Fótbolti

Barcelona í undanúrslit bikarsins

Smári Jökull Jónsson skrifar
Ousmane Dembele tryggði Barcelona sæti í undanúrslitunum.
Ousmane Dembele tryggði Barcelona sæti í undanúrslitunum. Vísir/Getty

Ousmane Dembele skoraði eina mark leiksins í 1-0 sigri Barcelona á Real Sociedad í 8-liða úrslitum spænska konungsbikarsins í knattspyrnu.

Leiksins í kvöld var beðið með nokkurri eftirvæntingu enda liðin bæði í toppbaráttunni í spænsku deildinni, Barcelona er þar í efsta sæti með 44 stig en Real Sociedad í þriðja sæti með 38 stig.

Leikurinn í kvöld var markalaus í fyrri hálfleik en þá dró helst til tíðinda að Brais Mendez fékk rauða spjaldið á 40.mínútu en tíu mínútum áður hafði hann átt skot í þverslána.

Í síðari hálfleik var verkefnið því verðugt fyrir leikmenn Sociedad, einum færri á Nou Camp. Sigurmarkið í leiknum kom á 52.mínútu. Þá skoraði Ousmane Dembele fyrir Barcelona og það mark tryggði liðinu sæti í undanúrslitum keppninnar.

Barcelona er fyrsta liðið til að tryggja sér sæti í undanúrslitum. Osasona og Sevilla eigast við í kvöld en leik þeirra er ekki lokið. Á morgun mætast svo Valencia og Athletic Blibao sem og Madrídarliðin tvö, Atletico og Real.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.