Karólína Lea Vilhjálmsdóttir snýr aftur í íslenska landsliðið eftir að hafa verið frá vegna meiðsla síðan á Evrópumótinu síðasta sumar.
Karólína Lea fékk tíma til að vinna sig út úr sínum meiðslum en þýska liðið Bayern München ákvað að passa upp á hana eftir EM í fyrra. Hún er byrjuð að æfa með þýska liðinu og snýr nú aftur í landsliðið sem eru miklar gleðifréttir.
Markvörðurinn Cecilía Rán Rúnarsdóttir, sem er líka hjá Bayern, snýr líka aftur í landsliðið eftir að hafa meiðst á æfingu landsliðsins á Evrópumótinu í fyrra.
Einn nýliði er í hópnum, en það er Ólöf Sigríður Kristinsdóttir framherji Þróttar R. Ólöf Sigríður skoraði 4 mörk í 8 leikjum með Þrótti í Bestu deildinni í fyrra og hefur skorað 18 mörk í 39 leikjum í efstu deild fyrir tvítugt. Hún hefur enn fremur skorað 11 mörk í 24 leikjum fyrir yngri landslið Íslands. Ólöf hefur verið í miklum ham í Reykjavíkurmótinu í árbyrjun og er með tíu mörk í aðeins þremur leikjum þar.
Hafrún Rakel Halldórsdóttir er líka að snúa aftur í landsliðið eftir meiðsli. Bæði Arna Sif Ásgrímsdóttir og Hlín Eiríksdóttir eru líka í hópnum en Þorsteinn var gagnrýndur fyrir að velja þær ekki á síðasta ári.
Á Pinatar æfingamótinu mæta íslensku stelpurnar Skotlandi, Wales og Filippseyjum og verða allir leikirnir sýndir í beinu streymi á KSÍ TV.
Hópur A kvenna sem keppir á Pinatar Cup 15.-21. febrúar næstkomandi.
— Knattspyrnusambandið (@footballiceland) February 3, 2023
Our squad for the Pinatar Cup 2023.#dottir pic.twitter.com/Yzx0C6gfB3
- Hópurinn
-
Markmenn
- Sandra Sigurðardóttir - Valur - 48 leikir
- Cecilía Rán Rúnarsdóttir - Bayern Munich - 8 leikir
- Telma Ívarsdóttir - Breiðablik - 1 leikur
-
Varnarmenn
- Guðný Árnadóttir - AC Milan - 19 leikir
- Elísa Viðarsdóttir - Valur - 49 leikir
- Glódís Perla Viggósdóttir - Bayern Munich - 108 leikir, 8 mörk
- Ingibjörg Sigurðardóttir - Valerenga - 49 leikir
- Guðrún Arnardóttir - Rosengard - 22 leikir, 1 mark
- Arna Sif Ásgrímsdóttir - Valur - 12 leikir, 1 mark
- Áslaug Munda Gunnlaugsdóttir - Breiðablik - 11 leikir
- Hafrún Rakel Halldórsdóttir - Breiðablik - 4 leikir
- Miðjumenn
- Dagný Brynjarsdóttir - West Ham - 108 leikir, 37 mörk
- Gunnhildur Yrsa Jónsdóttir - Stjarnan - 96 leikir, 14 mörk
- Alexandra Jóhannsdóttir - Fiorentina - 29 leikir, 3 mörk
- Karólína Lea Vilhjálmsdóttir - Bayern Munich - 22 leikir, 8 mörk
- Selma Sól Magnúsdóttir - Rosenborg - 21 leikur, 3 mörk
- Sóknarmenn
- Amanda Jacobsen Andradóttir - Kristianstads DFF - 9 leikir
- Agla María Albertsdóttir - Breiðablik - 51 leikur, 4 mörk
- Sveindís Jane Jónsdóttir - Wolfsburg - 25 leikir, 7 mörk
- Svava Rós Guðmundsdóttir - Gotham FC - 42 leikir, 2 mörk
- Hlín Eiríksdóttir - Kristianstads DFF - 20 leikir, 3 mörk
- Ólöf Sigríður Kristinsdóttir - Þróttur R.
- Berglind Björg Þorvaldsdóttir - PSG - 69 leikir, 12 mörk
- Leikir Íslands á mótinu:
- Ísland - Skotland 15. febrúar kl. 14:00 á KSÍ TV
- Ísland - Wales 18. febrúar kl. 19:30 á KSÍ TV
- Ísland - Filippseyjar 21. febrúar kl. 19:30 á KSÍ TV