Tímamót í Frakklandi

Franskur dómstóll kvað í dag upp tímamótadóm þar sem lesbískt par er úrskurðað sameiginlegir foreldrar barna þeirra. Konurnar eiga þrjár dætur sem önnur þeirra gekk með eftir tæknifrjóvgun, en hin konan hefur ekki talist foreldri barnanna.

Framsóknarkonur í hringferð

Núna klukkan fjögur hófst mikil framsóknarkvennareið, þegar þær lögðu upp í hringferð um landið undir yfirskriftinni "Konur til áhrifa." Ferðin hófst við stjórnarráðið og fara þær um á vandlega merktum fjallabíl. Fyrsti viðkomustaður þeirra verður Akranes, en þær verða með fundi í Framsóknarhúsinu klukkan átta í kvöld.

Fasteignalán til jarðakaupa

Fasteignalán bankanna hafa hleypt nýju lífi í viðskipti með bújarðir á landsbyggðinni að sögn Jóns Hólms Stefánssonar, fasteignasala hjá Hóli.

Hraðskreiðasti vetnisbíll heims

Þýski bílaframleiðandinn BMW kynnti hraðskreiðasta vetnisbíl heims á bílasýningunni í París. Tegundin sem ber undirheitið H2R og getur náð meira en 300 kílómetra hraða á klukkustund. Burkhard Goeschel stjórnarmaður í BMW segir að framtíðin felist í vetni.

Vandræði á Haiti

Íbúar Haítí glíma við eftirmála fellibylsins Jeanne sem olli þar miklum flóðum. Flóðavatn og eðja hamla víða hjálparstarfi, en á annað hundrað þúsund manns eru án matar og vatns. Fólkið neyðist til að drekka flóðavatnið, þar sem lík og hræ eru á floti.

Hasskötturinn og sköpunargáfan

Á morgun hefst Evrópukeppni ungra vísindamanna á Írlandi og stendur til 30. september. Tvö íslensk verkefni taka þátt í keppninni, annars vegar verkefnið "Hasskötturinn" og hins vegar verkefni um "Áhrif umhverfis á sköpunargáfu".

Líf Kenneths hangir á bláþræði

Kenneth Bigley er sextíu og tveggja ára gamall Breti, sem er í haldi mannræningja í Írak. Þeir hóta að skera hann á háls, og enginn virðist geta gert nokkuð til að koma í veg fyrir það. Kenneth Bigley er síðasti gíslinn af þremur sem hópur mannræningja í Írak hefur í haldi.

Tryggingastofnun sýknuð

Tryggingastofnun ríkisins var sýknuð í gær í Héraðsdómi Reykjavíkur af kröfum Alþýðusambands Íslands um viðurkenningu á rétti foreldra í fæðingarorlofi til orlofslauna úr Fæðingarorlofssjóði á þeim tíma sem þeir eru í fæðingarorlofi.

6 í haldi vegna fíkniefnasmygls

6 Íslendingar á fertugsaldri eru í haldi lögreglu í tengslum við rannsókn eins allra stærsta fíkniefnamáls sem komið hefur upp hér á landi til þessa.

Stærsti hafnarkraninn í notkun

Jarl annar hefur störf í Sundahöfn eftir helgi, en þessi arftaki Jarls hins fyrsta er hátt í sextíu metra hár hafnarkrani með 110 tonna lyftigetu. Jarl annar sem er stærsti hafnarkrani landsins er þýsk smíði sem kostaði rúmar 200 milljónir króna.

Davíð mun skera

Össur Skarphéðinsson, formaður Samfylkingarinnar segist sannfærður um að Davíð Oddsson, nýskipaður utanríkisráðherra muni bregða niðurskurðarhnífi á loft í utanríkisráðuneytinu.

Nýr formaður umhverfisnefndar

Guðlaugur Þór Þórðarson alþingismaður verður næsti formaður umhverfisnefndar og leysir nýskipaðan umhverfisráðherra, Sigríði Önnu Þórðardóttur, af hólmi.

Kerry gagnrýnir draumaheim Bush

John Kerry segir að Iyad Allawi, forsætisráðherra Íraks, hafi verið fenginn til að halda erindi á Bandaríkjaþingi í dag til þess að láta líta út fyrir að gangur mála í Írak sé í lagi. Reyndin sé hins vegar önnur, eins heyra megi af hermönnum á vettvangi og af skýrslum leyniþjónustunnar, CIA.

