Norðanátt og frost að fjórtán stigum

Atli Ísleifsson skrifar 13. mars 2023 07:14

Veðurstofan reiknar með áframhaldandni norðanátt á á landinu í dag, víðast hvar átta til þrettán metrar á sekúndu.

Á Austfjörðum og sunnan Vatnajökuls verða hins vegar norðvestan 15 til 23 metrar á sekúndu og gular viðvaranir taka gildi á þeim svæðum fyrir hádegi og gilda fram á kvöld.

Á vef Veðurstofunnar segir að það verði samfelld snjókoma á Norðaustur- og Austurlandi frameftir degi, annars él á norðanverðu landinu en að mestu bjart sunnan heiða.

Áfram er kalt og má reikna frosti á bilinu tvö til fjórtán stig.

Spákort fyrir klukkan 14 í dag. Veðurstofan

Veðurhorfur á landinu næstu daga

Á þriðjudag og miðvikudag: Norðlæg átt, 5-13 m/s, hvassast með austurströndinni. Él á norðurhelming landsins, en bjartviðri syðra. Frost 4 til 12 stig.

Á fimmtudag: Hæg norðaustlæg eða breytileg átt en 8-13 suðaustanlands. Snjókoma um austanvert landið, en lengst af bjart vestantil. Áfram kalt í veðri.

Á föstudag: Suðlæg átt og bjart að mestu, en dálítil úrkoma vestantil. Hiti 0 til 4 stig sunnan- og vestanlands, en annars frost 2 til 7 stig.

Á laugardag: Suðlæg átt og slydda eða snjókoma vestantil, en skýjað með köflum um austanvert landið. Kólnar heldur.

Á sunnudag: Útlit fyrir norðlæga átt, él og kólnandi veður.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.