að láta að kröfum mannræningja, þrátt fyrir myndband frá breska gíslinum Kenneth Bigley, þar sem hann grátbiður Tony Blair um að hjálpa sér.

Enginn samningur

Farmanna- og fiskimannasamband Íslands og Félag skipstjórnarmanna segja fullkomlega ósatt að samningur eða samningsdrög liggi fyrir á milli áhafnarinnar á Sólbaki EA og Guðmundar Kristjánssonar útgerðarmanns. Í yfirlýsingu frá félögunum segir að Jóhannes Gunnarsson skipstjóri hafi í tvígang haldið slíku fram.

Erdogan þrýstir á ESB

Forsætisráðherra Tyrklands, Recep Tayyip Erdogan, er kominn til Brussel, til þess að þrýsta á Evrópusambandið að hefja aðildarviðræður við Tyrki. Hingað til hefur Evrópusambandið lýst því yfir að Tyrkir þurfi að bæta refsilöggjöf sína og mannréttindamál til þess að eiga þess kost að hefja aðildarviðræður að sambandinu.

Gyðingar hallast að Kerry

George Bush gengur ekki nógu vel að fá Gyðinga á sitt band samkvæmt skoðanakönnunum. Í nýrri könnun frá samtökum Gyðinga í Bandaríkjunum kemur fram að 69% þeirra hyggjast kjósa John Kerry, frambjóðanda Demókrata, en aðeins 24% hyggjast kjósa Bush.

Allawi segir Írak á réttri leið

Iyad Allawi, forsætisráðherra Íraks, hélt ræðu á Bandaríkjaþingi í dag, þar sem hann sagði að lýðræði væri að komast á í landinu. Þrátt fyrir vandamál undanfarið og aftöku tveggja gísla væri ætlunarverkið á réttri leið.