Undanþágum enn hafnað

Undanþágunefnd vegna kennaraverkfallsins hefur hafnað einni beiðni um undanþágu. Afgreiðslu ellefu beiðna til viðbótar var frestað þangað til í fyrramálið. Að sögn Sigðurðar Óla Kolbeinssonar, sem sæti á í nefndinni, snéri beiðnin, sem hafnað var, ekki að fötluðum nemendum

Þriggja og hálfs árs fangelsi

Hæstiréttur dæmdi fyrir stundu karlmann í þriggja og hálfs árs fangelsi fyrir kynferðisbrot, frelsissviptingu, eignaspjöll og fleira. Maðurinn var sekur um að nauðga fyrrverandi sambýliskonu sinni og halda henni nauðugri í íbúð hennar. Þar olli hann einnig miklum skemmdum og stal ýmsu. Maðurinn á langan sakaferil að baki.

Tæknival sýknað

Hæstiréttur sýknaði í dag Tæknival af bótakröfum Bjarna Ákasonar fyrrverandi framkvæmdastjóra félagsins. Bjarni hafði látið viðskiptabanka fyrirtækisins fá hutabréf sín í fyrirtækinu að veði fyrir láni fyrirtækisins og vildi hann fá þóknun fyrir.

Flugvél í sjó á Akureyri

Tveggja sæta Cessna-vél hlekktist á á Akureyrarflugvelli í morgun og lenti úti í sjó. Einn maður var um borð og slapp hann lítið meiddur. Vélin var í flugtaki til norðurs en eftir að hafa lyfst aðeins af flugbrautinni skall hún niður aftur og fór yfir öryggissvæði við enda brautarinnar og hafnaði í fjöruborðinu.

Kennt í grunnskóla sveitarfélags

Verkfall kennara hefur ekki áhrif á 6. bekk Sk í Flataskóla. Hann er eini bekkur skólans sem stundar nám í fjarveru grunnskólakennara og sá eini á landsvísu sem fær kennslu í skólum sveitafélaganna. Ástæðan er sú að bekknum kennir stundakennari um mánaðarskeið meðan umsjónarkennari þeirra er í leyfi.

Börn gefin en hundarnir seldir

Fjölmörg íslensk börn voru seld eða gefin enskum iðnaðarmönnum og kaupmönnum fyrr á öldum. Það orð fór af Íslendingum að þeir gæfu börnin sín, en seldu hundana.

Langt í úrlausn verkfalls

Samninganefnd kennara hyggst ekki funda með launanefnd sveitarfélaganna fyrr en nýtt tilboð liggur á borðinu. Launanefnd sveitarfélaganna ætlar ekki að leggja fram tilboðið fyrr en umræður hafa farið fram milli þeirra og kennara. Fyrsta fundi deilenda eftir að til verkfalls kennara kom lauk á tólfta tímanum í gærmorgun. Næsti fundur hefur verið boðaður eftir tæpa viku.

Læra ensku fimm ára

Fimm til sjö ára börnum er kennd enska í leikskóla og skóla hjallastefnunnar í Hafnarfirði. Margir eru þeirrar skoðunar að tungumálanám eigi að hefjast mun fyrr í skólakerfinu en nú er.

Bush gefur ekkert eftir í Írak

„Við munum ekki yfirgefa Írak," sagði Georg Bush í dag á fundi sem hann átti með Iyad Allawi, forsætisráðherra Íraks í dag. Bush sagði að gæfu Bandaríkjamenn eitthvað eftir eða jafnvel færu á brott, stefndi það öryggi landsins í verulaga hættu. „Mistækist okkur í Írak yrði það upphafið að löngu basli," sagði Bush einnig.

Dæmdir fyrir að veiða utan kvóta

Framkvæmdastjóri útgerðarfélags og skipstjóri voru í dag dæmdir í Hæstarétti fyrir að veiða utan kvóta. Báðir töldu þeir sig ekki bera ábyrgð á því að skipin væru kvótalaus, en Hæstiréttur var ekki sammála því. Framkvæmdastjórinn var jafnframt sakaður um brot á skattalögum, og dæmdur til að greiða samtals átján milljónir króna í sekt.

