Þrír letibirnir frusu í hel á belgískum flugvelli

Atli Ísleifsson skrifar 30. janúar 2023 14:53

Þrír letibirnir frusu í hel eftir að þeir voru skildir eftir í flugvél á flugvellinum í Liège í Belgíu um helgina 21. og 22. janúar síðastliðinn.

Vélin var á leiðinni til Katar en millilenti í Liège vegna erfiðra veðurskilyrða og var svo föst vegna snjókomu og íss.

Alls voru níu birnir um borð í vélinni sem var á leiðinni frá Perú til Katar. Það er belgíska blaðið SudInfo sem sagði frá málinu en vélin var stopp í rúman sólarhring.

Celine Tellier, ráðherra dýravelferðar í Valloníu í Belgíu, þar sem Liège-flugvöll er að finna, segir að málið sé til rannsóknar og að verið sé að rannsaka hvort draga eigi einhvern til ábyrgðar og til hvaða aðgerða skuli grípa.

Ekki liggur fyrir hvað stóð til að gera við birnina í Katar eða þá um ástand hinna bjarnanna sex sem enn eru á lífi.

Belgía Dýr

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.