Fundur að hefjast

Samninganefndir í kennaradeilunni eru þessa stundina að mæta á samningafund hjá Ríkissáttasemjara, eftir að hann frestaði frekari fundarhöldum á sunnudag, þar sem himinn og haf skildu deilendur að. Ljóst er eftir fjölmennan fund í verkfallsmiðstöð kennara í gær, að þeir ætla að standa fast á kröfum sínum og sama er líklegast uppi á teningnum hjá samninganefnd sveitarfélaga. Rekstur grunnskóla er að verða sumum sveitarfélögum nær ofviða, einkum þar sem fólksfækkun er, og er fréttastofunni kunnugt um dæmi þar sem allt útsvar og fasteigjagjöld til viðbótar, fara til reksturs skólans.