Meintur nethrellir fær bætur vegna húsleitar Rafn Ágúst Ragnarsson skrifar 14. október 2024 22:55 Héraðsdómur Reykjavíkur dæmdi í málinu. Vísir/Vilhelm Héraðsdómur Reykjavíkur dæmdi manni sem grunaður var um að ofsækja konu miskabætur vegna húsleitar, handtöku og haldlagningu tækjabúnaðar í fleiri ár. Þær bætur sem hann fékk voru þó umtalsvert lægri en þær sem hann krafðist. Árið 2016 kom kona á lögreglustöð og lagði fram kæru á hendur manni vegna eineltis og brots gegn friðhelgi einkalífs hennar. Hún hélt því fram að maðurinn hefði sent sér skilaboð í gegnum vefsíðuna hringdu.is með ýmsum svívirðingum. Þá hefði hann einnig sett inn óhróður um hana á Facebook-síðu sem var ranglega skráð á nafn vinnuveitanda hennar og sett síðurnar sjálfur upp í þeim tilgangi. Máli sínu til stuðnings lagði hún fram útprentuð tölvupóstsamskipti og skjáskot af smáskilaboðum og ummælum sem höfðu birst á vefsíðum sem hún sagði að kæmu frá manninum. Nýjar kærur Ári síðar var maðurinn boðaður í skýrslutöku hjá lögreglu vegna málsins og fékk stöðu sakbornings. Hann neitaði sök í málinu en undirritaði heimild til leitar bæði á lögheimili sínu og dvalarstað. Leit var framkvæmd sama dag og við leitina var lagt hald á þrjá farsíma og tvær turntölvur. Maðurinn neitaði að gefa lögreglu upp lykilorð að læstum búnaðnum. Stuttu síðar lagði lögregla fram kröfu í Héraðsdómi Reykjavíkur þess efnis að lögreglu yrði heimilað að opna og rannsaka efni og innihald haldlagðra tækja og var fallist á kröfuna en ekki reyndist unnt að opna alla símana vegna þess að lykilorðið fékkst ekki uppgefið. Um hálfu árið síðar lagði konan fram nýja kæru gegn manninum fyrir brot gegn friðhelgi einkalífs og fyrir ærumeiðingar og hélt hún því fram að hann væri aftur farinn að áreita hana á samfélagsmiðlum og í gegnum einkasamskipti við fólk sem tengdist henni. Hálfu ári eftir það kom konan svo á nýjan leik á lögreglustöð og hélt því fram að maðurinn hefði birt ærumeiðandi ummæli um hana, ljósmyndir, myndskeið og aðrar upplýsingar í þeim tilgangi að sverta mannorð hennar. Tókst ekki að staðfesta uppruna skilaboðanna Maðurinn var svo handtekinn í maí 2019 og færður í gæsluvarðhald í fangelsinu á Hólmsheiði. Daginn eftir var hann yfirheyrður vegna meintra brota gegn konunni auk fleiri mála á hendur hinum sem rannsökuð voru samhliða því máli sem hér um ræðir. Maðurinn neitaði sök, vildi ekki tjá sig um sakarefnið eða kvaðst ekki muna eftir því sem um var spurt. Lögreglu tókst ekki að staðfesta uppruna þeirra skilaboða sem grunur lék á að kæmu frá manninum og fyrsta september 2022 var honum tilkynnt að rannsókn á málinu hefði verið hætt. Með bréfi tíunda október 2022 óskaði hann eftir afhendingu munanna sem lagt var hald á við húsleitina og var haldlagningu aflétt fjórtánda október sama ár. Búnaðurinn orðinn úreltur Maðurinn er sjálfstætt starfandi forritari og sagðist hafa orðið fyrir miklu fjártjóni vegna haldlagningarinnar. Hann hélt því fram að miklar breytingar hafi orðið á starfsumhverfi við forritun á þeim tíma sem haldlagningin var í gildi og því ljóst að hugbúnaðurinn sem var inni á tölvunni hafi verið orðinn úreltur þegar búnaðurinn var afhentur. Maðurinn hafi ítrekað beðið um að fá búnaðinn afhentan en fengið misvísandi upplýsingar um sötðu búnaðarins. Þessi óhóflegi dráttur á afhendingu varð til þessa umtalsverða fjártjóns sem vísað er til hér að ofan. Hann krafðist 6,5 milljóna króna bóta, þar af fjögurra vegna fjártjóns og tveggja og hálfra vegna miska. Maðurinn taldi lögreglu hafa farið offari með framgöngu sinni og brotið gegn meðalhófsreglu. Maðurinn hafi stuðlað að töfinni sjálfur Héraðsdómur féllst á bótarétt mannsins en talsvert minni en hann hafði farið fram á. Maðurinn hafi sjálfur stuðlað að þeim aðgerðum sem hann reisti kröfu sína á með því að tefja fyrir rannsókn málsins með því að neita að gefa upp lykilorð að tækjunum. Þá féllst héraðsdómur ekki á það að rannsókn lögreglu hafi brotið meðalhófsreglu eða að hún hafi verið að tilefnislausu. Niðurstaðan var sú að manninum voru dæmdar 250 þúsund krónur í bætur. Dóminn má lesa í heild sinni með því að smella hér. Dómsmál Reykjavík Lögreglumál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Bensínbrúsar inni í íbúðinni Innlent Annar látinn eftir eldsvoðann á Hjarðarhaga Innlent Lagði Livio sem þarf að punga út 25 milljónum króna Innlent „Verkefnið bara heltekur okkur“ Innlent Sást ekki til sólar fyrir mýi Innlent Fær þyngri dóm fyrir að nauðga konu, taka það upp og senda henni Innlent Skoða hvort eitthvað saknæmt hafi átt sér stað Innlent Fólki sé vel treystandi til að fá sér bjór á íþróttaviðburðum Innlent Fleiri fréttir Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Sjá meira
