Fótbolti

Lucas Leiva glímir við hjartavandamál og leggur skóna á hilluna

Hjörtur Leó Guðjónsson skrifar
Lucas Leiva hefur ákveðið að leggja takkaskóna á hilluna frægu.
Lucas Leiva hefur ákveðið að leggja takkaskóna á hilluna frægu. Robbie Jay Barratt - AMA/Getty Images

Brasilíski knattspyrnumaðurinn Lucas Leiva, sem líklega er þekktastur fyrir tíma sinn hjá Liverpool, glímir við hjartavandamál og hefur því ákveðið að leggja skóna á hilluna.

Leiva er 36 ára gamall og fékk sinn fyrsta atvinnumannasamning árið 2005. Knattspyrnuferillinn, sem hófst hjá Gremio í heimalandinu, er því orðinn 18 ára langur.

Lucas var svo keyptur til Liverpool árið 2007 og lék með liðinu í tíu ár. Alls lék þessi varnarsinnaði miðjumaður 247 deildarleiki fyrir Bítlaborgarliðið. Hann gekk svo í raðir Lazio á Ítalíu árið 2017 og snéri svo aftur heim til Gremio fyrir yfirstandandi tímabil.

Í desember á seinasta ári var svo greint frá því að leikmaðurinn væri að glíma við hjartavandamál og gæti ekki æft og nú eru skórnir endanlega komnir upp á hillu.


Tengdar fréttir




Fleiri fréttir

Sjá meira


×