OpenAI þróar hug­búnað sem býr til mynd­skeið eftir texta­lýsingu

Þær fela meðal annars í sér að ekki sé hægt að misnota hugbúnaðinn til að búa til ólöglegt efni á borð við hatursáróður, barnaníðsefni eða efni þar sem hermt er eftir raunverulegum persónum.

Í tilkynningu OpenAI segir að unnið sé að því að kenna gervigreindinni að skilja og herma eftir raunheimum í mynskeiðum. Markmiðið sé að þjálfa hugbúnaðinn til að aðstoða fólk við að leysa vandamál sem krefjast samskipta í raunheimum.

Forsvarsmenn Open AI hafa ekki viljað gefa það upp hvaðan myndskeiðin sem notuð voru til að þjálfa gervigreindina voru fengin, nema að meirihluti þeirra hafi verið annað hvort til notkunar fyrir alla eða notkunarrétturinn keyptur.

OpenAI og fleiri gervigreindarfyrirtæki eiga yfir höfði sér mýmargar málsóknir vegna höfundarréttarbrota, þar sem þau eru sökuð um að hafa notað höfundarréttarvarið efni til að þjálfa gervigreindina.