3 og hálft ár fyrir kynferðisbrot

Karlmaður var í Hæstarétti í dag dæmdur í þriggja og hálfs árs fangelsi fyrir að nauðga fyrrverandi sambýliskonu sinni og svipta hana frelsi. Hæstiréttur staðfesti þar með dóm Héraðsdóms í málinu. Maðurinn hefur verið dæmdur 22 sinnum á síðustu 13 árum.

Stöð2 braut jafnréttislög

Íslenska útvarpsfélagið og yfirmenn fréttastofu Stöðvar 2 brutu jafnréttislög fyrir rúmu ári þegar þeir sögðu fjórum fréttakonum upp. Engum karlmanni í sambærulegu starfi var sagt upp. Ástæður uppsagnanna voru sagðar hagræðing og að starfsaldur hefði ráðið mestu um uppsagnirnar, en þó ekki öllu. Frekari rök voru þó ekki tilgreind. Í það minnsta þrír karlar með styttri starfsaldur en konurnar störfuðu á fréttastofunni á þessum tíma.

Kann að flýta þróun vetnisbílsins

Um áttatíu manns frá tuttugu löndum sitja fund framkvæmdanefndar um vetnisvæðingu, IPHE, sem fer fram í Þjóðmenningarhúsinu í Reykjavík og lýkur í dag. Fimmtán þjóðir hófu verkefnið í nóvember í fyrra en fleiri þjóðir hafa sýnt áhuga á þátttöku og á fundinum verður fjallað um umsóknir fimm landa.

Stígvélaði bæjarstjórinn

Stefanía Traustadóttir, bæjarstjóri í Ólafsfirði, hefur staðið í ströngu undanfarna daga. Bærinn hennar fór nánast á bólakaf í miklu vatnsveðri í vikunni en nú hefur rofað til.

Tinna Þjóðleikhússtjóri

Menntamálaráðherra hefur skipað Tinnu Gunnlaugsdóttur í embætti þjóðleikhússtjóra, fyrsta allra kvenna.

Ekkert að gerast

Formaður Kennarasambandsins og formaður launanefndar sveitarfélaga horfa fram á langt verkfall að óbreyttu. Sáttafundi í kennaradeilunni var slitið í morgun. Nýr fundur verður ekki fyrr en eftir viku. Formaður launanefndar segir að kennarar mæti að öllum líkindum með hundshaus í Karphúsið eftir viku.

Burðarás sameinast Kaldbaki

Burðarás stefnir að því að stórauka fjárfestingar utan landsteinanna eftir sameiningu við fjárfestingarfélagið Kaldbak í dag. Helstu forkólfar Kaldbaks eru Samherji og Baugur, en Landsbankinn og Björgólfsfeðgar eru helstu eigendur Burðaráss.

ASÍ skorar á félagsmálaráðherra

Fólk í fæðingarorlofi á ekki rétt á sumarleyfisdögum meðan á orlofi stendur. Þetta er niðurstaða héraðsdóms í máli sem ASÍ höfðaði gegn Tryggingastofnun. ASÍ skorar á félagsmálaráðherra að eiga frumkvæði að því að tryggja þennan rétt.

Jöklarnir að minnka og hverfa

Á næstu 100 til 200 árum er talið að jöklar landsins dragist saman og hverfi. Á meðan á þessu stendur má búast við auknu rennsli jökuláa og breyttum vatnabúskap þar á eftir. Landsvirkjun fylgist með þróuninni. </font /></b />

Vatnsskortur í Eyjum

Vestmannaeyingar gætu orðið uppiskroppa með ferskvatn eftir að tvær leiðslur sem flytja vatn til Eyja rofnuðu í gær. Skemmdirnar eru verulegar en talið er að vatnsbirgðir dugi í þrjá til fjóra daga.

Stórfyrirtæki siðblind segir Bart

Stórfyrirtækið er með sömu eiginleika og siðblindingi segja höfundar margverðlaunaðu heimildamyndarinnar The Corporation. Í myndinni líta þeir á fyrirbærið stórfyrirtæki og áhrif þess á menn og málefni.

