Innlent

And­lát frönsku ferða­mannanna vekur eftir­tekt er­lendis

Jón Ísak Ragnarsson skrifar
Skjáskot af tveimur erlendum fréttum.
Skjáskot af tveimur erlendum fréttum. Vísir

Andlát frönsku ferðamannanna á Edition hótelinu í Reykjavík hafa vakið athygli út fyrir landsteinana, en víða er fjallað um málið í erlendum miðlum, sér í lagi frönskum.

Franski miðillinn Bfmtv segir frá því að lögregluyfirvöld á Íslandi hafi handtekið franskan ferðamann sem grunaður er um að hafa orðið eiginmanni sínum og dóttur að bana.

Karlmaður og dóttir hans hafi fundist látin á herbergi í lúxushóteli í Reykjavík.

Vitnað er í viðtal Ævars Pálma lögregluþjóns við Rúv þar sem sagt er frá því að konan hafi verið úrskurðuð í vikulangt gæsluvarðhald.

La Depeche.Skjáskot

„Morð og slík alvarleg ofbeldismál eru mjög sjaldgæf á þessari eyju í Norður-Atlantshafi, sem hefur ítrekað verið ofarlega á alþjóðlegum listum um friðsæld, og er með mjög lága glæpatíðni. Hins vegar hafa skotárásir og hnífstunguárásir, gjarnan í tengslum við glæpagengi, gert vart við sig á undanförnum árum,“ segir í fréttinni.

Svipaða umfjöllun má finna í frönskum miðlum á borð við Faits divers og La Depeche.

Auk þess að hafa vakið athygli í frönskum miðlum hefur einnig verið fjallað um málið í  bandarísku fréttaveitunni CBS.

Þá hefur maltneski miðillinn Times of Malta einnig gert málinu góð skil.

Fjölmiðlar Lögreglumál Hótel á Íslandi Manndráp á Reykjavík Edition

Tengdar fréttir

„Þetta eru alvarlegir stunguáverkar“

Frönsk kona er grunuð um að hafa orðið eiginmanni sínum og dóttur að bana á hótelherbergi á Edition í Reykjavík. Konan var flutt af vettvangi með stunguáverka. Farið verður fram á gæsluvarðhald yfir konunni, en rannsókn málsins er á frumstigi. Þetta herma heimildir fréttastofu. 

Frönsk kona grunuð um að bana dóttur sinni og eiginmanni

Frönsk kona á sextugsaldri er með stöðu sakbornings grunuð um að hafa ráðið eiginmanni sínum og dóttur bana á hótelherbergi á Edition í Reykjavík. Konan var með alvarlega stunguáverka þegar lögreglu bar að garði. Hún er í haldi lögreglu.

Mest lesið


Fleiri fréttir

Sjá meira


×

Mest lesið