Árið 2016 kom kona á lögreglustöð og lagði fram kæru á hendur manni vegna eineltis og brots gegn friðhelgi einkalífs hennar. Hún hélt því fram að maðurinn hefði sent sér skilaboð í gegnum vefsíðuna hringdu.is með ýmsum svívirðingum. Þá hefði hann einnig sett inn óhróður um hana á Facebook-síðu sem var ranglega skráð á nafn vinnuveitanda hennar og sett síðurnar sjálfur upp í þeim tilgangi. Máli sínu til stuðnings lagði hún fram útprentuð tölvupóstsamskipti og skjáskot af smáskilaboðum og ummælum sem höfðu birst á vefsíðum sem hún sagði að kæmu frá manninum. Nýjar kærur Ári síðar var maðurinn boðaður í skýrslutöku hjá lögreglu vegna málsins og fékk stöðu sakbornings. Hann neitaði sök í málinu en undirritaði heimild til leitar bæði á lögheimili sínu og dvalarstað. Leit var framkvæmd sama dag og við leitina var lagt hald á þrjá farsíma og tvær turntölvur. Maðurinn neitaði að gefa lögreglu upp lykilorð að læstum búnaðnum. Stuttu síðar lagði lögregla fram kröfu í Héraðsdómi Reykjavíkur þess efnis að lögreglu yrði heimilað að opna og rannsaka efni og innihald haldlagðra tækja og var fallist á kröfuna en ekki reyndist unnt að opna alla símana vegna þess að lykilorðið fékkst ekki uppgefið. Um hálfu árið síðar lagði konan fram nýja kæru gegn manninum fyrir brot gegn friðhelgi einkalífs og fyrir ærumeiðingar og hélt hún því fram að hann væri aftur farinn að áreita hana á samfélagsmiðlum og í gegnum einkasamskipti við fólk sem tengdist henni. Hálfu ári eftir það kom konan svo á nýjan leik á lögreglustöð og hélt því fram að maðurinn hefði birt ærumeiðandi ummæli um hana, ljósmyndir, myndskeið og aðrar upplýsingar í þeim tilgangi að sverta mannorð hennar. Tókst ekki að staðfesta uppruna skilaboðanna Maðurinn var svo handtekinn í maí 2019 og færður í gæsluvarðhald í fangelsinu á Hólmsheiði. Daginn eftir var hann yfirheyrður vegna meintra brota gegn konunni auk fleiri mála á hendur hinum sem rannsökuð voru samhliða því máli sem hér um ræðir. Maðurinn neitaði sök, vildi ekki tjá sig um sakarefnið eða kvaðst ekki muna eftir því sem um var spurt. Lögreglu tókst ekki að staðfesta uppruna þeirra skilaboða sem grunur lék á að kæmu frá manninum og fyrsta september 2022 var honum tilkynnt að rannsókn á málinu hefði verið hætt. Með bréfi tíunda október 2022 óskaði hann eftir afhendingu munanna sem lagt var hald á við húsleitina og var haldlagningu aflétt fjórtánda október sama ár. Búnaðurinn orðinn úreltur Maðurinn er sjálfstætt starfandi forritari og sagðist hafa orðið fyrir miklu fjártjóni vegna haldlagningarinnar. Hann hélt því fram að miklar breytingar hafi orðið á starfsumhverfi við forritun á þeim tíma sem haldlagningin var í gildi og því ljóst að hugbúnaðurinn sem var inni á tölvunni hafi verið orðinn úreltur þegar búnaðurinn var afhentur. Maðurinn hafi ítrekað beðið um að fá búnaðinn afhentan en fengið misvísandi upplýsingar um sötðu búnaðarins. Þessi óhóflegi dráttur á afhendingu varð til þessa umtalsverða fjártjóns sem vísað er til hér að ofan. Hann krafðist 6,5 milljóna króna bóta, þar af fjögurra vegna fjártjóns og tveggja og hálfra vegna miska. Maðurinn taldi lögreglu hafa farið offari með framgöngu sinni og brotið gegn meðalhófsreglu. Maðurinn hafi stuðlað að töfinni sjálfur Héraðsdómur féllst á bótarétt mannsins en talsvert minni en hann hafði farið fram á. Maðurinn hafi sjálfur stuðlað að þeim aðgerðum sem hann reisti kröfu sína á með því að tefja fyrir rannsókn málsins með því að neita að gefa upp lykilorð að tækjunum. Þá féllst héraðsdómur ekki á það að rannsókn lögreglu hafi brotið meðalhófsreglu eða að hún hafi verið að tilefnislausu. Niðurstaðan var sú að manninum voru dæmdar 250 þúsund krónur í bætur. Dóminn má lesa í heild sinni með því að smella hér.
Dómsmál Reykjavík Lögreglumál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Bensínbrúsar inni í íbúðinni Innlent Annar látinn eftir eldsvoðann á Hjarðarhaga Innlent Lagði Livio sem þarf að punga út 25 milljónum króna Innlent „Verkefnið bara heltekur okkur“ Innlent Sást ekki til sólar fyrir mýi Innlent Fær þyngri dóm fyrir að nauðga konu, taka það upp og senda henni Innlent Skoða hvort eitthvað saknæmt hafi átt sér stað Innlent Fólki sé vel treystandi til að fá sér bjór á íþróttaviðburðum Innlent Fleiri fréttir Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Sjá meira