Tólf hundruð fíkniefnabrot

Tæplega tólfhundruð ætluð brot á fíkniefnalöggjöfinni hafa komið á borð lögreglu frá áramótum, að því er fram kemur í frétt frá embætti Ríkislögreglustjóra. Allt síðasta ár voru skráð 1.385 fíkniefnabrot en þau eru nú orðin 1.185 það sem af er árinu.

Vanaafbrotamaður í steininn á ný

Hæstiréttur dæmdi í gær karlmann til fangelsisvistar í tvö ár og sex mánuði fyrir ítrekuð afbrot, þ.á m. þjófnað, húsbrot og fíkniefnabrot. Í niðurstöðum réttarins segir að brotaferill mannsins, sem rauf reynslulausn með þeim afbrotum sem til umfjöllunar voru, hafi staðið samfellt frá því í nóvember árið 2001.

Allar þrjár dæturnar rangfeðraðar

Nær áttræður verslunarmaður í Reykjavík fékk þau skelfilegu tíðindi í seinustu viku að þrjár dætur sem hann hafði alið upp um 40 ára skeið sem sínar eigin væru allar rangfeðraðar og þær væru ekki hans. Fjallað er um málið í DV í dag.

Heimsótti Ólaf á Bessastaði

Hr. Ólafur Ragnar Grímsson, forseti Íslands, tók á móti Tarja Halonen, forseta Finnlands, á Bessastöðum í gær en Halonen er hingað komin til að taka þátt í málþingi sem haldið er vegna 30 ára afmælis norræns samstarfs um jafnréttismál.

Mikil áskorun og ábyrgð

"Þetta er mikil áskorun sem ég mun takast á við með þeirri kunnáttu og þeim heiðarleika og listrænu sýn sem ég hef til að bera," segir Tinna Gunnlaugsdóttir sem Þorgerður Katrín Gunnarsdóttir menntamálaráðherra skipaði í gær þjóðleikhússtjóra frá næstu áramótum.

Dæmdur fyrir nauðgun

Hæstiréttur hefur dæmt karlmann til þriggja og hálfs árs fangelsisvistar fyrir að halda fyrrum sambýliskonu sinni nauðugri í íbúð hennar og nauðga henni þrívegis auk þess að skemma ýmsar eignir hennar. Þá á hann að greiða konunni 1,4 milljónir króna í skaðabætur.

Enn flýja sænskir fangar

Tveir fangar ógnuðu starfsmönnum Mariefred fangelsisins með hnífi, tóku einn þeirra í gíslingu og lögðu síðan á flótta. Þetta er í þriðja skipti á jafn mörgum mánuðum sem fangar flýja úr sænskum fangelsum þrátt fyrir að allir fangarnir hafi dvalið í fangelsum þar sem öryggisgæsla er hvað mest.

Barist um matvæli

Til átaka kom sums staðar þegar Haítíbúar börðust um mat og drykkjarvatn, sem er af skornum skammti eftir að hitabeltisstormurinn Jeanne gekk yfir landið. Rúmlega 1.100 manns létust af völdum stormsins og 1.250 manns er enn saknað. Því má gera ráð fyrir að tala látinna hækki enn.

Hvetja til refsiaðgerða

Eina leiðin til að stöðva ógnaröldina í Darfur er að Sameinuðu þjóðirnar beiti Súdan viðskiptaþvingunum eða öðrum refsiaðgerðum, sögðu forystumenn Frelsishers Súdans, helstu uppreisnarhreyfingarinnar sem starfar í vesturhluta Súdans.

1200 fjölskyldur flýðu heimili sín

Rúmlega 1.200 norður-írskar fjölskyldur flýðu heimili sín í fyrra af ótta við árásir kaþólikka eða mótmælenda. Þetta kemur fram í ársskýrslu stofnunar sem sér um að aðstoða fórnarlömb átaka við að finna sér nýtt heimili.

Sex féllu í skotbardögum

Þrír palestínskir vígamenn skutu þrjá ísraelska hermenn til bana áður en þeir féllu sjálfir fyrir skotum hermanna í gærmorgun. Vígamennirnir höfðu læðst inn á ísraelska varðstöð við landnemabyggðina Morag á sunnanverðu Gaza-svæðinu og hafið skothríð á hermenn.