Erlent

Dina Boluarte nýr forseti Perú, fyrst kvenna

Gunnar Reynir Valþórsson skrifar
Dina Boluarte sór embættiseið sinn í gærkvöldi.
Dina Boluarte sór embættiseið sinn í gærkvöldi. AP Photo/Guadalupe Pardo

Nýr forseti er tekinn við í Suður-Ameríkuríkinu Perú eftir að forsetinn fyrrverandi, Pedro Castillo var ákærður fyrir brot í starfi.

Varaforseti hans, Dina Boluarte er tekin við og verður þar með fyrsti kvenforseti Perú. Fyrr um daginn hafði Castillo reynt að leysa upp þing þjóðarinnar og koma á neyðarstjórn í landinu. Þingmenn virtu þetta að vettugi og ákærðu hann í staðinn og varaforsetinn sór síðan embættiseið strax í kjölfarið.

Fréttir frá Perú greina frá því að forsetinn fyrrverandi hafi verið á leið í sendiráð Mexíkó þegar hann var handtekinn. Dina Boluarte lýsti því síðan yfir í nótt að hún myndi sitja út kjörtímabil fyrri forseta, eða allt til ársins 2026.

Ákvörðun Castillo um að reyna að leysa upp þingið kom þingmönnum og ráðherrum í opna skjöldu en hann vildi meina að þetta væri krafa frá almenningi vítt og breytt um landið.

Mikill pólitískur órói hefur verið í Perú síðustu misserin og margir forsetar hafa gegnt embættinu. Til að mynda reyndu þrír sig við starfið á aðeins fimm dögum árið 2020.

Perú
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið