Innlent

Hópslagsmál og hávaðatilkynningar í nótt

Kolbeinn Tumi Daðason skrifar
Lögregla sinnti ýmsum verkefnum á höfuðborgarsvæðinu í gærkvöldi og nótt. Flest þeirra voru aðstoðarbeiðnir, hávaðatilkynningar eða tilkynningar um aðila í annarlegu ástandi.
Lögregla sinnti ýmsum verkefnum á höfuðborgarsvæðinu í gærkvöldi og nótt. Flest þeirra voru aðstoðarbeiðnir, hávaðatilkynningar eða tilkynningar um aðila í annarlegu ástandi. Vísir/Vilhelm

Lögreglan var kölluð til í Reykjavík og í Kópavogi í nótt vegna hópslagsmála. Alls voru 77 mál skráð hjá lögreglu yfir hálfan sólarhring, frá fimm síðdegis þar til í nótt.

Vestan Elliðaár handtók lögregla aðila sem talinn var reyna að brjóta sér leið inn í húsnæði í miðbænum. Þá var lögregla kölluð út vegna hópslagsmála í póstnúmeri 104. 

Vísa þurfti einum sem var til vandræða á skemmtistað í miðborginni út af staðnum. Þá var annar í annarlegu ástandi staðinn að því að valda eignarspjöllum á nærliggjandi bifreiðum.

Í Kópavogi var lögreglan einnig kölluð út vegna hópslagsmála og þá sinnti lögreglufólk af stöðinni aðila í annarlegu ástandi og illa til reika. Í nágrannasveitafélaginu Garðabæ var lögregla kölluð til vegna slagsmála. 

Ekið var á reiðhjólamanna í Grafarvogi og þá voru tveir ökuþórar handteknir grunaðir um ölvun við akstur annars vegar og akstur undir áhrifum fíkniefna hins vegar. 

Reykjavík Kópavogur Garðabær Lögreglumál Næturlíf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið