Breiða­blik - Czarni  2-6 | Blikar flengdir á pólskan máta

Ballið er svo gott sem búið hjá Íslandsmeisturum Breiðabliks í Evrópu þetta árið eftir skelfilegt tap gegn pólsku meisturunum í Czarni á heimavelli í dag, 6-2.

Gestirnir komust í 4-0 í fyrri hálfleik og þó að Blikakonur næðu að minnka muninn um leið og hálfleiksflautið gall þá náðu þær engan veginn að svara fyrir sig í seinni hálfleiknum.

Auk þess voru Blikar manni færri síðasta korterið eftir að Líf Joostdóttir Van Bemmel fékk sitt annað gula spjald og þar með rautt, fyrir pirringsbrot.

Liðin mætast aftur í Póllandi eftir viku og þar þarf Breiðablik kraftaverk til þess að komast áfram í 16-liða úrslit Evrópubikarsins.

Uppgjörið kemur hér inn innan skamms ásamt viðtölum.