Erlent

Felli­bylurinn Fred­dy orðinn sá lang­lífasti í sögunni

Gunnar Reynir Valþórsson skrifar
Freddy virðist nú hafa slegið met sem staðið hefur síðan 1994 þegar fellibylurinn John entist í 31 dag.
Freddy virðist nú hafa slegið met sem staðið hefur síðan 1994 þegar fellibylurinn John entist í 31 dag. NASA Earth Observatory via AP

Fellibylurinn Freddy hefur skilið eftir sig slóð eyðileggingar í Afríkuríkjunum Malaví og Mósambík en tala látinna á svæðinu fór yfir 200 í gær.

Björgunarliðar segja allar líkur á því að tala látinna eigi eftir að hækka en heilu hverfin eru í rúst eftir óveðrið sem framkallaði flóð og aurskriður. Veðrið gekk á land á suðuausturhorni Afríku um síðustu helgi en stormurinn hefur verið á ferð síðan hann myndaðist þann sjötta febrúar síðastliðinn.

Hann gekk þá á land á Madagaskar en fór svo aftur út á Indlandshaf langleiðina að ströndum Ástralíu áður en hann sneri til baka til Afríku. Fellibylurinn er nú kominn í sögubækurnar sem það óveður sem staðið hefur lengst.

Veðurfræðingar segja afar sjaldgæft að fellibyljir nái yfir Indlandshaf, það gerðist síðast árið 2000. Það, að þeir snúi svo alla leið til baka, eins og Freddy gerði er síðan enn sjaldgæfara.

Það bætir svo gráu ofan á svart að í Malaví hefur geisað mesti kólerufaraldur í sögu landsins og er óttast að hann muni nú versna til muna.

Náttúruhamfarir Malaví Mósambík

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið